PAWTDAWKNA 22:29 - PATHIEN LEKHABU THIENGTHO (BSI)

²⁹ “Na thai gah masapen leh na uain tui va masapen chuh vaigei lo a na lat ding ahi. Na chapa upapen chuh nei piek ding ahi.

PAWTDAWKNA 22:29 ပူးပေါင်းရင်းမြစ်များ

PAWTDAWKNA 23:16

“Chun, lo a na sepgim gah masapen buh-ât guolvakna na neih ding uh ahi. Chun, kumtawp tieng leh, lo a nasep gim gahte na kawihkhâwm zawh vek tieng leh Bawkcha Kut na mat dinguh ahi.

PAWTDAWKNA 13:2

“Israel chate laka cha lutîl cheng, sûl hawng masa taphawt, mihing leh gancha le kei dinga na kawih thiengtho ding uh ahi, kei a ahiu hi,” ti’n a gen a.

JAKOB 1:18

A thilsiem haw laka gah masa I hung hih theihna dingun, amah deihlam a Thutak a chuh ei hin uh I hiu hi.

PAWTDAWKNA 23:19

“Na lo a thai gah laka amasapen chuh Lalpa na Pathien In a na hun chawih ding ahi. Kelno chuh a pi nawitui a na huon loh ding ahi.

ROME 8:23

Zie mai chuh ei puoi, eihaw ngêi le, Pathien thilpiek masa Thagau neite hin le, I sapum tatnau chuh ngak in, ei u nasan le I lungthim un I tau uh ahi.

MATTHAI 6:33

A gam leh a diktatna hawl masa zawu un; tichun, ziehaw chengcheng chuh piek behlap a um ding na hiu hi.

MIKA 7:1

Ka chung a gik na e! Nipi theigah kisungkhawm leh grep lawh hun laia a kilo hengilh lawh ding tawbang ka hi ngâla; theipi gah min masa tawbang ka hi a, ka hinna’n a utchak le a um diek puoi!

PAWTDAWKNA 34:19

“Cha sûl hawng masapen chuh kei a ahi; chun, na ganchateu, a chal chengcheng; bâwngchal leh belamchal suok masapente chu tawh.

PAWTDAWKNA 13:12

cha sûlhawng masapen leh na ganchau suok masapen chuh Lalpa dinga na kawihchuom zel ding uh ahi; a chal haw chuh Lalpa a ding hi’n au.

EZEKIEL 20:40

Ka tâng thiengtho chung achun, Israel tâng sang achun, zie tak a chun Israel insung mite cheng-cheng chun a bawn un, zie gam achun ka na sem tan au; zie chun amau chuh pawm ta’ng ka ting, zie chun na thillat teu, na thilpha piekteu leh na thilzek chengcheng teu chuh deih ta’ng ka.

2 KHANGTHUBU 31:5

Zie thupiek chu a hung zak phetin Israel chate chun a buhteu, uain te, thau te, khuoizu te, a lo u a thai gah masapen te chu a hun pieu a; chun, a neih cheng lak u a sawma-khat le a hun pieu hi.

2 LENGTE 4:42

Chun, Baal-shalisha apat in mi khat a hung a, Elisha ding chun, buh tung masapen a siem buhmanpawl chângthâk sawmnih leh, buh thak vui, a dip in a hun chawih sak a. Amah chun, “Ziete haw nek ding hin pie tau u,” a ti a.

PAWTDAWKNA 23:15

Thu ka hun piek bangin, Aigupta gam na nutsieh kum uh, Abib tha chun chângthâk chawl sawhloh kut ni sagih na mat ding uh ahi. Zie kut sung ni sagih chuh chângthâk chawl tel himhim na nêk loh dinguh ahi. Tichun, ka ma ah kuomah khutngawn a na hung kilat loh dinguh ahi.

PAWTDAWKNA 34:20

Chun, sabiltung suok masapen chuh belamno a na tat ding ahi: na tat nawp loh chun a ngâwng na sukbawt ding ahi. Na chapa chengcheng laka pieng masapen chuh na tat ding ahi. Tichun ka masangah kuomah khutngawn a na hung kilat dinguh ahi puoi.

KISIMNA 18:13

A lo u a gah masapen Lalpa a ding a a hun chawih u chuh nang a hi’n tin; na In a mi thiengtho chengcheng in ne thei un au.

THIEMPUDANTE 22:27

Bâwngchal ahim, belam ahim, kel ahim a hung pien tieng ni sagih masanga api tawh khen loh ding ahi; ni giet ni zawh apat chun Lalpa dinga mei a thillat a pawm theih hi’n a.

DAN NIHNA 15:19

Na bâwngno u leh na belamchal pieng masapen taphawt chuh Lalpa na Pathien u chan dinga na piek dinguh ahi; bâwngchal pieng masapen chuh na sema na mat dinguh ahi puoh a, na belam suok masapen u chule a mul na met dinguh ahi puoi.