PAWTDAWKNA 23:25 - PATHIEN LEKHABU THIENGTHO (BSI)

²⁵ Chun, Lalpa na Pathien u hi nei ho u chun, na chângthâk u leh na tuiteu chuh vangsak ing ka ting; chun, na lak u apat in natna lamang kêi ing ka.

PAWTDAWKNA 23:25 ပူးပေါင်းရင်းမြစ်များ

DAN NIHNA 7:15

Chun, Lalpa’n hilegau chengcheng hun sukkieng sak intin, na hetsau Aigupta gam hilegau haw chuh na chungu ah lênsak puo’n tin, nanguh hun hawte chungah lênsak zaw’n a.

PAWTDAWKNA 15:26

“Lalpa na Pathien u aw hi guntaka na ngaihthak u a, a mitmuha pha a sak dante na hih u a, a thupiekte na ngaihsan u a, a thuguot chengcheng na zawp u chun, Aigupta mite chunga hipi ka len sak haw bang khah nang haw chung ahin lênsak hiel puo’ng ka: kei Jehovah Rafa ka hi ngâla,” a ti a.

JOSHUA 22:5

Lalpa suok Mosi’n Lalpa na Pathien u chuh hehpih a, a lampi chengcheng chuh hawh a, a thupiek haw chuh pawm a, amah chuh tuchak kêi a, na lunggil chengcheng u leh na thagau chengcheng u a a na sem ding a thu a hun piek u khah, zie thupiek leh dân haw chuh chingthei takin vawp phat guo zing un,” a ti a.

ISAI 33:24

Zie khuo a um chun “Ka dam puoi” ti um ta puo’n tin, a sunga mi umte chuh a gitloh uh ngaihdam hi ta’n au.

SAM LEHKHABU THE PSALMS 103:3

Amah chun na thulimlohna chengcheng a ngaidam sek a: Na natna chengcheng a hih dam sek hi;

DAN NIHNA 7:13

Hun hehpih intin, hun vangsak intin, hun supung intin; piek dinga na pileputeu kawma a na kihâksiel gam achun na gil uh a gah leh na lei gah hawu buh leh uain leh sathau haw, na bâwngno u leh na belamno hawu le.

DAN NIHNA 10:12

Khaile, Israel mite haw, na laku a Lalpa na Pathien un a ngek chuh bangmah dang ahi puoh a, na phatna dingu a Lalpa na Pathien u lau a, a lampi chengcheng chuh hawh a, amah hehpih a, na lungthim chengcheng u leh na lunggil chengcheng u a Lalpa na Pathien na chuh sema,

DAN NIHNA 6:13

Lalpa na Pathien u chuh na lauh u a, a na chuh na sep u a, amah min sama na kihâksiel dinguh ahi.

MATTHAI 4:10

Ziephet chun Isu’n a kawmah, “Setan, chiehmang kêi ah! ‘Lalpa na Pathien ho inla, amah na chauh sem in’ tih zik ahi ngâl a,” a ti a.

1 SAMUEL 12:20

Chun, Samuel chun mipite kawm achun, “Laukiu in, zie thil phalo tak hi na na hih ngut tau a, ahihziekin Lalpa na zuihnau apat hin petmang kiu inla, na lungthim chengcheng un Lalpa na chu sem zawu in;

DAN NIHNA 10:20

Lalpa na Pathien chuh na lauh u a, a na nasep u a, amah chuh na tuk det u a, a min a na kihâksiel dinguh ahi.

JOSHUA 24:21

Chun, mipite chun Joshua kawmah, “Hilo e! Lalpa na sem ding ka hiu hi,” a tiu a.

DAN NIHNA 13:4

Lalpa na Pathien u chuh na zuih u a, amah chuh na lauh u a, thupiek haw chuh na zuih u a, a thugen haw chuh na pawm u a, a na na sep u a, amah chuh na tûk det zing dinguh ahi.

1 SAMUEL 7:3

Chun, Samuel chun Israel inkuonte chengcheng kawmah, “Na lunggil tak zet uh a Lalpa lam hung nga na hih takzet u chun, gamdang pathien haw leh Ashtaroth chu na lak uh apat kawihmang kei unla, na lunggil u chu Lalpa dingin guonggalh unla, Amah na mai sem un; tichun Philistia mite khut apat hin hun hukdawk ding ahi,” ti’n a gena.

JOSHUA 24:24

Chun, mipite chun Joshua kawmah, “Lalpa ka Pathien uh na chuh sem ung ka tingun, a thu awi zel ung kau,” a tiu a.

MALAKI 3:10

Ka In a nek ding a um theihna dingin Sawma-khat chengcheng chuh a kawihkhawmna In ah hun chawikhawm un, van tukvante chuh hun hawn sak in, vangsakna dâwn sen loh khawp hielin ka hun vuk puoh nai mawh, ei hun patep mawng tiem u! Bangkim hihthei Lalpa chun a tii.

ISAI 33:16

Zie tawbang mite chuh chunglam ah cheng un tin; a kiselnau chuh suongpi kulh hi’n tin, a nek dinguh piek hizing un tin, a tui dâwn dinguh kang ngei puo’n a.

1 SAMUEL 12:24

Lalpa chu lau phawt mai unla, na lungthim chengcheng un tihtakzet in a na sem unla; nang u dinga thil thupi taktak a hih dân haw hi ngaihtuoh un.

JEREMIA 8:2

Nisa leh thapi leh van a lopina haw chengcheng hehpih a, a na a sep u a, a delh u leh a hawl u a chibai a bûk sekteu masang achun thehzak un tin, lâkkhâwm hita puou untin, vuih le hi diek puo’n au; leichung a êk khuk ding chauh hung hi’nau.

THIEMPUDANTE 11:44

Kei hi, Lalpa na Pathien uh ka hi a, zieziekchun, kihihthiengtho un, kei ka thiengtho ngâl a. Lei chunga chêng a bawka vak thawh chi himhim chun kisubuok kiu in.

THIEMPUDANTE 26:3

“Ka dân guola na tawih u a, ka thupiek haw na zawp u chun;

THUGENPA 5:20

Pathien in kipâk taka um a phalsak ziek chun, a damsung chawmchah sung chun lungkham taluo lo ding ahi.

DANIEL 1:15

Chun, ni sawm nung chun lengpa an lim ne tanglak chengcheng te sang bawn chun a mel uh a hawih zaw’n, a thau zaw bawn ui tih a kilang a.