PAWTDAWKNA 20:23 - PATHIEN LEKHABU THIENGTHO (BSI)

²³ Pathien dang himhim chuh ka kieng ahin na hun neih loh dinguh ahi; dangkaguo pathien, sana pathien ahim na kisiem loh dinguh ahi.

PAWTDAWKNA 20:23 ပူးပေါင်းရင်းမြစ်များ

EZEKIEL 20:39

Nang u chuh na hih u leh, Aw Israel insung mite haw, Lalpa Pathien chun hiti hin a tii: “Chieh unla, na milim hawu na chuh sem chiet mai tau u! Ahihziekin, tunung leh ka thu hun ngaitha ta’n na tin un, ka min thiengtho chuh na thilpiek hawu leh na milim hawu chun subuok ta puo’n lau.

ZEPHANIA 1:5

A inchung a kaldawk a, nisa te, tha te, aksi hote chuh sumangthai vek ding ka hi. Kei ei ho a, ginum taka um dinga thutiem bawl a, himahlele, zie nunga chuh Milkom min a kihâksielna neite chule sumangthai vek ing ka.

2 LENGTE 17:33

Khutichun, Lalpa a ho u a, himahleh, a hung kipatnau gama a hihdan guol un, amau milim pathien chiet le a ho kit uh a.

THUPHUON 22:15

Himahlele, khawpi pawlam achun, uichate, dawithiemte, kideihchak nuomte, tuolthatte, milim hote leh, a thu leh a thilhih uh a lepchiehte um un au.

PAWTDAWKNA 32:31

Tichun, Mosi chuh Lalpa kawm achun a va chieh kit a, “Aw, zie mipite hin thil gilo huoisie tak a na hih tau a, sana pathiente chuh a na kisiem tau a.

DANIEL 5:23

Van Lalpa chung achun na kikawihsang zaw ta a; a Ho-In a umlebelte chuh na masangah a hun chawi u a, zie chuh nang leh na miliente leh na ziteu leh na meiteu tawh uain dawnna’n na mang u a, dangkaguote, sanate, sumeng te, thikte, thingte, leh suonghaw a siem pathien, mu theilo, za theilo leh ngaitha thei lote chuh na limbawl zaw tau a. Pathien, na hin leh thih ding hun guonggalh sakpa leh na thilhih chengchenga hun enkawlpa chuh na zah ta puoh a.

DANIEL 5:4

Uain chuh a dâwn u a, sana te, dangkaguote, sum-engte, thik te, thing leh suongte a siem pathiente chuh a pakcha ta dul dul mai u a.

EZEKIEL 43:8

A kawtkhakteu chuh ka kawtkhak bul taka siem in, a kawtbiengteu chuh ka kawtbieng zula kawih in, amau haw leh, Keimah kal achun a bang chauh um sak in, a thilhih uh kihdak-umte chun Ka min thiengtho chuh a subuok tau a. Zieziekchun, ka lungnat na’n amau haw chuh ka sumangthai ta a.

2 LENGTE 17:41

Khutichun, zie mite chun Lalpa a ho u a, amau haw milim pathiente le a ho kawp zing u a, tuni chan gei hin, a suonteu chun, zie guol chun a hih zing tau hi.

PAWTDAWKNA 34:17

“Milim kisunthawh pathiente na siem ding uh ahi puoi.

THIEMPUDANTE 19:4

“Milim ho kiu unla, milim kisun thawh pathien haw le kisiem kawm diek kiu un: Kei hi Lalpa na Pathien u chuh ka hi.

DAN NIHNA 27:15

“ ‘Khutthiemte thilsiem, Lalpa dinga tenum, milim sêk thawh ahim sun thawh ahim siema a gûk a kawih taphawt chuh gausap in um hen,’ ti’n. “Chun, mipite chengcheng chun, ‘Amen,’ ti a ana dâwn dinguh ahi.

DAN NIHNA 29:17

Thing leh suong leh dakguo leh sana a kisiem, a lak u a um, a thil kihdak-um teu, a milim hawu kha na mu ngâl u a.

VAIHAWMTE 17:3

Khutichun, dangka sangkhat leh zakhat chuh a nu a pie kita, chun, a nu chun, “Zie dangka hih keimah khut ngei in ka chapa a dingin, milim siemna leh milim a sun dingin Lalpa kawmah ka lân hi, zie ziek chun tuhin hun pie kit ding ka hi,” a ti a.