PAWTDAWKNA 2:11 - PATHIEN LEKHABU THIENGTHO (BSI)

¹¹ Chun, zielai chun hiti hi ahi a, Mosi a hung pitin phet chun, Hebrai mi a suohpihte veh dingin a pawtdawk a, pawngbawl a haksa taktak na a sep dân teu chuh a va mu ta a; Aigupta mi khatin a suohpite laka khat Hebrai mi a thah lai tak hih a vak mu a.

PAWTDAWKNA 2:11 ပူးပေါင်းရင်းမြစ်များ

PAWTDAWKNA 1:11

Khutichun, Aigupta mite chun na haksa taktak sep sak in, amau haw sugimthei dingin a chung u ah lawiupa a guot sak tau a, Israel chate chun lengpa dinga nek ding kawihkhawmna mun dingin Pithom khawpi leh Ramases khawpi achun In a sa tau a.

PAWTDAWKNA 3:7

Chun, Lalpa chun, “Aigupta gama ka mite chuh a gimtheih zieu ka mu zing a puo, suok enkawlte zieka a kiko thawm u chuh ka na za a; a lungkham nau chuh ka hezing ngâl a.

PAWTDAWKNA 5:14

Chun, Aigupta mi nasem enkawlte chun Israel chate laka lawiupa dinga a guotteu chuh a zêp u a, “Bangti dana thangni haw leh tuni ahi le tuma a banga cheklei siem hi na zawh loh uh ahi?” ti’n a hawk diek diek u a.

PAWTDAWKNA 5:4

Chun, Aigupta lengpa chun a kawm u ah, “Bangti dana nang uh Mosi leh Aron hin mipi nasem laite hi na sukthatdah uh ahim? Chieh un la na nau va kisep hiet hiet leu chun ahi chu,” a ti a.

PAWTDAWKNA 5:5

“Chun, Pharaoh chun, Ngaitiem u, zie gam ahin mi na hung tam mah mah tau a, chun, a puokgik puok u chuh nangun na chawlhsak guo mai u a,” a ti a.

PAWTDAWKNA 5:9

Mihaw hi nasep haksa zaw diek pieu in, zie chuh sem u henla hileh lepchieh thu ngaihtuohna ding hun neilo ding ahiu hi,” a ti a.

PAWTDAWKNA 6:6

Zieziekchun Israel chate kawm achun, ‘Kei Jehovah chuh ka hi a, hun hukdawk ing ka ting, Aigupta te suok a na umnau apat hin hun suohchak sak ing ka. A chung u a gawtna lauh-um tak a tun theihna dingin bân zak hiel in hun hukdawk ing ka.

PAWTDAWKNA 6:7

Chun, ka mi dingin nanguh hun nei ing ka ting, nang uh dingin na Pathien uh hi’ng ka. Tichun kei hih Jehovah na Pathien uh, Aigupta suok a pata hun puidawkpa ka hi tih he’n lau.

ISAI 58:6

“An ngawlh dân diktak, ka deihlam chuh ziehi ahi: Diktatlohna namkawlte leh, sukgimtheihna kawlbuh chuh phel sak unla, sukgimtheih a umte chuh thahdawk un.

MATTHAI 11:28

“Nang haw, semgim leh puokgik puo chengcheng te haw, ka kawmah hung un la, kei man hun chawlh sak ing ka.

LUKE 4:18

“Liengvaite kawma Chanchin Pha gen dinga nei guot ziekin, Lalpa Thagau chuh ka chungah a um; Amah chun salte kawma pawtna thu leh, Mitdûkte kawma mit vak neih kitna thu gen ding leh, Sukgimtheih thuokte pawtdawk sakna ding leh,