PAWTDAWKNA 20:10 - PATHIEN LEKHABU THIENGTHO (BSI)

¹⁰ a ni sagih ni vang chuh Lalpa na Pathien dinga chawlhni ahi; zie ni chun na himhim na sep ding ahi puoi, nangin le, na chapa’n le, na chanu’n le, na suokpa’n le, na suoknu’n le, na ganchate’n le, na In a nam dang in le.

PAWTDAWKNA 20:10 ပူးပေါင်းရင်းမြစ်များ

PAWTDAWKNA 34:21

“Ni gup sungin na sem un la, a ni sagih ni vang chun na chawlhdam ding uh ahi; lokaih hun leh buh-ât hun inle na chawlhdam ding uh ahi.

LUKE 23:56

Tichun, a kilehkit u a, thil gimlim leh thau gimlim chuh luong nuh ding chun a guonggalh tau a. Chawlhni chun, Dan Thupiek bangin a châwl tau hi.

NEHEMIA 10:31

Zie gama mite chun chawlhni a thil zuok ding thuomphuo ahim nek theih ahim zuok dinga a hun chawih u leh chawlhni ahim umnit ni ahim a châwksak lo ding leh kum sagihna a thaichi leh thaigah haw chuh lakhawm lo a leiba chengcheng le beng lo dingin hansie khu ngâp hielin ka kipautiem tau a.

PAWTDAWKNA 31:13

“Ka Chawlhni te hi na nit ngêi ngêi ding uh ahi; na suonteu chanin kei leh nanguh kikala melchikna ahi ngâla, kei hi Lalpa, nangmau haw hun suthiengthopa ka hi hi tih na het theihna ding un.

PAWTDAWKNA 16:26

Ni gup sung chun va luok sek un na tin; a ni sagih ni chuh chawlhni ahi a, luok ding himhim um puo’n a,” a ti a.

PAWTDAWKNA 35:2

Ni gup sung nasepna a mat ding ahi a, a ni sagih ni vang chuh nang u dingin ni thiengtho, Lalpa dinga chawlh kêi na, chawlhni hi ding ahi: kuole zie ni a nasem taphawt chuh suklup tei ding ahi.

THIEMPUDANTE 23:3

Ni gup sung chuh na nasep dinguh ahi a, himahleh, ni sagih ni vang chuh na chênna taphawt u ah Sabbath chawlhni ahi a, kikhawpna thiengtho a na mat dinguh ahi a; Zie ni a chuh na nasep loh dinguh ahi.

EZEKIEL 14:7

“Israel inkuon laka kuole, malzin Israel gama chêngte le, kei apat kikawihchuoma, a lungthim u a milim la luta, a masang u a gitlohna a pukna kawih zing kawma a chungthuu ei dawng dinga thiemgau kawma hung taphawt chuh kei, Lalpa, keimah ngêi hin dâwng ing ka.