PAWTDAWKNA 2:24 - PATHIEN LEKHABU THIENGTHO (BSI)

²⁴ Khutichun, Pathien in a tau thawmteu chuh a na za ta a, Abraham te, Isak te, Jakob te kawma a thugawlh kha a hezing a.

PAWTDAWKNA 2:24 ပူးပေါင်းရင်းမြစ်များ

THILSIEMBUL 26:3

Zie gam ahin um tadih inla, tichun na kawmah um zing ing ka ting, hun vangsak ing ka ting; zie gam chengcheng hi nang leh na suonte pien, na pa Abraham kawma ka kihâksiel na kha sudet ing ka.

SAM LEHKHABU THE PSALMS 105:42

A thutiem thiengtho a suok Abraham tawh a thutiem thiengtho kha a hezing ngâl a,

PAWTDAWKNA 6:5

Chun, Aigupta mite’n Israel chate suok a a matteu mau git chuh ka za a, ka thugawlh kha le ka hezing hi.

SAM LEHKHABU THE PSALMS 106:45

Amau haw ziekin a thuthun chu a hezing a, A zahngaih dân bang zelin a lungthim a kilehhei ta a.

SAM LEHKHABU THE PSALMS 102:20

Suongkul tâng haw tau git ngaitha ding leh, Thi dinga seh te chu zalen sak ding in;

SAM LEHKHABU THE PSALMS 22:24

A mah chun gimtheih thuok haw gimtheih na chuh a musit puoh a, a kihdak puoi; A mai chuh ka masang ah a sel puoh a; A mah ka uou tieng a ngaitha sek hi.

SAM LEHKHABU THE PSALMS 138:3

Ka hun uou ni’n nang in nei dâwng a, Ka hinna hihhat in nei tîlkhoh a.

THILSIEMBUL 26:24

Zie zan chun Lalpa chuh a kawmah a hung kilak a, “Kei hi na pa Abraham Pathien chuh ka hi: lau ki’n, na kawmah ka um hi, vang hun pie’ng ka ting, ka suokpa Abraham ziekin na suonte chuh hun hihpung ding ka hi,” a ti a.

SAM LEHKHABU THE PSALMS 22:5

A hun uou u a, tichun humbit in a um sek ui: A hun gingchau a, tichun muolpho in a um ngei puou.

VAIHAWMTE 2:18

Chun, Lalpa’n amau puihuoi ding a siem saka, Lalpa chuh zie a vaihawmte kawm achun a um a, a damsung cheng u chun a melma teu khut apat in a hukdawk zela; hih gimtheih leh suklungkham a a um ziekun Lalpa’n amau chuh a lungsiet ta a.

THILSIEMBUL 18:18

Abraham hi nam lopi tak leh thilhih thei tak hung hiding ahi a, amah achun khawvel a namtin vangsaka hung um ding ahi ngâl u a.

THILSIEMBUL 17:7

“Chun, kei leh nang leh na nunga na suonte leh a suonteu chanin le ka thugawlh hi, nang ding leh na nunga na suonte dingin, a Pathien uh hi dingin kumkhuo a thugawlh dingin sudet ing ka.

SAM LEHKHABU THE PSALMS 79:11

Suongkul tângte tau git chu na masang ah tung hen la; Thi dinga guot haw chuh na thilhih theihna nasat zie bang zelin humbit in.

THILSIEMBUL 32:28

Amah chun, “Na min chuh Jakob hita puo’n tin, Israel hizaw ta’n a; Pathien leh mihing na suol a, na zo ta ngâl a,” a ti a.

NASEPTE 7:34

Aigupta gama ka mite chuh, a dahum thuok zieu ka mu zing a puo, a mau git u le ka za zing a, amau hukbit dinga hung suk ka hi tai. Khaile; Aigupta gam ah hun sawl ing ka,’ a ti a.

THILSIEMBUL 8:1

Chun, Pathien in Noah leh a kawma thilhing tincheng leh, gancha um haw chengcheng chuh a hezing a; chun, Pathien in lei chung achun huih a nun sak a, tichun tui chuh a hung kiem pan ta a;

THILSIEMBUL 15:13

Chun, Lalpa chun Abram kawmah, “Na suonte chuh mi gam ah malzin in hung um untin: suok in um un tin, kum zali sung chuh sugimthei un au tih he’n;

THILSIEMBUL 16:11

Chun, Lalpa vânsâwlchâk mah chun a kawmah, “Ngaitie, nau na vawp ta a; chapa nei in na tin. Lalpa’n na gimtheih zie hi a het tâk ziekin a min in Ishmael na sak ding ahi.

THILSIEMBUL 22:16

“Zie thil hi na hih tâk ziekin leh, na chapa na neihsun le na it loh ziekin hun vangsak tei tei ing ka ting.

THILSIEMBUL 26:2

Chun, Lalpa chuh Isak kawmah a hung kilak a, “Aigupta gam achun va chieh kih; gam ka hun hilh ding achun um in.

THILSIEMBUL 35:11

Chun, Pathien mah in a kawmah, “Kei Pathien Bangkim hihtheipa chuh ka hi: chi tamtak suongin hung pung in; chi tih kham zet leh nam chuom chuom tamtak le nang apat in hung pieng intin, na khalbe apat in lengte le hung pawt in au;

THILSIEMBUL 35:12

Chun, Abraham leh Isak gam ka piek hi hun pie’ng ka, na nunga na suonte le gam hi pie zel ing ka,” a ti a.

KISIMNA 20:16

Tichun Lalpa ka sam u a, ka kiko aw teu chuh a na za a, a van sawlchak a hun sawl a, Aigupta gam apat in ei puidawk a, Tuhin na gam tawppen a Kadesh a hin ka um tau hi,

1 SAMUEL 9:16

“Zing leh tuhun vel hin Benjamin gam a pat in pasal khat hun sawl ding ka hi a, ka mi Israel te chunga lawiupa hiding in thau nuh in na tin, amah chun Philistia mite khuta pat in ka mite hukdam ina: a kiko thawm uh ka kawm ahung tun tâk ziekin ka mite chu ka ngaihsak ahi,” ti’n ana gen ta a.

2 LENGTE 13:23

Himahlele, Lalpa’n Abraham te, Isak te, Jakob te kawma thu a gawlh ziekin, amau haw chuh a lungsiet a, a lainat a, a ngaihsak a, amau haw chuh a sumangthai nuom puoh a, a kawm apat in a paih tha nuom puoh a.

SAM LEHKHABU THE PSALMS 102:2

Ka lungkham ni’n keimah ahin na mai sel ki’n la: Ka lama hin na nakhang hun dawh inla; Ka hun sap tak leh kin takin ei dâwng in.