PAWTDAWKNA 23:24 - PATHIEN LEKHABU THIENGTHO (BSI)

²⁴ A pathienteu chuh na ho ding uh ahi puoh a, a nau le na sep ding uh ahi puoi, a thilhih hawu bang chu le na hih ding uh ahi puoi; na sukchip suok ding uh ahi a, a suongphuh teu chuh na suknel sak suok ding uh ahi.

PAWTDAWKNA 23:24 ပူးပေါင်းရင်းမြစ်များ

PAWTDAWKNA 20:5

amau haw masanga chuh na kûn ding ahi puoh a, a nau le na sep ding ahi puoi: kei Lalpa na Pathien uh hi Pathien thikthusie, pate gitlohna zieka chate gawt sek, ei hawte chuh suon thumna leh suon lina chana gawt sek leh,

KISIMNA 33:52

zie gama mite chengcheng chuh nawhdawk suok un la, a milim siemteu chuh suksiet sak unla, a suong milimteu chuh susieu inla, a pathien hona mun teu le na sukchim sak vek dinguh ahi:

DAN NIHNA 12:3

a maichâm hawu chuh phieu inla, suong khuom zek a phuh hawu chuh khên gawp unla, a pathiennuu Aserah lim khuom haw chuh mei in hâl unla; a pathienteu lim siemkawm haw chuh sat chim unla, zie mun hawa a min u chuh na nawihmang dinguh ahi.

DAN NIHNA 7:5

Himahleh, a chungu a hiti a hi na hih zawk dinguh ahi; a maichâm hawu chuh suchim unla, a suong zek hawu chuh khen gawp unla, a pathien uh Asher pathien lim khuom haw chuh phuk unla, a milim siemkawm hawu chuh na hâltum vek dinguh ahi.

2 KHANGTHUBU 33:9

Khutichun, Manasseh chun Juda te leh Jerusalem mite chuh thil a sukkhelh sak a; tichun Lalpa’n Israel te ma a a sukmangthai namte sang bawn in thil a hih gilo zawu a.

THIEMPUDANTE 18:3

Na umnau, Aigupta mite thilhih bang kha hih kiu unla, ka hun puih lutna ding, Kanaan gama mite thilhih bang le hih diek kiu unla, a dân u le zawp kiu in.

PAWTDAWKNA 32:20

Chun, bâwngno lim a siem u chuh a la a, mei ah a hâl a, a gawt nêl a, tui lak ah a sungtha a, Israel chate chuh a dâwnsak ta a.

EZEKIEL 16:47

Himahleh, amau haw umdan chun na um puoh a, a tenumna awu chuh na hih puoh na a, na umdan cheng chenga amau sanga na siet zawk zie ngaihtuoh in ziehaw chuh,

SAM LEHKHABU THE PSALMS 101:3

Thil phalo mawng mawng ka mitmuh achun kawih puo’ng ka: Chieh pet haw thilhih chuh ka haw a; Keimah ahin bek puo’n a.

2 KHANGTHUBU 33:2

Lalpa mitmuh in thil phalo, Israel chate ma a Lalpa’n a nawhdawk Pathien helo namte’n thil kihdak-um tak a hih bang uh a ma’n a hih sek a.

PAWTDAWKNA 23:13

“Tichun na kawm u a ka gen chengcheng hi khawksau inla; pathien danghaw min himhim suoh kiu inla, na kam u apat in zak le kiza kihen la, a kawm u ale na paucham loh ding uh ahi.

PAWTDAWKNA 23:32

Amau haw tawh thuthun na siem ding uh ahi puoh a, a pathienteu kawm ale thuthun na siem ding uh ahi puoi.

PAWTDAWKNA 23:33

Na gamsung u a a chên loh ding uh ahi, khutilochun kei chung ahin thil gilo hun hih sak kha’n au; a pathienteu na na sep u chun nang u a dingin thâng hi tei ding ahi,” ti’n a ti a.

THIEMPUDANTE 26:1

Lalpa chun, “Milim pathien na kisiem dinguh ahi puoh a, suong milim geikuok ahim, suongphuh ahim le na phuh dinguh ahi puoh a, ho leh bieka neih ding inle na gam u ahin milim kizikna suong na phuh dinguh ei puoi: Kei hi Lalpa na Pathien u chuh ka hi ngâl a.

2 LENGTE 3:2

Chun, Lalpa mitmuh in thil gilo tak a hih sek a, himahleh, a nu Jezebel leh a pa Ahab bang hielin vang a hih puoi. Amah hin chu a pa Baal suong thiengtho hona siemte kha a paih dawk a.

2 LENGTE 18:4

Milim pathien hona munte chu a hihsie a, suongphuh te a hihchim a, Asher pathiente a phuk a, Mosi sumeng gûl siem, Nehushtan kiti chu a sugawp suok a. Zielai hun tieng chun Israel chate’n a limbawlna dingin, gimlimte a na hâl sek nalai uh ahi.

PAWTDAWKNA 20:3

“Kei lo chuh Pathien dang himhim na neih ding uh ahi puoi.

KISIMNA 25:2

Zie numeite chun Moab Pathien a ho nau a, an ne ding chun a chiel u a. Israel chate chun an a neu a,

2 LENGTE 17:8

Lalpa’n, a mipite masanga pata a na nawhdawk tâk namte thilhih dân leh, Israel lengte dân le muolte a na zuih tâk ziek un ahi.

2 LENGTE 17:11

Zie munsang haw achun, Lalpa’n a masang u a a nawhdawk sa namte hihdan bang chun, gimlimte a hâl sek u a. Lalpa lungnatna chawktho dingin, thil kihdak-umte hih in.

2 KHANGTHUBU 14:2

Chun, Asa’n Lalpa a Pathien mitmuh in thilpha leh thil dik a hih sek a:

2 KHANGTHUBU 25:14

Amaziah chu Edom te zo a chieh kit phetin a milim pathien teu a hun puoh a, a pathien dingin a kawih a, a ho ta a, gimlim te le a hâl sak chiet hi.

HOSEA 10:2

A lunggil teu a hung dik ta puoh a, tuhin chuh a gitlohnateu ziekin thuok ding ahiu ui. Lalpa’n a maichâmteu chuh suchim intin, a dawikhuomteu chuh susie ding ahi ngâla.