PAWTDAWKNA 19:20 - PATHIEN LEKHABU THIENGTHO (BSI)

²⁰ Tichun Lalpa chuh Sinai tâng, tângsip achun a hungsuk a; chun, Lalpa chun Mosi chuh tângsip achun a sam to a; tichun Mosi chuh a va chieh to a.

PAWTDAWKNA 19:20 ပူးပေါင်းရင်းမြစ်များ

NEHEMIA 9:13

Tichun, Sinai tâng achun na hung kum suk a, van apat in a kawm u ah thu na gena, vaihawmna dikte, dân diktak leh thuguot leh thupiek hawihtak na pie a;

SAM LEHKHABU THE PSALMS 81:7

Lungkham in nei sama; ka hun humbit a, Van gi kisêlna mun akhan ka hun dawng a, Meribah tui haw akhan ka hun patep na hi. Selah

PAWTDAWKNA 34:4

Khutichun Mosi chun suongpek nih, a masa tawbang khan a sêk a, zingkal matak in a tho a, Lalpa’n thu a piek bangin Sinai tâng achun a va kalto a, a khut in suongpek nih chuh a chawi a.

PAWTDAWKNA 34:2

Chun, zing leh zingkal in kisazo inla, Sinai tâng ah hung to inla, tângvum ah ka masang ah hung ding in.

PAWTDAWKNA 24:18

Chun, Mosi chuh meipi laka tâng achun a va kalto a, chun, Mosi chuh tâng achun ni sawmli leh zan sawmli a va um hi.

PAWTDAWKNA 19:11

A ni thum ni a dingin kisazo u hen: ni thum ni chun mipite chengcheng mitmuh in Sinai tâng achun Lalpa hungsuk ding ahi.

PAWTDAWKNA 19:3

Chun, Mosi chuh tâng achun Pathien hopih dingin a va chieh to a, tichun Lalpa chun tâng apat chun a na hopih a, a kawmah, “Israel chate, Jakob suonte kawm achun thu gen in la, Israel suonte chuh hilh in.

DAN NIHNA 9:9

Suongpek, na kawm u a Lalpa’n thu a thunna suongpek la dinga tânga ka kal toh lai khan ni sawmli leh zan sawmli tâng achun ka va uma; chângthâk le ka ne puoh a, tui la ka dâwn puoh a.

DAN NIHNA 33:2

Sinai apat in Lalpa chuh a hunga, Seir apat in a hung suok hi a chung u ah ni guolin, Paran tâng apat in a hung eng dawka, Mithiengtho a sing a simte tawh a hung; A khut changlam ah amau dingin dân meikuong chawi kawmin.

1 LENGTE 19:11

Chun, Lalpa chun, “Va pawt inla, tânga khun Lalpa masangah va dingin,” a ti a. Ngaitie, Lalpa a hung a, huihpi nasa takin a tângte chu a hun mût khi a, Lalpa masang achun suongpite chu a phel lem lum a; himahlele huih achun Lalpa chu a um puoi: chun, huih nun zawh chun lei a hung lîng a; himahlele leilîng achun Lalpa a um diek puoi:

PAWTDAWKNA 24:15

Khutichun Mosi chuh tâng achun a va kalto a, chun, meipi’n tâng chuh a khuh ta a.