PAWTDAWKNA 22:28 - PATHIEN LEKHABU THIENGTHO (BSI)

²⁸ “Pathien chuh gensie ki’n la, na mite laka vaihawm haw chule hansie na lawh ding ahi puoi.

PAWTDAWKNA 22:28 ပူးပေါင်းရင်းမြစ်များ

NASEPTE 23:5

Paul chun, “Suohpihte haw, Thiempu Lienpen ahi tih ka het loh ahi; ‘Na chipihte lawiupa chungah thu phalo gen ki’n,’ tih le zik ahi ngâl a,” a ti a.

THUGENPA 10:20

Leng chuh hansiet khum ki’n la, na lungthim inle phunchiek khum diek ki’n, chun, mi hausate le gensie ki’n la, na zâlkhun chung ale a gûkin gensie ki’n, vachate’n na thugen chuh puou intin, ganhing tha nei te’n zie thu chuh va hilh kha’n au.

JUDA 1:8

Khutibang mah in, ziete haw chun le, muh lawk thil nei in, a taksa teu chuh gitlohna hih dingin a siem uh a; Pathien thuneihna chuh musit in, chunglama lopitak umte chule a gensie sek ui.

2 PETER 2:10

Taksa lama utchakna thanghuoi hihte leh, vaihawm sakna musitte vang chuh, Vaihawm Ni a dingin gawt kawma sit dân a he zawsem hi. Zie tawbang sinsaktu diklote chuh, ngawl hân leh amah kiletsakte ahiu a, chunglam lopina changte nasan le zahchâk lo in, a gensie zaw sek ui.

PAWTDAWKNA 21:17

“Chun, kuole a nu ahim, a pa ahim hansie lawh chuh thah ngêi ngêi ding ahi.

1 PETER 2:17

Mi chengcheng limbawl un. Suohpih tapoh chuh hehpih unla, Pathien lau unla, Lalpen chuh limbawl un.

NASEPTE 23:3

Paul chun a kawmah, “Nang, suong pal nuh vam pa, nang Pathien in hun bêng zaw’na! Nang, Dan guola mi chungthu tan dingin, Danlo guola ei bet dingun thu na pie maw?” a ti a.

SAM LEHKHABU THE PSALMS 138:1

Aw Lalpa, ka lunggil chengcheng in na kawmah kipahthu gen ing ka ting: Nangmah pakcha’n pathien haw âng achun la sang ka.

SAM LEHKHABU THE PSALMS 32:6

Khutichun, Pathien limsak mitin in hawl baihlam a a um lai in, na kawmah paucham chiet u hen; lungkham na tui a hung kinawk tieng lele amau chuh chup pai zieng puo’n a.

1 SAMUEL 26:9

Chun, David chun Abishai kawm achun, “Sumangthai kih, Lalpa thaunuh chunga khut tha kuo a thiemchang thei ding?” a ti a.

1 SAMUEL 24:10

Ngaitie, tuni a Lalpa’n kâwlhâwm a hih ka khuta ahun piek dân hi na mit ngêi in na mu a; khenkhat chun hun that dingin ei sawl u a; himahlele ka hun hinghawih a; ‘Ka lalpa chungah ka khut himhim tha puo’ng ka, Lalpa sathau nuh ahi ngâla,’ ka ti a.

1 SAMUEL 24:6

Khutichun, a mite kawm achun, “Lalpa sathau nuh ahi tih hezing ngût a, a chunga khut pan a, Lalpa sathau nuh ka pu chunga zie thil ka na hih hi akilawm mawhna hiel e,” a ti a.

THIEMPUDANTE 24:16

Chun, kuole Lalpa min gensie taphawt chuh suklup ngêi ngêi ding ahi; mi cheng cheng in suong a a seh ngei ngêi dinguh ahi: Lalpa min a gensiet u chun gamdang mi le, zie gama mi himhim le suklup ding ahi.

THIEMPUDANTE 24:11

Israel numei chapa chun hansie lawh in Pathien a gensie a, tichun Mosi kawmah ahun pui u a. (Anu min chuh Shelomith ahi a, Dan nam a Debri chanu ahi.)

THIEMPUDANTE 24:15

Chun, Israel mipite hopih in la, kuole, Pathien hansie lawh ta chun, a gitloh mawh kipuok intin,

2 SAMUEL 16:5

Chun, leng David Behurim a tun chun ngaitie, Saul inkawte laka mi Gera chapa amin Shimei a hung pawt. a, samsie kawm kawmin a hung pawt a.

2 SAMUEL 16:9

Khutichun Zeruiah chapa Abishai chun leng kawmah, “Bangati a zie uicha hin ka pu chu hansie a buok maimai? a lu va la di’ng ka,” a ti a.

2 SAMUEL 19:21

Himahlele Zeruiah chapa Abishai chun a dâwng a, “Lalpa thau nuh chu hansie a buokkhum ziekin Shimei hi thah ding hilo ding ahim?” a ti a.

1 LENGTE 21:10

Belial chapate mi nih a maa umsak unla, ‘Pathien leh leng na gensiei,’ ti a hêk dingin a na siem un. Chuleh puidawk unla, suongin a na seplum un,” ti’n a zik a.

PAWTDAWKNA 13:2

“Israel chate laka cha lutîl cheng, sûl hawng masa taphawt, mihing leh gancha le kei dinga na kawih thiengtho ding uh ahi, kei a ahiu hi,” ti’n a gen a.

PAWTDAWKNA 13:12

cha sûlhawng masapen leh na ganchau suok masapen chuh Lalpa dinga na kawihchuom zel ding uh ahi; a chal haw chuh Lalpa a ding hi’n au.

PAWTDAWKNA 23:16

“Chun, lo a na sepgim gah masapen buh-ât guolvakna na neih ding uh ahi. Chun, kumtawp tieng leh, lo a nasep gim gahte na kawihkhâwm zawh vek tieng leh Bawkcha Kut na mat dinguh ahi.

PAWTDAWKNA 23:19

“Na lo a thai gah laka amasapen chuh Lalpa na Pathien In a na hun chawih ding ahi. Kelno chuh a pi nawitui a na huon loh ding ahi.