PAWTDAWKNA 20:12 - PATHIEN LEKHABU THIENGTHO (BSI)

¹² “Na nu leh na pa zahbawl in; tichun Lalpa na Pathien in gam a hun piek ahin damsawt inla.

PAWTDAWKNA 20:12 ပူးပေါင်းရင်းမြစ်များ

KOLOSSA 3:20

Chapangte haw, bangakai ah na nu leh na pateu thu’n nung un, zie chuh Lalpa achun kipah-um ahi ngâl a.

DAN NIHNA 5:16

“ ‘Lalpa na Pathien in thu a hun piek guolin na nu leh na pa zahbawl in; khutichun, Lalpa’n gam a hun piek ahin lamzang in na tin, dam sawt ding na hi.

MARK 7:10

Mosi’n, ‘Na nu leh na pa limbawl in,’ ‘Kuole, a nu ahim, a pa ahim, samsie ta chuh thi heh,’ a ti ngâl a.

THUCHINGTE 30:17

A pa musitte leh a nu thu zuih ding ngainepte chuh, phaigam va-âk in a mit kheuhdawk sak intin; mulukawlh in ne zo in a.

THIEMPUDANTE 19:3

Mitin in na nu leh pateu na zah dinguh ahi a, thu ka hun piek bang takin Chawlhni le na nit dinguh ahi. Kei hi Lalpa na Pathien uh ka hi ngâl a,’” ti’n.

LUKE 18:20

Thupiek haw chuh na he a puo: ‘Zawlsai kih; tuolthat kih; gucha kih; diklo takin mi dangte heksie kih; na nu leh na pa limbawl ah,’ tih haw hi,” a ti a.

MATTHAI 19:19

Na nu leh na pa limbawl in, tih haw leh, Nangmah na kihehpih guolin na vengte le na hehpih ding ahi, tih hi,” a ti a.

THUCHINGTE 20:20

Anu ahim apa ahim hansiet chuh, thim sah tak laka a thaumei sukmit a um ding ahi.

PAWTDAWKNA 21:17

“Chun, kuole a nu ahim, a pa ahim hansie lawh chuh thah ngêi ngêi ding ahi.

MARK 10:19

Thupiek haw chuh na hêi: ‘Zawlsai kih, tuolthat kih, gucha kih, heksie kih, hetpihtu diklo in pang kih; na nu leh na pa limbawl ah,’ tih haw hi,” a ti a.

PAWTDAWKNA 21:15

“Kuole a nu ahim, a pa ahim zêp chuh thah ngêi ngêi ding ahi.

DAN NIHNA 32:47

Nang u dingin thu maimai ahi puoh a, na hinnau ahi ngâla; chun, zie thu haw hi zui in na va luoh dinga Jordan na kannau gam achun dam sawt inlau,” a ti a.

THUCHINGTE 3:16

A khut changlam achun damsawtna a um a, a khut veilam achun hauhsakna leh zahumna a um hi.

2 LENGTE 2:12

Chun, zie chu Elisha chun a mu a, “Hepa, hepa! Israel te kangtalai leh sakawl chung chuong te lawiupa!” ti’n a kiko a. Elija chu a mu kit ta puoh a. Tichun, amah a mu thei ta puoh a, chun, amah puon chu a la a, phel nih in a bawtthêk a.

DAN NIHNA 4:40

Zieziekchun, kumkhuo a dinga Lalpa na Pathien un a hun piek gama chuh nang u leh na suonteu na hung lamzan u a na chên sawt theihna dingun a dân haw leh a thupiek haw, tu a ka hun piek hi na zuih dinguh ahi,” tih hi.

DAN NIHNA 25:15

Khutichun, Lalpa’n gam a hun piek na ahih na damsawt theih na dingun tehna diktak leh bûkna diktak na neih dinguh ahi.

MALAKI 1:6

Chapa chun pa a zah sek a, suok chun a pu: “Kei hi Pa ka hih chun nei limbawlnau chuh khawitak a um ahi? Kei hi hotu ka hih chun, nei zahnau chuh khawitak a um ahi? Bangkim hihthei Lalpa’n a tii. Aw ka min musit thiempute haw, ‘Banga khan ahim ka hun muhsit uh?’ na tiu a.

THUCHINGTE 30:11

A pate hansie buokkhum a, nute vangsakna pie lo mi a um hi.

THUCHINGTE 28:24

Kuole a nu ahim, a pa ahim gûk sak a, Gitlohna ahi puoi, ti chuh; a siet na ding guolpha a nei tawbang ahi.

THUCHINGTE 15:5

Mingawl chun a pa thununna chuh a ngainep sek a, himahleh hilhgaihna khawksa mi vang chun pilna a nei sek hi.

1 LENGTE 2:19

Khutichun Bathsheba chuh Adonijah ding a hopih sak dingin leng Solomon kawm achun a chieh ta a. Leng chu amahnu tuok ding chun a tho a, a ma ah a kûn a, a lalchutphah achun a chu a, chun, lengpa nu a ding chun chutna khat a dawh sak a; a changlam achun a chu ta a.

THIEMPUDANTE 19:32

“Luchang a kelsam kekte masanga chuh na din zel sek ding ahi a, têk mel chu na zah ding ahi; tichun, Pathien zah hiding na hiu hi. Kei hi Lalpa chuh ka hi.

EPHESI 5:21

Krista na limbawlnau in kitulut tuoh chiet un.

DAN NIHNA 4:26

Jordan gâlkai a, na va luoh dinguh gam apat chuh beimang pai zieng ding na hiu hi tih na chungchâng thuu a ei hetpih dingin tuhin lei leh van ka sam hi; cheng sawt puo’n na tin un, beimang vek zieng inlau.

DAN NIHNA 5:33

Na valuoh dinguh gama chuh na um u a, na hung lamzan u a, na dam sawt theihna dingun, Lalpa na Pathien un thu a hun piek chengcheng chuh na zuih suok kêi dinguh ahi.

DAN NIHNA 6:2

Nang u leh na chateu leh na tuteu in na damsung cheng u a Lalpa na Pathien u kihchak dân na thiem u a, a dân leh a thupiek haw leh thu ka hun piek hi na zuih u a, zie gama chuh na damsawt theihna dingun.

DAN NIHNA 11:8

Zieziekchun, na hung hât u a, luoh dinga na zawtnau gam chuh na luoh theihna dingun leh,

DAN NIHNA 11:9

Bâwngnawi leh khuoizu luonna gam na pileputeu leh a suonteu piek dinga Lalpa kihâksielna gama chuh na damsawt theihna dingun tu a thu ka hun piek, thupiek chengcheng te hi na zuih dinguh ahi.

DAN NIHNA 21:18

“Mi’n chapa lochal tak leh huhel tak a neih a, a nu leh a pa thu nung lo a, a sawihnau le khawk a sak loh chun,

DAN NIHNA 27:16

“ ‘A nu ahim a pa ahim zah lo taphawt chuh gausap in um hen,’ ti’n tin un, “mipite chengcheng chun, ‘Amen,’ ana tih dinguh ahi.

THUCHINGTE 17:6

Tu leh chate hi teksiete lallukhuk ahiu a, chapate lopina chuh a pate ahiu.

JEREMIA 35:7

In na sak loh dinguh, thaichi le na chi’n loh dinguh, na damsung cheng u a puon-In a na chen dinguh ahi; zie gama chuh na damsawt theih na dingun ei tih ahi.

JEREMIA 35:18

Chun, Jeremia chun Rekab suonte zak in a gen a, “Sepaihte Lalpa, Israel Pathien chun hiti hin a tii: Nanguh hun suonpa Jonadab thupiek na zui u a, a thugen chengcheng na zawp u a, a thupiek bang zel a na hih ziekun;

EZEKIEL 22:7

Na sunga chun nu leh pate a musit u a, na sunga chun malzin a zawhthawh bawl u a, na sunga chun nauchagahte leh meithaite chuh a bawlsieu hi.

THILSIEMBUL 48:12

Joseph in amau chuh a pa khûp kal apat chun a kaidawk a, a maia leisi’n a bawkkhup a.

THILSIEMBUL 50:12

Khutichun, a chapate chun thu a piek bang takin a hih sak u a,

RUTH 3:6

Khutichun, Ruth chuh buhphuol achun a va chieh a, a talpinu’n a gen bang tak chun a hih ta a.

1 SAMUEL 22:3

Chun, David chu zie apat chun Moab gama Mizpah ah a chieh a; Moab lengpa kawm achun, “Pathien in kei dinga thil a hih ding ka het macheng in ka nu leh ka pate hi na kawmah um u hen aw,” a ti a.