PAWTDAWKNA 20:5 - PATHIEN LEKHABU THIENGTHO (BSI)

⁵ amau haw masanga chuh na kûn ding ahi puoh a, a nau le na sep ding ahi puoi: kei Lalpa na Pathien uh hi Pathien thikthusie, pate gitlohna zieka chate gawt sek, ei hawte chuh suon thumna leh suon lina chana gawt sek leh,

PAWTDAWKNA 20:5 ပူးပေါင်းရင်းမြစ်များ

KISIMNA 14:18

Lalpa chuh lungchuol tak lungsietna hau, gitlohnate, sukkhelhnate ngaidam sek, mihelte gawt loh a kawih lo; pate gitlohna ziek a chate leh tute suon thumna leh suon lina tienga le gawt sek ahi,’ ti a na gen bang khan.

DAN NIHNA 5:9

Ziehaw masanga chuh khun a na ho ding ei puoh a, a nau le na sep ding ei puoi; kei Lalpa na Pathien hi Pathien thikthusie, pate manlohna zieka chate gawt seka, ei hawte chuh khang thumna leh khang lina chana gawt sek,

DAN NIHNA 4:24

Lalpa na Pathien u chuh mi katum nuom mei, thikthusie Pathien ahi ngâla.

PAWTDAWKNA 34:14

“Pathien dang himhim chuh na ho ding uh ahi puoh a; Lalpa chuh amin le thikthusie ahi a, thikthusie Pathien ahi.

JOSHUA 24:19

Chun, Joshua’n mipite kawm achun, “Lalpa na chuh sem thei puo’n lau; amah chuh Pathien thiengtho ahi ngâl a; Pathien thikthusie ahi a; na bawhsietna hawu leh na gitlohna hawu chuh hun ngaidam puo’n a.

SAM LEHKHABU THE PSALMS 109:14

A pate gitlohna chuh Lalpa kieng ah hetzing in um henla; A nu gitlohna chuh thaihmang in um kihen.

JOSHUA 23:7

Zie nam na lak uh a um nalai haw hi tawh kivawp lo a, a Pathien hawu min le lam lo a, a min lo a kipautiem lo a, a nau le sem lo a, khûn a chibai le bûk lo a tuni tienga na hih zing bang u hin,

DAN NIHNA 6:15

Na lak u a um zing, Lalpa na Pathien u chuh Pathien thikthusie ahi ngâl a; khutilochun, Lalpa na Pathien uh lungnatna chun mei guolin hun kâng intin, lei chung apat hin hun sumangthai kha’na.

NAHUM 1:2

Lalpa chuh thikthusie Pathien leh phuba la Pathien ahi. Lalpa chun phuba a la a, lungnatna a dim ahi. Lalpa’n a melmate chungah phuba la’n tin, chun, a melmate dingin lungnatna a khawlkhawm hi.

JEREMIA 32:18

Sang tamtak te kawma lungsietna vuk sek pa leh pate gitlohna chate chunga din thuk sek Pathien lopi leh thilhih thei A min Sepaihte Lalpa chuh:

KISIMNA 14:33

Chun, na chateu chuh thalek ah kum sawmli vakvai untin, a thih u a a beihmang masangsieh u chuh, ginna na neih loh ziek chun thuok unlau.

SAM LEHKHABU THE PSALMS 79:8

Keihaw ei suonteu thulimlohna kha kei u chung ahin hezing ki’n la, Na lainatna chun ei muok dingin hung vak hen. Hahpi a tawh den in ka um ngâl u a.

PAWTDAWKNA 23:24

A pathienteu chuh na ho ding uh ahi puoh a, a nau le na sep ding uh ahi puoi, a thilhih hawu bang chu le na hih ding uh ahi puoi; na sukchip suok ding uh ahi a, a suongphuh teu chuh na suknel sak suok ding uh ahi.

JAKOB 4:4

Nanguh, mi ginumlote haw! Khawvel tawh kiguolchanna hi, Pathien melma hihna ahi tih helo na hiu hi? Zieziekchun, kuole, khawvel guol hih nuom ta chuh, Pathien melma a kisiem sek ahi.

ROME 8:7

Phehlevo lunggulh lam chuh Pathien dona ahi a, zie chuh Pathien dân ah a um puoh ngâl a, um le a um thei lo him ahi.

ROME 1:30

kimukphunna leh, kithepna leh, nunchan phatlohnate’n a hung dim tau a. Thuningkhel leh, mi gensiet hatna leh, Pathien zakdah lam leh, kilek leh, kiletsakna leh, mi-uong leh, thil gilo thak bawl dawk leh, nu le pa thu ngailo leh;

JEREMIA 2:9

Zieziekchun, hun kilanpih ing ka ting, na chateu chate le kilanpih zing ing ka,” tih hi Lalpa kamsuok ahi.

ISAI 44:19

“A kimkhat thing in ka tika, a mei-âm chung ale chângthâk ka kang a, sa le ka em a, ka ne ta a; Tuhin, a dang cheng chuh kihdak-um takin ka siem hilo ahim? Thing bawng khat âng a khupdin mai ding ka him?” tih ngaihtuoh a, hethiem leh hetna nei khat chale a um puou hi.

ISAI 44:15

Tichun, zie thing chuh mi’n tih dingin a mang sek uh a, khenkhat chuh milim pathien in a siem u a, a ho sek u a. Khenkhat chuh amah kisuklum na dingin mei in a tik sek a; khenkhat chuh pathien in a siem a, a masang achun bawkkhup in a ho sek hi.

SAM LEHKHABU THE PSALMS 81:15

Lalpa hawte chuh a masangah lau leh lîngin um un tin: kumkhawtuong a gawtna thuok tan au.

JOB LEHKHABU THE BOOK OF JOB 5:4

A chate chuh bitna gam apat gamla tak ah a um ngâl u a; Kulh kawtkhak bul achun chilgawp in a um u a, a hukdawk ding kuomah a um diek puoh ngâl a.

2 LENGTE 23:26

Khutisa chun le, Lalpa lungnatna nasa tak, leng Manasse’n ana suklungnat chengcheng zieka Judate chunga a lungnatna kuong chu a hai diek puoi.

2 LENGTE 17:35

Lalpa’n, amau haw chu tawh thugawlh a siem a, thu a pie a: “Pathien dang ho kiu inla, a masang uh a le khupbawk kiu inla, a nau le sem kiu inla; a kawmuh a le kithawihna lân kiu in.

1 LENGTE 21:29

“Ka masang a Ahab kingaihniem dân hi na mu? Ka maa a kingaihniem ziek hin amah hun sung hin thil phalo tun sak puo’ng ka ting, a chapa hun sung in vang a inkawte chungah thil phalo tun sak ing ka,” a ti a.

2 SAMUEL 21:6

a chapa sagihte chu ei pieu inla, Lalpa mi tel Saul umna Gibeah khuo achun Lalpa masangah khaikang ing kau,” a tiu a. Chun, leng chun, “Hun pie’ng ka,” a ti a.

2 SAMUEL 21:1

Chun, David dam lai in a kum kizawm in kum thum kiel a kie a; chun, David chun Lalpa chu a dawng a. Chun, Lalpa chun, “Saul ziek leh a inkawte, thisan suohte ziekin leh Gibeon mite a thah ziek kha ahi,” a ti a.

DAN NIHNA 32:21

Pathien hilo thil in ei chawk thikthusieu a, A milim pannabei hawu in ei chawk lungnau hi. Nam le ting lote mang in a thikthuu susie’ng ka ting; Nam ngawl tak mang in chawk lungna’ng ka.

DAN NIHNA 7:10

Amah hawte sumangthai dinga amau chung ngeia dinthuk sek chuh ahi; amah hawte chung achun chanchûm puo’n tin, a muh theih ngêi dingun dinthuk ina.

THIEMPUDANTE 26:29

Na chapateu sa neu in na tin, na chanauteu sa le ne’n lau.

THIEMPUDANTE 26:1

Lalpa chun, “Milim pathien na kisiem dinguh ahi puoh a, suong milim geikuok ahim, suongphuh ahim le na phuh dinguh ahi puoh a, ho leh bieka neih ding inle na gam u ahin milim kizikna suong na phuh dinguh ei puoi: Kei hi Lalpa na Pathien u chuh ka hi ngâl a.

THIEMPUDANTE 20:5

Keimah ngêi in amah leh a inkawte chuh nungngat ing ka ting keia dinga ginumlo a, Molek hote chuh do ing ka ting, a chipihteu lak apat satthak in um un au.

1 KORINTH 10:22

A hihloh leh, Lalpa chuh itthik dinga chawhtho I guot uh ahi maw? Amah sangin I hatzawu a ahi?

JOHAN 15:18

“Khawvel in a hun hawt u leh, a hun hawt mau in kei ei haw tau hi tih na he tau hi.

JOHAN 7:7

Khawvel in nanguh a hun haw thei puou hi, kei vang chuh ei haw sek ui, a thilhih hawu a gilo ahi tih ka hilhchet sek ziekin.

MATTHAI 4:9

A kawmah, “Khupbawk in ei chibai in la, ziehaw chengcheng hi hun pie vek ing ka,” a ti a.

DANIEL 1:2

Chun, Lalpa chun Juda leng Jehoiakim chuh a khut ah a pie ta a. Pathien In a ûmlebel khenkhatte chuh a la a, tichun, amah chun Shinar gama a pathien in achun a tun ta a.

EZEKIEL 8:3

Chun, khut tawbang hi a hun thadawk a, ka chalsam in ei mana, Thagau chun lei leh van kal ah ei dawm kâng ta mai a, Pathien kilâkna’n Jerusalem ah ei pui a, huong sungnung mâllam a kawtpi khakna bul a chun ei puitung ta a; zie tak achun Pathien thikthu susie milim chutna mun chuh a uma, zie chun a thikthu a chawktho seka.

THUCHINGTE 8:36

Himahleh, ei mulo taphawt chuh amah ngêi kisuliem a hi a, kuole ei haw taphawt chun thihna a deih zawu hi.”

SAM LEHKHABU THE PSALMS 78:58

A munsangteu in amah chuh a sulungnau a, A milim geikuok hawu in amah chuh a thik sak behlap a.

JOB LEHKHABU THE BOOK OF JOB 21:19

Pathien in pate gitlohna chuh a chateu chungah a la zel hi, na tiu a, a hêtchet theih na dingun, kipahman a pie a, chuleh, hechien ina.

2 KHANGTHUBU 25:14

Amaziah chu Edom te zo a chieh kit phetin a milim pathien teu a hun puoh a, a pathien dingin a kawih a, a ho ta a, gimlim te le a hâl sak chiet hi.

2 LENGTE 17:41

Khutichun, zie mite chun Lalpa a ho u a, amau haw milim pathiente le a ho kawp zing u a, tuni chan gei hin, a suonteu chun, zie guol chun a hih zing tau hi.

VAIHAWMTE 2:19

Himahlele, hiti hi a hi a, amau puihuoi pên chuh a thih tieng leh a nungchawn kit sek u a, pathien dangte nasem in leh chibai bûk in, zie thu a hin a pileputeu sangin a hung sie zaw tau a; a thilhih sek teu leh a genhak nateu chuh a haihsan loh ziek un.

JOSHUA 23:16

Chun,Lalpa na Pathien uh thugawlh, zawp dinga a hun piek uh hi na bawhsiet uh a, Pathien dangte na nasep u a, khûn a chibai na bûk u chun, Lalpa lungnatna chuh na chung u ah um intin, gam phatak a hun piek uh apat hin mangthai pai zieng ding na hiu hi,” a ti a.

DAN NIHNA 32:41

Ka chemzâm te zawlzawl ka tathiem a, vaihawmna ka khut in a tuk tieng, Ka melmate chungah phuba la’ng ka ting, ei hawte chuh din thuk ing ka.

JOHAN 9:2

A sinsakte’n a kawmah, “Rabbi, mitdûksa a a pien hi, kuo’n thil a hih gilo a ahim, zie pa hin ahim, a nu leh a pa’n?” ti’n a dawng u a.

DAN NIHNA 5:10

Himahleh, ei hehpih a ka thupiek haw pawmte sang tamtak te chunga lungsietna latsak sek ka hi hi.

1 LENGTE 19:10

Amah chun, “Lalpa sepaihte Pathien a ding hin phachuom ka ngai mah mah sek a. Israel chate chun lah na thugawlh a nusieh ta ngâl u a, na maichâmte a suchim u a, na thiemgaute chemzâm in a satlum u a; Kei, keimah mai hi a um sun ka hi, kei hinna le sukmangthai ding guo’n a hawl nalai ui,” a ti a.

EZEKIEL 18:19

“Himahleh, ‘Bang zieka e chapa chun a pa gitlohna chuh a thawk loh ding?’, na ti sek ui. Chapa chun dân chuh zuia thil dik a hih a, ka dân siem chengcheng chuh a mata, hih le a hih chun, hing ding ahi.

EZEKIEL 20:7

A kawm u ah, mitin in na mit u a na muh uh thil tenum haw chuh paihmang unla, Aigupta milim haw chun kisubuok kiu in, Kei hi Lalpa na Pathien u chuh ka hi,” ti’n ka na gena.

EZEKIEL 39:25

“Zieziekchun, Lalpa Pathien chun hiti hin a tii: Tuhin, Jakob suonte chuh tung ding kit ing ka ting, Israel inkuon pumpi chungah lungsietna nei ing ka ting, ka min thiengtho chuh humbit ding ka hi.

KISIMNA 25:11

“Phinehas thilhih ziek chun Israel chate chunga ka lungnat na chuh a bei ta a. Kei tih loh Pathien dang a ho dinguh a thuok theih loh ziekin ahi, lungna a amau haw ka sukmangthai takloh chuh a ti a.

2 LENGTE 5:18

Khutichun, ka lengpa hi Suria pathien Rimmon ho-in a ka va kitawnpih leh ka va ho hi, Lalpa’n ei ngaidam ina tih ka gingchai. Lalpa’n ei ngaidam ngêi ngêi ina,” a ti a.

2 LENGTE 5:27

Zieziekchun, Naaman phâk kha na chungah um in tin; kumlekhuo’n, na suonte le man zel ina,” a ti a. Tichun, a kawm apat chun, vuk banga vam a phâk in a chiehdawk ta a.

2 KHANGTHUBU 7:19

Himahleh na mau a ka zam, ka dante leh ka thupiek te hi na kiheisan u a, pathien dangte na nasep u a na ho u chun,

EZEKIEL 18:2

“Israel gam chungchanga zie paunak hi na mat tieng u leh bang na tihnau ahi: ‘Pate chun grep thûk a neu a, a chateu ha a zau hi,’ tih hi?

DANIEL 3:18

Khutichu hi kimawng lele na pathien na chuh sem puo’ng ka ting un, chibai bûk diek puo’ng kau tih hi he’n,” a tiu a.