PAWTDAWKNA 19:9 - PATHIEN LEKHABU THIENGTHO (BSI)

⁹ Chun, Lalpa’n Mosi kawmah, “Ngaitie, ka hun hopih lai tak mipite’n le a hettheih u a, kumkhuo a na thu a ginchak theihna dingun meipi sah tak lak ah na kawmah hung ing ka,” a ti a.

PAWTDAWKNA 19:9 ပူးပေါင်းရင်းမြစ်များ

DAN NIHNA 4:36

Nang uh, a hun sinsak theihna dingin van apat in a aw a hun zak saka, lei chung ahin a mei thupi tak chuh a hun muh saka, zie mei lak apat chun a aw na zau a.

PAWTDAWKNA 19:16

Chun, a ni thum ni zingkal chun hiti hi a hung hi a, van ahung gi a, kâwl ahung phe a, tâng chung achun meipi a hung zing mepmup a, pengkun ngeih tak in a hung gi a; tichun, mipi giehmun a um chengcheng chuh lau in kilîng tau hi.

MATTHAI 17:5

A gen lai takin, ngaitie, meitang vam takin amau haw chuh a hun lieh ta a, chun, ngaitie, meitang apat chun aw gi khatin, “Ziehi ka chapa deih tak, ka lungkimna mah mah chuh ahi; amah thu ngai un,” a ti a.

SAM LEHKHABU THE PSALMS 97:2

Meipi leh thim sah tak chu a kimvel ah a um a! Diktatna leh thutak chuh a lalchutphah kingakna ahi.

PAWTDAWKNA 20:21

Mipite chuh gamla tak ah a na ding zing u a, Mosi chun Pathien umna thim sah mepmup lam chuh a va zuon a.

PAWTDAWKNA 14:31

Tichun Israel chate chun Lalpa’n Aigupta mite chunga thil nasatak a hih chuh a muu a, mipite chun Lalpa chuh a lau tau a; tichun Lalpa leh a suok Mosi chuh a gingcha tau hi.

THUPHUON 1:7

Ngaitiem u, amah chuh meipi haw chunga hung ding ahi ie! Mit tin chengin amah muu un tin uh, amah sunte mawng khan tawh; khawvel a nam chengcheng in le amah kahcham un au. A hi. Amen!

LUKE 10:16

Chun, Isu’n a sinsakte kawmah, “Kuole, nang haw thu ngai chuh, kei thu ngai ahi a, kuole, a hun deihlo chuh, kei ei deihlo ahiu hi; chun, kuole, kei ei deihlo chuh ei sawlpa deihlo ahi,” a ti a.

MARK 9:7

Tichun, amau haw lieh in mei a hung zing ta a; chun, mei achun aw a hung pawt a, “Ziehi ka Chapa deihtak ahi, amah thu ngai un,” ti’n.

ISAI 19:1

Aigupta gam puokgik chuh! Ngaitiem u, Lalpa chuh meipi hattak chunga chuong in, Aigupta gam a hungtung tai; Aigupta te milim pathien chuh a masang achun kithing lun lun untin, Aigupta mite lunggil chuh a sung u ah tuimang zo ina.

ISAI 7:9

Chun, Ephraim luchang chuh Samari ahi a, Samari luchang chuh Remalia chapa phet ahi ngâla. Na ginchak nawp loh u chun, hihdet in um hiel puo’n lau va tih,” ti’n.

2 KHANGTHUBU 20:20

A zingkal kit matak chun, mipite chu Tekeo gammâng achun a chieh u a. A kipatdawk lai u chun, Jehoshaphat chun zie thu hin a na hopih a; “Juda leh Jerusalem a mite haw, Lalpa na Pathien uh chung a chun na ginnau ngau inla, dettak in dingun. A thiemgau in a hun hilh chu gingchau inla, lawhting ding na hiu ui,” tin.

2 KHANGTHUBU 6:1

Khutichun, Solomon chu a paucham a, “Lalpa’n, thim sah mepmup leh meipi lak chu chênna dingin na tel a.

1 LENGTE 8:12

Chun, Solomon in hiti hin thu a gen a, “Lalpa’n van haw a khun nisa a um saka, himahleh, thim sah tak achun cheng ding ahih zie a gena.

PAWTDAWKNA 4:5

Zie chuh Lalpa, “A pileputeu Pathien, Abraham Pathien, Isak Pathien, Jakob Pathien chuh na kawmah ahung kilak ngêi hi tih a ginchak theihna dinguh ahi,” a ti a.

PAWTDAWKNA 4:31

Chun, mipite chun a gingcha tau a: chun, Lalpa’n Israel chate gimtheih zie a mu tai tih a het un, a bawkkhup u a, a ho tau hi.

PAWTDAWKNA 34:5

Chun, Lalpa chuh meipi achun a hungsuk a, a kawmah a ding a, Lalpa min chuh a sam ta a.

KISIMNA 12:5

Lalpa chuh meipi ding ah a hungsuk a, puon-In kawtkhak ah a hung dinga, Aron leh Miriam chuh a sam dawka, a nih u chun malam ah a chieh u a.

SAM LEHKHABU THE PSALMS 99:7

Amau kawm a chun meipi’n thu a gen a! A thuhetsak te leh a thuguot amau kawma a piek chuh a zui u a.

DAN NIHNA 4:10

chun, Horeb tânga Lalpa na Pathien uh masanga na din u a, Lalpa’n ka kawma, ‘Mipite chuh ei sap khawm sak in, lei chunga a um sung cheng u a ei lauh dân a het theihna dingun leh a chateu a sinsak theihna dingun ka thu haw a na hetsak ing ka,’ ei tih ni kha le hengilh kha’n lau.