PAWTDAWKNA 20:8 - PATHIEN LEKHABU THIENGTHO (BSI)

⁸ “Chawlhni hi thiengtho taka nit ding ahi tih hezing in.

PAWTDAWKNA 20:8 ပူးပေါင်းရင်းမြစ်များ

THIEMPUDANTE 26:2

Ka chawlhni chuh na nit dinguh ahi a, ka mun thiengthote chuh na zah dinguh ahi. Kei hi Lalpa chuh ka hi.

THIEMPUDANTE 19:3

Mitin in na nu leh pateu na zah dinguh ahi a, thu ka hun piek bang takin Chawlhni le na nit dinguh ahi. Kei hi Lalpa na Pathien uh ka hi ngâl a,’” ti’n.

THILSIEMBUL 2:3

Tichun Pathien in ni sagih ni chu vang a pie a, a suthiengtho a: Zie ni a chuh Pathien in a thilsiem chengcheng thu maia a siem leh khuta a siemte chuh a chawlhsan tâk ziekin, zie ni chuh a hih thiengtho ta a.

THIEMPUDANTE 23:3

Ni gup sung chuh na nasep dinguh ahi a, himahleh, ni sagih ni vang chuh na chênna taphawt u ah Sabbath chawlhni ahi a, kikhawpna thiengtho a na mat dinguh ahi a; Zie ni a chuh na nasep loh dinguh ahi.

THIEMPUDANTE 19:30

Chawlhni chuh nit inla, Ka mun thiengthote chuh na zahbawl ding ahi. Kei hi Lalpa chuh ka hi.

PAWTDAWKNA 23:12

“Ni gup sungin na sem inla, a ni sagih ni chun na chawlh ding ahi; tichun, na bâwngchal ahim, na sabiltung ahim a na châwl thei untin, na suok leh nam dangte le a hat thak theih na dingun.

THILSIEMBUL 2:2

Chun, Pathien in ni sagih ni chun a thilsiem chengcheng chuh a zo ta a; tichun a thilsiem chengcheng chuh a chawlhsan ta a.

DAN NIHNA 5:12

“ ‘Lalpa na Pathien in thu a hun piek guolin chawlhni chuh na nit thiengtho zing ding ahi.

NEHEMIA 9:14

Chun, na chawlhni thiengtho chuh amau haw na hetsak a; thupiekte thuguot te leh dân te chuh na suok Mosi mang in na pie a.

NEHEMIA 13:15

Zie hun lai chun, Juda mi khenkhat chawlhni a uain thawk te, buhphal hun pawlut a, uain te, grep te, theipi te leh van puokgik chichuom chuom a sabiltung teu a hun puok sak haw chuh ka mu a; ziehaw chun chawlhni’n Jerusalem ah a hun pawlut u a. Chun, zie ni a nek ding a zawk u chuh a dikloh zie ka hetsak a.

ISAI 56:2

Kuole ka thugen tuchak zinga, subuok lo a Sabbath nit zingte leh thil diklo hihna ding a a khut vengbitte chuh mi vangpha ahiu.”

JEREMIA 17:22

Chun, Chawlhni’n na In uh apat in puokgik na puok dawk dinguh a hi puoh a, na mawng mawng le na sep loh dinguh ahi. Nanguh hun suonte kawma ka thupiek bangin, Chawlhni chuh na nit thiengtho dinguh a hi” ti’n.

JEREMIA 17:24

Chun, Lalpa thu pawt chun hiti hin a tii: Khawksa tak a ka thu na ngaihthak u a, chawlhni a zie khawpi kawtkhaka chu thil gik na puoklut loh u a, na himhim sem lo a chawlhni na nit thiengtho u chun,

PAWTDAWKNA 31:12

Lalpa’n Mosi kawmah, Israel chate kawm achun,

PAWTDAWKNA 35:1

Chun, Mosi’n Israel chate kikhawm khawm chengcheng te chuh a samkhawm a, a kawm u ah, “Ziehaw hi ahi Lalpa’n na hih ding u a thu a hun piek chuh.

KISIMNA 15:32

Chun, Israel chate gamthipa a um lai u chun, mi khat chawlhni a thing chawm hi a muu a.

ISAI 58:13

Chawlhni chuh bawhsie lo dinga, ka ni thiengtho a na deihlam hih lo dinga na kêngpêk chuh na kihei saka, chawlhni kipah-um na saka; Lalpa ni thiengtho chuh na zah a, nangmah lampi hawh lo a, nangmah thu gen lo a na limbawl chun,

JEREMIA 17:21

Lalpa chun hiti hin a ti ie: “Na hinnau na deih uh chun, Chawlhni’n puokgik himhim puo kiu inla; Jerusalem kulh kawtkhaka le lut pih diek kiu in.

EZEKIEL 20:20

Himahleh, ka Sabbath haw chuh chang unla, kei leh nang haw kikala melchikna hi’nau, Lalpa na Pathien u chuh ka hi tih na het theihna dingun’, ka ti a.