PAWTDAWKNA 22:30 - PATHIEN LEKHABU THIENGTHO (BSI)

³⁰ Khutibangmah chun, na bâwngchal haw leh na belam haw chule na hih ding ahi; ni sagih chuh a pi kawmah um intin, a ni giet ni chuleh nei piek ding ahi.

PAWTDAWKNA 22:30 ပူးပေါင်းရင်းမြစ်များ

THIEMPUDANTE 22:27

Bâwngchal ahim, belam ahim, kel ahim a hung pien tieng ni sagih masanga api tawh khen loh ding ahi; ni giet ni zawh apat chun Lalpa dinga mei a thillat a pawm theih hi’n a.

DAN NIHNA 15:19

Na bâwngno u leh na belamchal pieng masapen taphawt chuh Lalpa na Pathien u chan dinga na piek dinguh ahi; bâwngchal pieng masapen chuh na sema na mat dinguh ahi puoh a, na belam suok masapen u chule a mul na met dinguh ahi puoi.

THIEMPUDANTE 12:3

Chun, nausen chuh ni giet a tit phat leh a zek tan ding ahi.

PAWTDAWKNA 13:12

cha sûlhawng masapen leh na ganchau suok masapen chuh Lalpa dinga na kawihchuom zel ding uh ahi; a chal haw chuh Lalpa a ding hi’n au.

THILSIEMBUL 17:12

Tichun na lak u a ni giet a upa chuh, na suonsawn zel hawu chan inle, na suon uh hi khello le na In a pieng ahim, malzin kuo hitaleh suma châwk hilele pasal taphawt chuh zek tan ding ahi.

THIEMPUDANTE 7:23

Israel chate zuih dingin a pie a: bâwng thaute, kel thau te, leh belam thau ahim chuh nek ding ahi puoi.

THIEMPUDANTE 7:24

Ganhing thikam ahim, gamsa thah ahim chule a thau nek ding ahi puoi, thil dang banga him khat achun vang mat theih hi’n a.

THIEMPUDANTE 7:26

Na umna phawt u ah, khawitak hitaleh, thisan himhim, gamsa thisan ahim, vacha thisan ahim chuh na nek loh dinguh ahi.

THIEMPUDANTE 11:44

Kei hi, Lalpa na Pathien uh ka hi a, zieziekchun, kihihthiengtho un, kei ka thiengtho ngâl a. Lei chunga chêng a bawka vak thawh chi himhim chun kisubuok kiu in.

THIEMPUDANTE 11:45

Kei hi, Lalpa na Pathien uh hi dinga, Aigupta gam apat a hun puidawkpa chuh ka hi. Na thientho dinguh ahi, Kei ka thiengtho ngâl a.

THIEMPUDANTE 17:15

Chun, zie gam mi hi hi henla, gamdang mi hita leh, ganhing mawk thih ahim, gamsa thah ahim ne ta chuh, a puon uh sawp untin, a kisil dinguh ahi, nitâk lam chanin thienglo in um un tin, zie nung chuleh hung thieng ta’n au.

THIEMPUDANTE 22:8

Sa, mawk thih ahim, gamsa peh lup ahim ne a a kisukbuok dinguh ei puoi: Kei Lalpa chuh ka hi.

DAN NIHNA 14:21

Ganhing thikam taphawt chuh na nek loh dinguh ahi; na lak u a cheng gam chuom mite chuh a nek dingun pie thei in na tin un; gam chuom mite kawm achun zuok thei inlau; ahihziekin nang u chuh Lalpa na Pathien ding u a nam thiengtho na hiu hi. Kelno chuh a pi nawitui a na huon loh dinguh ahi.

EZEKIEL 4:14

Ziephet chun kei chun, “Katei, Lalpa Pathien, ngaitie, khangdawng ka hih lai apat tu chan hin le ka kisubuok kha nai puoh a, ganhing thikam ahim, gamsa peh ahim, sa tenum ahim ka kam ah a lut kha nai puoi,” ka ti a.