PAWTDAWKNA 19:4 - PATHIEN LEKHABU THIENGTHO (BSI)

⁴ Aigupta te chunga ka thilhih danhaw leh, mupi’n a note a tha chunga a puok banga ka hun puok a, ka kawma ka hun puihtung dân hi na muu a.

PAWTDAWKNA 19:4 ပူးပေါင်းရင်းမြစ်များ

ISAI 63:9

A lungkhamna chengcheng u achun amah chule a lungzîng seka, a masanga um Vânsâwlchâk chun amau chuh a hukdawk seka; a hehpihna leh a zahngaihna chun a tandawk ta a, a masang hun lai cheng khan amau chuh a puoh a, a pawm sek hi.

ISAI 40:31

Himahleh, Lalpa ngakte chun vang, a hâtnau chuh la thak kit untin; mupi bangin tha’n leng to untin; tai un tin, mahleh, châwl puou untin; chau lo in keng in chieh un au, ti’n.

THUPHUON 12:14

Tichun, thalek muna a umna a chuh a lên lut theihna dingin, numei chuh mupi lien tak tha lang nih hi a pieu a, zie tak a chuh kum thum leh a kim chuh, dragon in a dona apat a chuh bit taka etkawl a a um theihna dingin.

DAN NIHNA 29:2

Khutichun Mosi’n Israel mipite chengcheng chuh a sam khawm a, “Aigupta gama Pharaoh chung leh a miliente chung leh a gam chengcheng chunga Lalpa thilhih haw cheng kha nangmau ngêi in na muu a;

DAN NIHNA 4:9

Bang hita lele, kivengphau inla, ngaikhawk takin nangmau ki-enchien phawt mai un; khutilochun na mit ngêi u a na thil muh hawu chuh hengilh in, na damsung un na lungthim u apat in bei kha khâna; na chateu leh na tuteu le sinsak un;

HAGGAI 2:5

Aigupta apat a na hung pawt lai u khan le, na kawm u a um zel ding ka hi tin ka hun thutiem sa bang khan na lak uh ah ka thagau a cheng zing hi, lau kiu in.

MALAKI 2:10

I bawn un pa khat hin hilo I hiu hi? Pathien khatin ei siem le I hi puou a ahim? Bang zieka eihaw ei suonte thugawlh musit a, khat leh khat I kithep tuoh sek uh a?

DAN NIHNA 1:30

Na makai uh Lalpa na Pathien u chun na mitmuh ngêi u a Aigupta gama a hih guol mah khan hun dopih intin,

DAN NIHNA 1:31

mi’n a cha a puok guola gamthip a le Lalpa na Pathien un zie mun na tun chan u a, lam tungtawna, a hun puok dân kha na mu tau khala,’ ka ti a.

DAN NIHNA 29:1

Ziehaw hi Horeb tânga a kawm u a thu a thun tihloh a, Lalpa’n Moab gama Israel suonte kawma Mosi thu a thun sak thuthun thu haw chuh ahi:

JOSHUA 23:3

Lalpa na Pathien un nangmau haw zieka zie nam haw chengcheng chunga a hih dân hi na muu a; Lalpa na Pathien un, amah mawng in ahi, a hun do sak chuh.

HOSEA 11:1

Lalpa chun, “Israel chuh a naupan lai apat in ka lungsiet a, Aigupta gam apat ka chapa dinga ka sap dawk ahi.