PAWTDAWKNA 20:4 - PATHIEN LEKHABU THIENGTHO (BSI)

⁴ “Milim siemkawm leh thil a kibatpih himhim, chunglam van a um ahim, nuoi lam leia um ahim, lei nuoi lama tui lak a um ahim, nang dinga na siem ding ahi puoi:

PAWTDAWKNA 20:4 ပူးပေါင်းရင်းမြစ်များ

THIEMPUDANTE 26:1

Lalpa chun, “Milim pathien na kisiem dinguh ahi puoh a, suong milim geikuok ahim, suongphuh ahim le na phuh dinguh ahi puoh a, ho leh bieka neih ding inle na gam u ahin milim kizikna suong na phuh dinguh ei puoi: Kei hi Lalpa na Pathien u chuh ka hi ngâl a.

DAN NIHNA 5:8

“ ‘Milim siemkawm, chunglam van a thil um lim ahim, nuoi lam lei chunga thil um lim ahim, lei nuoi lama tui laka thil um lim ahim, a khawipen kibatpih chuh hitaleh na kisiem ding ahi puoi;

SAM LEHKHABU THE PSALMS 97:7

Milim siem kawm hote chengcheng chu muolpho in um u hen la, Milim suonghaw chuh; Nang haw pathien cheng chengte, a masang achun kûn tiem u.

THIEMPUDANTE 19:4

“Milim ho kiu unla, milim kisun thawh pathien haw le kisiem kawm diek kiu un: Kei hi Lalpa na Pathien u chuh ka hi.

NASEPTE 17:29

Khutichun, Pathien suonte I hih tâk nung un, Pathien hihna chuh, sana, dangka, suong leh, mihiem themthiem leh lemguot a sekte tawbang hi ahim tih I ginchak dinguh ei puoi.

DAN NIHNA 27:15

“ ‘Khutthiemte thilsiem, Lalpa dinga tenum, milim sêk thawh ahim sun thawh ahim siema a gûk a kawih taphawt chuh gausap in um hen,’ ti’n. “Chun, mipite chengcheng chun, ‘Amen,’ ti a ana dâwn dinguh ahi.

THUPHUON 16:2

Tichun, vânsâwlchâk khatna chuh a chieh a, belhbu chuh lei chungah a sung tha ta a, tichun, sahang tiemtehna neite leh a lim hote chung achun meimasie na takin a hung suok ta a.

ROME 1:23

Thithei lo Pathien lopina chuh thithei mihiemte leh, vachate, ganhing keng li neite, ganhingte lim bang a hih sak tau hi.

ISAI 45:16

Milim pathien kisiemte chuh hung zakchau un tin, a bawn un buoina achun lut khawm vek un au!

ISAI 42:8

“Kei hi Lalpa na Pathien ka hi a, Pathien dang mawng mawng in ka lopina hi chang puo’n au, Pahchak a ka umna hi milim pathiente kawmah pie diek puo’ng ka.

EZEKIEL 8:10

Khutichun, ka va luta, ka mu ta a, ngaitie, thilhing chitin, gamsa kihdak-um lim haw, Israel insung mite milimte, ganhing bawkvak tincheng chuh bang a chun a kimvel in ana chuonga dim kêi a.

THUPHUON 9:20

Chun, mihiem, zie gawtna a suklup mâwkte chun, thithate leh, sana milimte, dangka milim te, sumeng milimte, suong milim te, thing milim te, bangmah mu thei lote leh za theilo, chieh thei diek lote a ho tâk lohna dingun, amau haw khut mâwnga a thil siemteu chuh a tâng diek puou hi.

ISAI 42:17

Milim siemkawmte taksang a, milim sunte kawma, “Ka pathien uh na hiu hi,” tite chuleh ngat sak in um un tin, nasa takin zahhuoi un au,

2 KHANGTHUBU 33:7

Chun, Pathien in David leh a chapa Solomon kawm a, “Zie Ho-In leh Jerusalem khuo hi, Israel nam cheng lak a kumkhuo a ka min umna mun ding a ka guot a hi a,

1 LENGTE 12:28

Khutichun leng chun lemguotpih ding a pui a, sana bâwngno nih lim a siem a; a kawm u ah chun, “Nanguh a dingin Jerusalem a va chieh hi a haksa taluoi; Aw Israel te haw, entiem u, na Pathien uh, Aigupta gam a kipata nanguh hun puidawk pa hih,” a ti a.

PAWTDAWKNA 34:17

“Milim kisunthawh pathiente na siem ding uh ahi puoi.

PAWTDAWKNA 32:1

Chun, mipite chun Mosi chuh tâng akipat hungsuk hak a sak bêk phet un Aron kawmah a hung khawm u a, a kawmah, “Khai, ka mau pui dingin pathiente ei siem sak in; zie Mosi Aigupta gama pata ei puidawkpa hi la a chanchin ka he ta puoh ngâl un,” a tiu a.

PAWTDAWKNA 32:23

Ka kawmah, ‘Ka mau pui dingin pathien haw ei siem sak in: zie Mosi Aigupta gam apat a ei puidawkpa hi la a chanchin ka he ta puoh ngâl un,’ a hung tiu a.

PAWTDAWKNA 32:8

Ka thupiekte chuh a kiheisan tau a, bâwngno lim a siem u a, a kawm achun a kithawi u a, a ho tau hi; Aw Israel te, ziehi Aigupta gam apat hun puidawk, na pathienteu ahiu hi,” a tiu hi, a ti a.

KISIMNA 12:8

Zieziekchun a kawm ahin kimaichangtuoh in thu ka gena, chientak leh het haksa um lo in, Ka lim nasan le a mu ahi! bang zieka ka suok Mosi hi gen sie ngam na hiu em?” a ti a.

VAIHAWMTE 17:3

Khutichun, dangka sangkhat leh zakhat chuh a nu a pie kita, chun, a nu chun, “Zie dangka hih keimah khut ngei in ka chapa a dingin, milim siemna leh milim a sun dingin Lalpa kawmah ka lân hi, zie ziek chun tuhin hun pie kit ding ka hi,” a ti a.

2 LENGTE 17:12

Lalpa’n a kawm u a, “Zie bang hin bawl kiu in,” a tih milim pathiente na le a sem sek u a.

SAM LEHKHABU THE PSALMS 78:58

A munsangteu in amah chuh a sulungnau a, A milim geikuok hawu in amah chuh a thik sak behlap a.

EZEKIEL 8:3

Chun, khut tawbang hi a hun thadawk a, ka chalsam in ei mana, Thagau chun lei leh van kal ah ei dawm kâng ta mai a, Pathien kilâkna’n Jerusalem ah ei pui a, huong sungnung mâllam a kawtpi khakna bul a chun ei puitung ta a; zie tak achun Pathien thikthu susie milim chutna mun chuh a uma, zie chun a thikthu a chawktho seka.

EZEKIEL 20:7

A kawm u ah, mitin in na mit u a na muh uh thil tenum haw chuh paihmang unla, Aigupta milim haw chun kisubuok kiu in, Kei hi Lalpa na Pathien u chuh ka hi,” ti’n ka na gena.

PAWTDAWKNA 20:23

Pathien dang himhim chuh ka kieng ahin na hun neih loh dinguh ahi; dangkaguo pathien, sana pathien ahim na kisiem loh dinguh ahi.

PAWTDAWKNA 32:4

Chun, amah chun a khut u apat chun ana la a, thikzum matchâk a vak siem a, bâwngno lim a sung ta a: chun, amau haw chun, “Aw Israel te, ziehaw hi Aigupta gam apat a ei puidawkpa, I pathienteu chuh ahiu hi,” a tiu a.

DAN NIHNA 16:22

Lalpa na Pathien un a hawt, suong zek le na phuh loh hiel dinguh ahi.