PAWTDAWKNA 23:3 - PATHIEN LEKHABU THIENGTHO (BSI)

³ mi chuh a chatgah ziek a thubuoi achu na panpih chuom ding ahi puoi.

PAWTDAWKNA 23:3 ပူးပေါင်းရင်းမြစ်များ

JAKOB 3:17

Chunglam apat a chitna hung suk vang chuh, a tûngin a thiengtho phawt a, zie nung chuleh kicham a nuom a, a nunnem a, a thunuom a, zahngaihna leh gah pha’n a dim a, khenchuom a nei puoh a, a gukhah diek puoi.

THIEMPUDANTE 19:15

“Vaihawmna achun diklo taka ana hih dinguh ahi puoi; mi chagahte chuh deihsak chuom in, mi hausate chuh na zah chuom dinguh ahi diek puoi; himahleh, na invengte chungah diktakin vai na hawm sak ding ahi.

DAN NIHNA 1:17

Vaihawmna ah deihchuom na neih dinguh ahi puoi; mi neu leh milien thu le langpanna neilo a na ngaihthak sak dinguh ahi; kuomah na lauh dinguh ei puoi; vaihawmna chuh Pathien a ahi ngâl a; nang u dinga thu haksa taluo chuh ka kawmah hun tun sek in na tin un, chun, zie chuh ken a na khen sak ing ka,” ti’n thu ka pie a.

PAWTDAWKNA 23:6

“Na mi chagah chuh a thubuoi ah thudik kalh a vai na hawmsak ding ahi puoi.

DAN NIHNA 16:19

Thudik heikawi a vai na hawm dinguh ahi puoh a, kuomah panpih chuom na neih dinguh ahi puoi; gawlhgukna na lak loh hiel dinguh ahi; gawlhgukna chun mipilte mit chuh a sudûk seka, mi dikte thu chuh a heikawi sek ngâla.

THUCHINGTE 18:5

Mi diklo deihsak chuh a pha puoh a, vaihawmna a mi dik thiemloh chansak chu le apha diek puoi.

THUCHINGTE 22:22

Chagah chuh a chatgah ziekin lâksak ki’n la, kulh kawtkhak a sukgimtheih thuok te chuh le tawh den diek ki’n.

ISAI 10:1

Dan ningkitel um tak siem a, thupiek giksak tak ngaihtuoh dawkte haw, na chunguh a gik hi!

AMOS 5:12

Na bawhsietna hawu tam dân leh, na gitlohnau a nasat dân ka he ngâl a: mi diktatte na sugimthei u a, gawlhgukna na lau a, kulhkawtkhak a mi gimtheite chanvo ngêi le pie phal lo te haw.