PAWTDAWKNA 22:21 - PATHIEN LEKHABU THIENGTHO (BSI)

²¹ “Malzin na bawlsiet loh dinguh ahi, muh le na muhsit loh ding uh ahi; nang haw le Aigupta gam akhan malzin na hiu kha.

PAWTDAWKNA 22:21 ပူးပေါင်းရင်းမြစ်များ

DAN NIHNA 10:19

Zieziekchun, gam chuom mite chuh nangun le hehpih un; nang u le Aigupta gama khan gam chuom mi na hiu kha.

PAWTDAWKNA 23:9

“Nam dang na bawl gimtheih ding ahi puoi; nang haw le Aigupta gam akhan nam dang na hih tâk ziek un, nam dang lunggil put dân chuh na he ngâl u a.

THIEMPUDANTE 19:33

“Chun, gamdang mi, na gam u a a chên u chun, na bawlsiet dinguh ahi puoi.

ZEKARIA 7:10

Meithai leh pa neilote, malzin leh mi gimtheite chuh bawlsie kiu in. Kuomah cha’n a lunggil un, a suohpih teu sietna ding chuh ngaihtuoh kiu in,” ti’n.

MALAKI 3:5

Vaihawm dingin hung kit vak ding ka hi, dawithiemte, zawlsaite, lepchieh a kipautiemte chung leh, meithai leh chagah leh kithalakte lawh suchavai a, bawlsiete leh, gamdang mi nawhmangte leh, ei kihcha lote chung achun hetpihtu diktak hi ding ka hi, tih hi Bangkim hihthei Lalpa kamsuok ahi.

JEREMIA 7:6

Nam dang mite, pa neilote meithaite na bawlsiet loh u a, zie mun ahi mi dik thisan na suoh loh u a na sietna ding u a pathien dangte na delh diek loh u chun,

DAN NIHNA 23:7

“Edom mite chuh na pawng ten dinguh ahi puoi, na unauteu ahi ngâl u a; Aigupta mite le na pawng ten dinguh ahi diek puou hi, a gam u ah na va malzin ta ngâl u a.

THIEMPUDANTE 25:35

Na suohpih, amah ki-enkawl theilo khawpa chagah in ahun belh chun, na khawmtuoh ding ahi; na In a mi na gawihte laka khat guolin na piek ding ahi, ti a chuh na kawma a khawsak theihna dingin.

PAWTDAWKNA 20:2

“Kei, Lalpa na Pathien uh, Aigupta gama suok apat a hun puidawkpa chuh ka hi.

JEREMIA 22:3

Lalpa chun hiti hin a tii; Diktak leh thudik in vaihawm un la, sugimtheite khut a gimtheihna thuokte chuh hukdawk unla, chun, gamdang mite, pa neilote leh meithaite chungah diklohna ahim, hiemngam na ahim chîng kiu in; zie mun ahin mi diktat thisan le hun suoh diek kiu in.

DAN NIHNA 15:15

Aigupta gama khan suok na hi tau a, Lalpa na Pathien un a hun tatdawk na hiu hi tih hi na hetzing dinguh ahi; ziezieka chuh zie thu hi ka hun piek ahi.

THIEMPUDANTE 19:13

“Na invengteu na thep dinguh ahi puoh a, na gûk sak dinguh ahi diek puoi. Mi, na thalakteu lawh chuh pie lo in, zan khat le na umsak dinguh ahi puoi.

THIEMPUDANTE 19:34

Gamdang mi na lak u a chêngte chuh nanguh dingin na gam u a mi him ahih dinguh ahi; nangmah na kihehpih bang taka na hehpih ding ahi. Nang haw le Aigupta gama khan gamdang mi na hiu kha. Kei hi Lalpa na Pathien uh ka hi ngâl a.

DAN NIHNA 1:16

Chun, zielai chun na vaihawmteu chuh, “Na suohpih teu thubuoi chuh ngaihthak sak unla, Israel mi leh Israel mi kal thu hi henla amau leh na lak uh a chêng gamdang mi kal thu hilele diktakin khen sak un.

DAN NIHNA 23:16

Na khuo lak u a a utna pên a tel a chuh na chensak zieng dinguh ahi; na nuoisieh dinguh ahi puoi.

DAN NIHNA 27:19

“ ‘Gam chuom mite, nauchagahte, meithaite chunga diklo taka vaihawm chuh gausap in um hen,’ ti’n tin un. “Chun, mipite chengcheng chun, ‘Amen,’ ana tih dinguh ahi.

SAM LEHKHABU THE PSALMS 146:9

Lalpa chun malzin haw chuh a enkawl sek a; Pa neilo leh meithaite chuh a panpih sek a; himahleh, mi nunsiete lampi chun sietna a tun sek hi.

EZEKIEL 22:7

Na sunga chun nu leh pate a musit u a, na sunga chun malzin a zawhthawh bawl u a, na sunga chun nauchagahte leh meithaite chuh a bawlsieu hi.

DAN NIHNA 10:18

Pa neilote leh meithaite chuh diktakin vai a hawm sak seka, gam chuom mite chuh nek ding leh silh ding pien a hehpih sek.

DAN NIHNA 24:17

“Gam chuom mite leh nauchagahte chuh diklo takin vaihawm khum kiu inla, meithai puon chuh bat gâkna a na lak dinguh ahi puoi;

JOB LEHKHABU THE BOOK OF JOB 6:27

Ahi, pa neilote chungah phun na sân u a, chuleh na guolteu kipalpaihna dingin kawkhuk na lai u a,

ISAI 1:17

thilpha hih kisin tau inla, vaihawmna dik hawl un la, sukgimtheih thuokte chuh panpih unla, pa neilote chuh sikgen unla, meithaite chuh genpih un,” a ti ahi.