PAWTDAWKNA 23:20 - PATHIEN LEKHABU THIENGTHO (BSI)

²⁰ “Ngaitie, nang haw lampi a hun veng zel ding leh, mun ka siemna a hun puilut dingin na masang u ah vânsâwlchâk sawl ding ka hi.

PAWTDAWKNA 23:20 ပူးပေါင်းရင်းမြစ်များ

PAWTDAWKNA 33:14

Chun, amah chun, “Na lak u ah um zel ing ka ting, tichun chawlhdamna hun pie’ng ka,” a ti a.

SAM LEHKHABU THE PSALMS 91:11

Na lampi cheng chenga hun humbit dingin, Na chungthu a vang a vânsâwlchâkte thu pie ding ahi ngâla.

PAWTDAWKNA 32:34

Himahlele, tuhin chieh inla, chiehna ding ka hun hilhna mun akhan mipite hi va pui phawt in. Ngaitie, ka vânsâwlchâk in na ma pui zel in a, tih hezing in; amahvang chuh, ka hun vehthak ni chuleh a gitlohnau ngêi achun gawt ding ka hi,” a ti a.

PAWTDAWKNA 14:19

Khutichun, Pathien vânsâwlchâk, Israel mipite pui sek kha a nung lam u ah a kichawn ta a; meikuong kha a masang lam u apat a kichawn ta a, a nung lam u ah a ding ta a.

ISAI 63:9

A lungkhamna chengcheng u achun amah chule a lungzîng seka, a masanga um Vânsâwlchâk chun amau chuh a hukdawk seka; a hehpihna leh a zahngaihna chun a tandawk ta a, a masang hun lai cheng khan amau chuh a puoh a, a pawm sek hi.

PAWTDAWKNA 33:2

Na masang uh ah vânsâwlchâk hun sawl ing ka ting, Kanaan te, Amor te, Hit mite, Periz mite, Hiv te leh Jebus te chuh nawhdawk ing ka.

MATTHAI 25:34

Zie phat chu leh Lalpen chun a changlama mite kawm achun, ‘Ka pa vangsakte haw, hung un la, khawvel kisiem tûng apat nang u dinga guotsa chuh luoh un.

JOHAN 14:3

Chun, nang u dinga mun ka va siem zawh tieng chu leh, hungkit ing ka ting, ka kawmah nanguh hun lang ka, ka umna a nang u le na um theihna dingun.

MALAKI 3:1

“Ngaitiem u! ka sawlchak hun sawl ding ka hi a, Ka masangah lampi hun guonggalh ina. Tichun, na hawl uh, Lalpa chuh a Ho-In ah thakhat in hung phut ina. Thuthun Sawlchak na kipahpih u chuh hung in tin, ka thu chuh hung phuong dawk ina,” Bangkim hihthei Lalpa chun a tii.

JOSHUA 6:2

Chun, Lalpa’n Joshua kawmah, “Entie, Jerikoh leh a lengpau leh a mihat hangsante hi na khut ah ka hun pie tai.

KISIMNA 20:16

Tichun Lalpa ka sam u a, ka kiko aw teu chuh a na za a, a van sawlchak a hun sawl a, Aigupta gam apat in ei puidawk a, Tuhin na gam tawppen a Kadesh a hin ka um tau hi,

JOSHUA 5:13

Chun, hiti hi ahi a, Joshua chuh Jerikoh khuo kawm a a um lai chun a khawdak a, a enviel a, chun, ngaitie, a masang cha achun mi khat a chemzâm zuk dawksa chawi a ana ding zing a mu a: a vak zuon a a kawmah, “Kei uh lama pang na him, ka melmateu lama pang?” a ti a.

PAWTDAWKNA 15:17

Nangin amau haw chuh puilut in na tin, na goluoh tâng achun phut inla, Aw Lalpa, nangin na umna dinga mun na siem achun, Aw Lalpa, mun thiengtho na khut ngêi a na dindawkna achun.

THILSIEMBUL 48:16

Gitlohna chengcheng apat a ei hukdawk sek vânsâwlchâk chun, naupangte hi vangsak hen! Chun, ka min leh ei suonte Abraham leh Isak min chuh zie naupangte chung ahin um zing hen! chun, khawvel lailung ah mipi nasa tak hiding in hung pung u hen,” a ti a.

THILSIEMBUL 15:18

Zie ni chun Lalpa’n “Zie gam hi Aigupta lui apat a lui lien, Euphrates lui chanin na suonte ka pie tai:

THILSIEMBUL 24:7

Lalpa van Pathien, ka pa In apat leh ka pienna gam apat a ei puidawkpa leh, ei hopihpa ‘Zie gam hi na suonte pie’ng ka,’ ti a ka kawma kihâksielpa chun, amah ngêi in a vânsâwlchâk chuh na ma ah sawl intin, zie apat chun ka chapa hi zi na hun neihsak ding ahi.

THILSIEMBUL 24:40

Amah chun ka kawmah, ‘Lalpa a thu ka zawp sek pa chun, a vânsâwlchâk chuh na kawmah hun sawl intin, na chiehna ding achun hun lawhtin sak in a; tichun, ka chapa dingin ka inkawte leh ka pa inkuonpihte laka mi ngêi zi’n na neihsak ding ahi:

PAWTDAWKNA 15:16

Tizatna leh lauhna’n a buokkhum a, Na khut hatna’n suong bangin a suthip kêi a; Aw Lalpa, na mite a galkaih masieh u chun.

PAWTDAWKNA 23:23

Ka vânsâwlchâk chun na mau pui zel intin, Amor te, Hit te, Periz te, Kanaan te, Hiv te, Jebus te umna achun hun pui intin; amau haw chuh sumang kêi ing ka.

KISIMNA 22:22

Chun, Balaam a chieh ziek chun Pathien chuh a lungna ta a, Balaam chuh a sabiltung chung ah a chuh a, a suokte nih tawh kitawn lai chuh a lampi khâk ding chun Lalpa vânsâwlchâk chuh lampi achun a na ding ta a.

DAN NIHNA 33:2

Sinai apat in Lalpa chuh a hunga, Seir apat in a hung suok hi a chung u ah ni guolin, Paran tâng apat in a hung eng dawka, Mithiengtho a sing a simte tawh a hung; A khut changlam ah amau dingin dân meikuong chawi kawmin.

JOSHUA 23:5

Chun, Lalpa na Pathien un na masang u ahin nawhdawk intin, na muh phâk loh un nawhdawk suok kêi intin; tichun Lalpa na Pathien un na kawm u a a gen tâk bang khan a gam u chuh nei ding na hiu hi.

JOSHUA 5:14

Chun, amah chun, “Hilo e, Lalpa sepaihte lawiupa a hung ka hi zawi,” a ti a. Tichun Joshua chuh lei ah a khupbawk a, chibai a bûka, a kawmah, “Ka Lalpa’n a suok kawm ahin bang ahim gen ding a neih chuh?” a ti a.

ZEKARIA 12:8

Zie ni chuleh Lalpa chun, Jerusalem luohte chuh humbit intin; zie ni chuleh, a lak u a hatlo pên chule, David tawbang a hât hung hi’n tin, Tichun, David insung chuh Pathien tawbang hung hiu un tin, amau haw masang achun Lalpa vânsâwlchâk tawbang in ma pui un au.