PAWTDAWKNA 23:15 - PATHIEN LEKHABU THIENGTHO (BSI)

¹⁵ Thu ka hun piek bangin, Aigupta gam na nutsieh kum uh, Abib tha chun chângthâk chawl sawhloh kut ni sagih na mat ding uh ahi. Zie kut sung ni sagih chuh chângthâk chawl tel himhim na nêk loh dinguh ahi. Tichun, ka ma ah kuomah khutngawn a na hung kilat loh dinguh ahi.

PAWTDAWKNA 23:15 ပူးပေါင်းရင်းမြစ်များ

LUKE 22:7

Chun, chângthâk chawl sawhloh Kut, Chiehkân Kut belamno thahna ding ni chuh a hungtung ta a.

PAWTDAWKNA 34:20

Chun, sabiltung suok masapen chuh belamno a na tat ding ahi: na tat nawp loh chun a ngâwng na sukbawt ding ahi. Na chapa chengcheng laka pieng masapen chuh na tat ding ahi. Tichun ka masangah kuomah khutngawn a na hung kilat dinguh ahi puoi.

DAN NIHNA 16:16

Kum cheng leh na lak u a pasal cheng, a guot ding muna chuh, Lalpa na Pathien mau a thumvei a va kilat chiet dinguh ahi; Chângthâk Chawl sawhloh Kut leh Hapta Kut leh Bawkcha Kut haw ahin; chun, Lalpa maa kuomah khut ngawn a a hung dinguh ahi puoi;

MARK 14:12

Chun, chângthâk chawl sawhloh ni, ni masapen, Chiehkân Kut na ding a thah seknau ni chun, a sinsakte’n a kawmah, “Chiehkân Kut An na nek theihna dingin khawi ah va guong leu ung na nuom hi?” a tiu a.

THIEMPUDANTE 23:10

Gah masa, buhphal masapen chuh thiempu masanga na hun chawih dinguh ahi.

PAWTDAWKNA 34:18

“Chângthâk chawl sawhloh kut na neih ding uh ahi. Thu ka hun piek tâksa bang khan, ni sagih sung chuh, chângthâk chawl sawhloh, Abib tha a hun guot a chuh na nek ding uh ahi; zie tha khan Aigupta gam apat a hung pawt na hi ngâl u a.

PAWTDAWKNA 13:4

Abib tha, a tha khatna, tuni hin Aigupta gam apat na hung pawt u a.

LUKE 2:41

Chun, kum cheng leh Chiehkân Kut mang dingin a nu leh a pa chuh Jerusalem ah a chieh sek uh a.

NASEPTE 12:3

Zie chun, Judate a sukipak hi tih a het in, Peter chule mat a guo kit zel a. (Zie chuh, Chângthâk Chawl sawhloh Kut hun lai ahi.)

PAWTDAWKNA 12:2

“Tu tha hi nang uh dingin kum khat sunga tha sim patna hi’n a.

PAWTDAWKNA 22:29

“Na thai gah masapen leh na uain tui va masapen chuh vaigei lo a na lat ding ahi. Na chapa upapen chuh nei piek ding ahi.

1 SAMUEL 6:3

Chun, amau chun, “Israel te Pathien bawm hi thak mang ding na hih hiel u lele a ngawnin vang chiehsak hiel kiu in; a kawmah sukkhelh kithawihna thilpiek pie tei tei un, tichun sukdam in um in na tin un, bang zieka a khut chu nanguh apat a lâkdawk loh ahim tih he’n lau” a tiu a.

PAWTDAWKNA 13:3

Chun, Mosi’n mipite kawm achun, “Aigupta te suok apat a na pawt niu tuni hi hezing un; zie ni hin Lalpa’n a thilhih theihna’n nang uh a hun puidawk a: chângthâk chawl kisawh himhim chuh na nek loh dinguh ahi.

MIKA 6:6

Lalpa, van Pathien ho dinga ka hung tieng leh, a masang achun bang ahi die ka chawih ding? A masang achun hâlmang kithawihna a bâwngno kum khat a upa tawh hung ding ka him?