PAWTDAWKNA 19:8 - PATHIEN LEKHABU THIENGTHO (BSI)

⁸ Chun, mipi chengcheng chun, “Lalpa gen chengcheng chuh hih zel ing kau,” ti’n kiguol takin a dâwng u a. Tichun Mosi’n mipite thugen chuh Lalpa a hilh sawn a.

PAWTDAWKNA 19:8 ပူးပေါင်းရင်းမြစ်များ

PAWTDAWKNA 24:7

Chun, thugawlh lehkhabu chuh a la a, mipite zak achun a sim a: amau chun, “Lalpa’n a gen chengcheng chuh hih zel ing ka ting un, zawp zel ing kau,” a tiu a.

PAWTDAWKNA 24:3

Tichun Mosi chuh a va chieh a, Lalpa thugen chengcheng leh vaihawm dân ding chengcheng chuh mipite kawmah a va gen a: chun, mi chengcheng chun, “Lalpa gen chengcheng chuh hih ing kau,” ti’n kiguol in a dâwng u a.

NEHEMIA 10:29

A suohpih teu leh a milien teu chu tawh, Pathien Dan, Lalpa suok Mosi kawma a piek te, leh a vaihawmna leh a thuguot te chuh chingthei taka zui leh vawp dingin a kipautiem tau a.

JOSHUA 24:24

Chun, mipite chun Joshua kawmah, “Lalpa ka Pathien uh na chuh sem ung ka tingun, a thu awi zel ung kau,” a tiu a.

PAWTDAWKNA 20:19

Tichun Mosi kawmah, “Ka kawm u ahin nangin thu gen zaw tie, a na ngaitha’ng kau: Pathien chun vang ka kawm u ahin thu gen ta kiheh, khutilochun thi kha’ng kau,” a tiu a.

PAWTDAWKNA 4:31

Chun, mipite chun a gingcha tau a: chun, Lalpa’n Israel chate gimtheih zie a mu tai tih a het un, a bawkkhup u a, a ho tau hi.

JOSHUA 24:21

Chun, mipite chun Joshua kawmah, “Hilo e! Lalpa na sem ding ka hiu hi,” a tiu a.