PAWTDAWKNA 20:26 - PATHIEN LEKHABU THIENGTHO (BSI)

²⁶ Ka maichâm chuh kaltohna kalbihaw nei a na siem loh ding ahi, kal le na kal toh loh ding ahi, sangawn a na um kilang ding ahi ngâl in.

PAWTDAWKNA 20:26 ပူးပေါင်းရင်းမြစ်များ

1 PETER 1:16

“Nanguh na thientho dinguh ahi, Kei ka thiengtho ngâl a,” tih zik a hi kha.

THUGENPA 5:1

Pathien Ho-In a na chieh tieng leh kivengpha’n. Mi ngawlte’n kithawihna a piek sang un, thu ngaitha dinga chieh chuh a pha zaw ngâl a; thilpha leh thil phalo a khendang puoh ngâl u a.

SAM LEHKHABU THE PSALMS 89:7

Mi thiengtho haw kikhawp khawmna a Pathien lauh um tak, A kiengvêl u a mi cheng cheng sanga lopi leh tizat-um chuh kuo a um ta dem?

THIEMPUDANTE 10:3

Ziephet chun, Mosi’n Aron kawmah, “Ziehi Lalpa’n ana gen kha ahi, ‘Kuole, ei naih taphawt te kawm achun thiengtho in kilang ing ka ting, tichun, mipite masang achun limbawl a um ding ka hi,’” a ti a. Himahleh, Aron chuh thipkêi in a um a.

PAWTDAWKNA 28:42

Chun, a taksau sangawn khuhna dingin patngatpuon pheika nuoi na siem sak ding ahi; kâwng apat a malpi tung hi hen;

PAWTDAWKNA 28:43

Zie chuh Aron leh a chapate ka umna puon-In a a lut tieng u leh, mun thiengtho a thiempu na sem dinga maichâm kawma a chieh tak u leh a âk zel ding uh ahi; khutilochun gilo a ngaih hiu intin, thi kha’n au; zie chun Aron leh a nunga a suonte chanin le kumkhuo a dinga dân det hi’n a.

EZEKIEL 43:17

Chuleh, a dawhsawn chuh a ning li hi’n tin, tawng sawm leh li a sau, tawng sawm leh li a lien hi’n tin; a gei chuh tawng kimkhata lien leia a kingakna chuh tawng khat kimvel hi’n a; chun, maichâm a kalbite chuh suohlam nga ding ahi.