PAWTDAWKNA 20:24 - PATHIEN LEKHABU THIENGTHO (BSI)

²⁴ Kei dingin lei a kisiem maichâm na siem ding ahi, achung achun hâlmang thilpiek na belamte leh bâwngchalte chuh hâlmang thilpiek leh chamna thillat dinga na piek sek ding ahi: muntin ah kei nei hona dinga ka kawihchuom ahi a, zie tak achun hung sek ing ka ting, vang hun pie sek ing ka.

PAWTDAWKNA 20:24 ပူးပေါင်းရင်းမြစ်များ

DAN NIHNA 12:5

Lalpa na Pathien un na phung chengcheng lak u a a Min umna dinga a guot ding mun chuh hawl zawu inla, zie a chuh na chieh u a,

2 KHANGTHUBU 6:6

Amah vang chuh ka min umna dingin Jerusalem ka na tel ta a, ka mi Israel te vaihawm sak dingin David ka na tel tai,’” ti a; a gen pa, a mah khut ngêi a hun pititpa hi pahchak in um hen.

1 LENGTE 9:3

Chun, Lalpa chun a kawmah, “Na pauchamna leh na ngetna ka maa na hun tut haw kha ka na ngaitha a. Zie In na sak hi kumlekhuo a ka min umna ding in ka hih thiengtho tai. Ka mit leh ka lunggil chu zie tak achun um zing ta’n a.

2 KHANGTHUBU 7:16

Kumkhuo a ka min umna dingin zie In hi ka tel a, ka suthiengtho tai: zie tak ahin ka mit leh ka lungthim chu châm zing ta’n a.

DAN NIHNA 12:11

Lalpa na Pathien un a Min umna dinga a guot ding muna na hun chawih dinguh ka tih chengcheng chuh zie a chuh na hun chawih dinguh ahi, na hâlmang thilpiekteu, na kithawihnateu, na sawma-khatteu, na pei thilpiekteu, na neih lak u a phapen Lalpa dinga na tiem hawu chuh;

DAN NIHNA 16:11

Lalpa na Pathien un a Min umna dinga a tel ding mun achun nang u leh na chapateu leh na chanuteu tawh, na suokpateu leh na suoknu teu tawh, na khuou a um Levi te tawh, chun, na lak u a um gam chuom mite leh nauchagahte leh meithaite tawh Lalpa na Pathien u maa chuh kipâk taka na um dinguh ahi.

2 KHANGTHUBU 12:13

Khutichun leng Rehoboam chun Jerusalem ah vai a hawm a, a thuneihna chu a kihihdet a. A lal tûngin kum sawmli leh khat a hi a, Lalpa’n a mah hona dinga Israel nam chengcheng laka a tel khuo Jerusalem ah kum sawmlesagih vai a hawm a; a nu min chu Naamah, Ammon mi ahi.

DAN NIHNA 26:2

Lalpa na Pathien un a hun piek gama pieng lei gah tung masapen haw chuh neukhat khatin lakhawm in na tin un; bawm ah kawih in na tin un, Lalpa na Pathien un a Min umsakna dinga a guot ding muna chuh na va chawih dinguh ahi.

EZRA 6:12

“Chun, zie a a min um sak Pathien chun Jerusalem a Pathien in suksiet guo a, zie thu hih lamdang dinga khuttha taphawt chuh, leng leh nam chengcheng in amah chuh sumangthai hen; Kei Daria ngêi hin thu ka pie a, kintaka zuih ngâl hi hen.”

1 LENGTE 8:29

Zie mun lam hi nga a na suok hin pauchamna a neih ding chu ngaitha a, nangin, ‘Zie tak achun ka min chu um in a,’ na tih na mun ngêi In lam ahin sun leh zan a na mitte na hah zing theihna dingin.

MATTHAI 18:20

Mi nih ahim, thum ahim ka min a a kikhawpna tak u achun a laku ah ka tel sek hi.” a ti a.

1 LENGTE 8:43

Nangin na umna van apat in na ngaitha’n la, nam dang mi chun a hun nget bang u chu a na hihsak in; na mi Israel te bangmah a khawvel a namtin in na min a het u a, a hun kihchak u a, zie In ka sak hin na min pu ahi tih a hun het theihna dingun.

DAN NIHNA 14:23

Lalpa na Pathien uh lauh dân na hetzing theihna dingun na buh teu, na greptui teu, na olive thau teu sawma-khat leh na bâwng hawn u leh na belam hawn lak u a suok masapen haw chuh Lalpa na Pathien masanga, a Min umna dinga a guotna ding muna chuh na nek dinguh ahi.

SAM LEHKHABU THE PSALMS 74:7

Na munthiengtho chuh mei in a hâl u a; Na min umna mun chuh lei a tum hiel in a gensieu a

NEHEMIA 1:9

Amahvang chuh kei lam na hung ngat kit u a, ka thupiek te na zawp u a, ziehaw chuh na hih u chun na lak u ah van tâwp tieng hiela nawhmang um lele zie apat chun amau chuh puikhawm kit ing ka ting, ka min um na dinga ka mun guot achun puikit ing ka,’ ti’n.

2 SAMUEL 6:12

Chun, leng David chu, “Thuthunna bawm ziekin Obed-edom inkawte leh a In a lo chengcheng Lalpa’n a vangsak ahi,” ti’n a hilh u a. Tichun David chun Thuthun bawm chu Obed-edom In apat chu, David khawpi achun kipâk takin a va la ta a.

MALAKI 1:11

Ni suohna apat ni tumna tiengin Jentel te lak achun ka min chuh a lopi ngâla. Mun tin a a umnau chengah gimlimte ka kawma hâl in, kithawihna pawmtâkte a lân u a!

SAM LEHKHABU THE PSALMS 78:68

Himahleh, Juda nam chuh a tel zaw ta a, A hehpih Zion tâng chuh,

DAN NIHNA 12:21

Lalpa na Pathien un a Min umna dinga a teldawk ding mun chuh nang u dinga a gamlat takluot chun, thu ka hun piek guol khan, Lalpa’n a hun piek, na bâwng uh ahim, na belam uh ahim chuh that in na tin un, na sa utchak u chuh na In u a na nek dinguh ahi.

1 TIMOTHE 2:8

Khutichun, pasal haw’n, sapchuom nasepna achun, khut thiengtho tungin, lungna lo leh kiniel lo in paucham leu ka deih ahi.

MATTHAI 28:20

Chun, thu ka hun piek chengcheng hi pawm dingin hilh un. Chun, ngaitiem u; Kei, kumkhuo’n, khawvel beih tiengin le na kawm u ah um zing ing ka,” a ti a. Amen.

SAM LEHKHABU THE PSALMS 76:2

Salem a chun a bâwkcha chuh a um a, Chun, amah chuh Zion achun a um hi.

SAM LEHKHABU THE PSALMS 134:3

Lalpa lei leh van siempa ngêi chun, Zion apat in hun vangsak hen

SAM LEHKHABU THE PSALMS 128:5

Lalpa chun Zion apat in hun vangsak in a; Tichun na damlai chengin Jerusalem phatna chuh mu’n la.

THILSIEMBUL 12:2

tichun nam lopi takin hun siem ing ka ting, chun, hun vangsak ing ka; na min sulopi’ng ka ting, chun, nang vangsakna hung hi’n la:

DAN NIHNA 7:13

Hun hehpih intin, hun vangsak intin, hun supung intin; piek dinga na pileputeu kawma a na kihâksiel gam achun na gil uh a gah leh na lei gah hawu buh leh uain leh sathau haw, na bâwngno u leh na belamno hawu le.

PAWTDAWKNA 10:25

Mosi’n a dâwng a, “Lalpa ka Pathien uh kawma ka kithawihna dingun, kithawihna ding leh, hâlmang thilpiek ding haw chuh nangin keihaw nei piek ding ahi.

PAWTDAWKNA 18:12

Chun, Mosi puzawn Jethro chun hâlmang thilpiek leh Pathien dinga kithawihna ding a va la a; Aron leh Israel upate chengcheng chuh Mosi puzawnpa kawm achun Pathien hona chângthâk thiengtho ne dingin a chieh u a.

PAWTDAWKNA 20:25

Chun, suong a maichâm nei siem sak ding chun suong kisêk a na siem ding ahi puoi; na matchâk chuh na mat chun chuh na sukbuok hiding ahi.

PAWTDAWKNA 24:5

Zie chun, Israel chate laka tangval haw chuh a sawl a, ziehaw chun Lalpa dingin hâlmang thilpiek haw a pieu a, chamna thillat dingin bâwngchal haw chun a kithawi u a.

PAWTDAWKNA 27:1

“Chun, Thinggi thinga maichâm na siem ding ahi, a dunglam tawng nga, a vailam tawng nga a na siem ding ahi; zie maichâm chuh ning li nei hi ding ahi; chun, a sânlam chuh tawng thum hi ding ahi.

THIEMPUDANTE 17:9

Kihona puon-In kawtkhak bula, Lalpa kawma hun chawilo chuh, a chipihte laka apat satthak hiding ahiu hi.

2 LENGTE 5:17

Chun, Naaman chun, “Na lak loh ding leh, na suok hi sabiltung nih puok khawp, lei tang nei puok sak in; tu a pat hin vang, Lalpa kawm tihloh ah, hâlmang thillat leh kithawihna himhim pathien dangte kawmah lân ta puo’ng ka.

ISAI 64:5

Nang chun lawp taka um a, diktaka hih te, na lampi haw a nangmah hun hezing sek te chuh na lawp sek a; ngaitie, nang na lungna a, kei un thil ka hih gilo u a, ziehaw achun sawttak ka na um tau a; tichun hukdam in ka um thei ding um?

PAWTDAWKNA 24:4

Chun, Mosi’n Lalpa thupiek chengcheng chuh a zik tha a. Zingkal matak in a tho a, tângbul achun maichâm a va siem a, chun, suongphuh sawmlenih, Israel nam sawmlenih dungzui in a phut a.

SAM LEHKHABU THE PSALMS 101:2

Lampi phabukim ah chun ching takin um ing ka ting: Aw bangtik leh ka kieng ah na hung dem: Ka insung ah lunggil phabukim pu’n um ing ka.

SAM LEHKHABU THE PSALMS 122:2

Aw Jerusalem na kulh kawtkhak sung achun Ka keng u haw chuh a ding tai;