PAWTDAWKNA 23:18 - PATHIEN LEKHABU THIENGTHO (BSI)

¹⁸ “Kei dingin kithawihna sa thisan chuh chângthâk chawl sawh tawh na hun piek ding ahi puoi; kei dingin kut na gan thau chuh zankhuo’n, a zing chana na kawih ding le ahi puoi.

PAWTDAWKNA 23:18 ပူးပေါင်းရင်းမြစ်များ

THIEMPUDANTE 2:11

Changbuong thillat himhim Lalpa kawma na lat ding u chuh chawl tello a siem hiding ahi; Lalpa a dinga mei a thillat achun chawl ahim, khuoizu ahim chuh na helloh ding uh ahi.

PAWTDAWKNA 34:25

“Kei dinga kithawihna sa thisan chuh chângthâk chawl sawh tawh na hun piek ding uh ahi puoi, Chiehkân kut kithawihna chuh a zing tieng in umsak ding ahi diek puoi.

DAN NIHNA 16:4

Ni sagih sung chuh na gamsung u a chawl himhim a um loh ding ahi; chun, ni khat ni nitâk lama na kithawihnau sa chuh zankhuo a zingkal chana a um ding ahi puoi.

PAWTDAWKNA 12:10

Chun, a zing a ding chun bangmah na kawih ding uh ahi puoh a; nek mâwk um chuh mei a na hâlmang ding uh ahi.

THIEMPUDANTE 7:15

Chun, a kipahthu genna ding a a chamna thillat kithawihna sa chuh, thillat a lat ni mah mah a nek zawh ding ahi a, a zing chana bangmah sit loh ding ahi.

PAWTDAWKNA 12:8

Chun, belam no sa chuh zie zan ngêi achu a nek dinguh ahi a; em min un tin, chângthâk chawl sawhloh tawh hampa kha tawh a meh dinguh ahi.

THIEMPUDANTE 7:12

Kipah thugenna thillat ahih chun, thau a mêk chawl tello, chângthâk pan haw leh changbuong nêl tak, thau a guntaka kimek a lat tel ding ahi.

PAWTDAWKNA 12:15

Chun, “Ni sagih sung chuh chângthâk chawl sawhloh na nek ding uh ahi a: ni khat ni apat chun na insung u apat chawl chuh na thielngim suok dinguh ahi: kuole ni khat ni apat a ni sagih ni chana chângthâk chawl sawh ne taphawt chuh, zie mite chuh Israel te lak apat a satthak hi’nau.

PAWTDAWKNA 16:19

Tichun, Mosi’n a kawm u ah, “Kuoma’n a zinglam a ding in sît kiu in,” a ti a.

PAWTDAWKNA 29:34

Zie namdetna sa ahim, chângthâk ahim chuh a zingkal tienga a val a na um chun, a val chuh meia na hâlmang ding ahi: zie chuh thil thiengtho a hih ziekin nek ding ahi puoi.