PAWTDAWKNA 23:13 - PATHIEN LEKHABU THIENGTHO (BSI)

¹³ “Tichun na kawm u a ka gen chengcheng hi khawksau inla; pathien danghaw min himhim suoh kiu inla, na kam u apat in zak le kiza kihen la, a kawm u ale na paucham loh ding uh ahi.

PAWTDAWKNA 23:13 ပူးပေါင်းရင်းမြစ်များ

JOSHUA 23:7

Zie nam na lak uh a um nalai haw hi tawh kivawp lo a, a Pathien hawu min le lam lo a, a min lo a kipautiem lo a, a nau le sem lo a, khûn a chibai le bûk lo a tuni tienga na hih zing bang u hin,

1 TIMOTHE 4:16

Nangmah leh na thu sinsak achun chingthei in. Zie thil haw chuh hihzawm zingin. Khutibang na hih chun, nangmah leh, na thu ngaithate chengcheng hukdam ding hi chin a.

ZEKARIA 13:2

Chun, zie ni chuleh milim pathiente chuh gamsung apat chun lamang ka ting; kuoma’n hezing ta puo’n au! Thiemgau ka hi tite leh thagau buok chu nawhmang ka ting, milim ho utnate chu lamang ding ka hi, Lalpa’n a tii.

DAN NIHNA 4:9

Bang hita lele, kivengphau inla, ngaikhawk takin nangmau ki-enchien phawt mai un; khutilochun na mit ngêi u a na thil muh hawu chuh hengilh in, na damsung un na lungthim u apat in bei kha khâna; na chateu leh na tuteu le sinsak un;

HOSEA 2:17

A kam apat in Baal minte hi sumang ding ka hi a, a min le lam khâk hi ta puo’n a.

DAN NIHNA 12:3

a maichâm hawu chuh phieu inla, suong khuom zek a phuh hawu chuh khên gawp unla, a pathiennuu Aserah lim khuom haw chuh mei in hâl unla; a pathienteu lim siemkawm haw chuh sat chim unla, zie mun hawa a min u chuh na nawihmang dinguh ahi.

HEBRAI 12:15

Pathien hehpihna apat a kiheimang lo dingin kivêng phau un. Na lak uh a kuoma’n, khatna zung bang ahim hung khang dawk a, zie thihna gu a chuh buoina nasatak hun suohdawk sek bang hih hi hiel kiu in.

EPHESI 5:15

Khutichun, mi chinglote banga um lo in, miching te banga um zaw’n, na umdan u ah chun chingthei un.

JEREMIA 10:11

A kawm u a hiti hin gen in: pathien lei leh van siem hilote chuh lei apat in sumangthai inla, vannuoi apat in sumangthai vek un.

SAM LEHKHABU THE PSALMS 16:4

Pathien dang telte chuh, a lungkham nau hung pung ina: A dâwn ding thisan latteu chuh sungtha puo’ng ka ting, a min u le ka kam in suoh diek puo’ng ka.

JOSHUA 23:11

Zieziekchun Lalpa na Pathien u chuh hehpih dingin chingthei takin um un.

JOSHUA 22:5

Lalpa suok Mosi’n Lalpa na Pathien u chuh hehpih a, a lampi chengcheng chuh hawh a, a thupiek haw chuh pawm a, amah chuh tuchak kêi a, na lunggil chengcheng u leh na thagau chengcheng u a a na sem ding a thu a hun piek u khah, zie thupiek leh dân haw chuh chingthei takin vawp phat guo zing un,” a ti a.

EPHESI 5:12

(A gûka a thilhih sekteu chuh a gen le zahchâk a um sek ngâla a.)

SAM LEHKHABU THE PSALMS 39:1

“Ka lei hin thil ka hihkhelh loh na dingin, Ka um dân haw hi vengpha’ng ka ting: Minunsie te ka masanga a um sung cheng un Ka kam hi mûk kânna’n kân ing ka,” ka ti a.

DAN NIHNA 4:15

“Zieziekchun, chingthei ten un; Horeb tânga Lalpa’n meikuong lak apat a hun hopih ni a khah mellepâng nei bangmah na muh loh ziek u khan,

KISIMNA 32:38

Nebo, Baal-meon, (a min haw hi then ahi tai). Sibmah te a tungdawk kit u a; a khawpi siem teu chuh min thak dang a sau a.

PAWTDAWKNA 23:24

A pathienteu chuh na ho ding uh ahi puoh a, a nau le na sep ding uh ahi puoi, a thilhih hawu bang chu le na hih ding uh ahi puoi; na sukchip suok ding uh ahi a, a suongphuh teu chuh na suknel sak suok ding uh ahi.

PAWTDAWKNA 23:32

Amau haw tawh thuthun na siem ding uh ahi puoh a, a pathienteu kawm ale thuthun na siem ding uh ahi puoi.

DAN NIHNA 4:23

Kivengpha ten mai un, khutilochun Lalpa na Pathien un nang u tawh a thuthun chuh hengilh in, Lalpa na Pathien un bang mel pu a le siem a phal loh milim haw poh hun kisiem kawm kha vei un lau;

DAN NIHNA 6:1

“Chun, luoh dinga na chiehnau gama chuh na zuih theihna ding u a nang u hun hilh dinga Lalpa na Pathien thu ei piek thupiek haw leh danhaw leh thutanna haw chuh ziehaw hi ahiu: