PAWTDAWKNA 2:15 - PATHIEN LEKHABU THIENGTHO (BSI)

¹⁵ Tichun Pharao’n zie chuh a het phetin Mosi chuh thah a guo ta a. Himahlele Mosi chuh lengpa apat in a taimang a, Midian gam ah a um ta a, tuilaihdawk pang ahin a chu a.

PAWTDAWKNA 2:15 ပူးပေါင်းရင်းမြစ်များ

HEBRAI 11:27

Taksanna ziekin leng lungnat chuh lau lo in, Aigupta gam a taihsan a, muhtheihlohpa chuh a muh ziekin a thuok tuntun a.

NASEPTE 7:29

Zie thu ziek chun Mosi a tai mang a, Midian gam ah a va thâm zing ta a, tak achun chapa nih a nei den ta a.

THILSIEMBUL 24:11

Chun, nitâk lam a numei haw tui khâi dinga a hung pawt lai tak u chun, daikieng a tuisutdawk kieng ah a sabiltung haw chu a khupdin sak a.

THILSIEMBUL 29:2

Chun, a vak en a, ngaiin, pawn lak ahin tuisutdawk a na um a, a naih achun belam hawn thum a kuol u a. Zie tui sutdawk apat chun belam hawnte chuh tui a dâwnsak sek uh ahi; tuisutdawk kawt achun suong lientak khat a um a.

JOHAN 4:6

Jakob tuisutdawk kha tak achun a um a, tichun, Isu chuh a chieh châwl ziekin tuisutdawk pang achun a chu a, sun an nek phat vel ahi.

MATTHAI 10:23

Khutichun, zie khuo a hi a hun bawl phatloh tieng u leh, khuo dangah taihsan un. Tihtakzet a ka hun hilh na hiu hi, Mihiem Chapa a hung ma’n Israel khuo haw chu tawh suok puo’n lau.

THUCHINGTE 22:3

Mipil chun thil lauh-um a muh chun a pumpelh sek a, himahleh mi mawlte vang chuh a lak ah a lut u a, a thuok lawh sek ui.

PAWTDAWKNA 4:19

Chun, Mosi Midian gama a um zing lai chun Lalpa’n a kawmah, “Chieh inla, Aigupta gam ah vaikit in; nang hun thah guote kha a thi suok tau hi,” a ti a.

THILSIEMBUL 25:4

Midian chapate chu Ephah te, Epher te, Hanok te, Abida te, Eldaah te ahiu a, ziehaw chengcheng chuh Keturah chate ahiu hi.

THILSIEMBUL 25:2

Amah chun Zimran te, Joksan te, Medan te, Midian te, Ishbak te, Shuah te a hinsak a.

PAWTDAWKNA 18:4

a khatzaw min chuh Eleazar ahi; “Ka pa Pathien chuh ei panpihpa ahi a, Aigupta lengpa chemzâm apat a ei hukbit tâk ziekin,” a ti a.

1 LENGTE 11:18

Chun, Midian gam apat a pawt u a, Paran ah a chieh u a; Paran apat in mite a pui u a. Aigupta lal Pharaoh kieng ah Aigupta a tung u a; amah chun Hadad chu In khat a pie a, nek leh châk a thawn in a pie a, chênna ding gam le a piei.

HABAKKUK 3:7

Kushan gama mite chuh gimtheih thuokin ka mu a, Midian gama mite chuh a kithing u a.