PAWTDAWKNA 23:23 - PATHIEN LEKHABU THIENGTHO (BSI)

²³ Ka vânsâwlchâk chun na mau pui zel intin, Amor te, Hit te, Periz te, Kanaan te, Hiv te, Jebus te umna achun hun pui intin; amau haw chuh sumang kêi ing ka.

PAWTDAWKNA 23:23 ပူးပေါင်းရင်းမြစ်များ

PAWTDAWKNA 23:20

“Ngaitie, nang haw lampi a hun veng zel ding leh, mun ka siemna a hun puilut dingin na masang u ah vânsâwlchâk sawl ding ka hi.

ISAI 5:13

Zieziekchun, ka mite chuh hetna a neih loh ziekun sala puih in a um tau a. A mi zahumteu chuh a gil uh a kiel a, a mipiteu chuh dangchâk in a dang uh a gaw zo tai.

PAWTDAWKNA 32:2

Tichun Aron in a kawm u ah, “Na ziteu, na chapateu leh na chanuteu bahlai, sana bilbah haw kha hun lakhawm unla, ka kawmah hun chawi un,” a ti a.

THILSIEMBUL 34:2

Chun, Hiv mi Hamor, zie gam lengpa chapa Sekem chun amah chuh a na mu a, a man a, a kuolpih ta a, tichun, a suzahhuoi ta a.

PAWTDAWKNA 3:17

Aigupta gama sukgimtheihna lak apat chun hun puidawk ing ka ting, Kanaan mite, Hit mite, Amor mite, Periz mite, Hiv mite, Jebus mite gam, bâwngnawi leh khuoizu a luong gam achun hun puilut ing ka,” tih ka tiem ta ngâl a.

THILSIEMBUL 24:7

Lalpa van Pathien, ka pa In apat leh ka pienna gam apat a ei puidawkpa leh, ei hopihpa ‘Zie gam hi na suonte pie’ng ka,’ ti a ka kawma kihâksielpa chun, amah ngêi in a vânsâwlchâk chuh na ma ah sawl intin, zie apat chun ka chapa hi zi na hun neihsak ding ahi.

JOSHUA 9:1

Chun, hiti hi ahi a, Israel chate guolzawhna thu chuh Jordan gala leng haw chengcheng tâng gama te, phai gama te, Tuisuohgiet lien tak dung a chêng a Lebanon tienga um chengcheng te: Hit mite, Amor mite, Kanaan mite, Periz mite, Hiv mite, Jebus mite hawn a hun het u chun,

JOSHUA 23:9

Lalpa’n na masang u ah nam lopi tak leh hattak te chuh a nawhdawk suok kêi ta a; nanguh haw masang ahin tuni tiengin kuomah pang thei mawngmawng a um puou hi.

PAWTDAWKNA 18:8

Lalpa’n Israel te hukdawkna ding a Pharaoh leh Aigupta te chunga a hih zie chengcheng leh, lamkal a gimtheih a thawk zieu chengcheng leh, Lalpa’n amau haw a hûkbit zie haw chuh Mosi’n a puzawnpa a hilh a.

DAN NIHNA 9:3

Zieziekchun, Lalpa na Pathien u chuh katum zieng mei guola na mau a chieh sek chuh ahi tih tuhin heu in; amah chun amau chuh na mau ah sumangthai intin guollah in kawih intin; khutichun, Lalpa’n a hun na tiem guol ngêi khan, amau chuh nawhdawkin na tin un, sumangthai pai ding na hiu hi.

JOSHUA 5:13

Chun, hiti hi ahi a, Joshua chuh Jerikoh khuo kawm a a um lai chun a khawdak a, a enviel a, chun, ngaitie, a masang cha achun mi khat a chemzâm zuk dawksa chawi a ana ding zing a mu a: a vak zuon a a kawmah, “Kei uh lama pang na him, ka melmateu lama pang?” a ti a.