PAWTDAWKNA 19:17 - PATHIEN LEKHABU THIENGTHO (BSI)

¹⁷ Tichun, Mosi’n mipi haw chuh Pathien tuok dingin giehmun apat chun a puidawk a; tângbul achun a ding u a.

PAWTDAWKNA 19:17 ပူးပေါင်းရင်းမြစ်များ

DAN NIHNA 4:10

chun, Horeb tânga Lalpa na Pathien uh masanga na din u a, Lalpa’n ka kawma, ‘Mipite chuh ei sap khawm sak in, lei chunga a um sung cheng u a ei lauh dân a het theihna dingun leh a chateu a sinsak theihna dingun ka thu haw a na hetsak ing ka,’ ei tih ni kha le hengilh kha’n lau.

DAN NIHNA 5:5

(Zie lai chun Lalpa thu hun kâwkmuh dingin Lalpa tawh na kikal u ah ka dinga; meipi ziek chun na lau u a, tâng achun na chieh ta puou a)

NASEPTE 7:38

Amah chuh ahi, gamthip a mi kikhawmkhawmte laka, Sinai tânga hopihpa vânsâwlchâk kawm leh, ei uh ei suonte kawma um khah; amah chuh, ei piek sawn dinga thuhing haw lapa chuh ahi.

PAWTDAWKNA 19:13

Kuoma’n khut ale a sukkhak loh ding ahi, kuo hileh a sukha ta chuh suong a sehlup ngêi ngêi ding ahi; sa hi’n mihiem hitaleh hing puo’n a; pengkun chuh sawtpi a git chuoi chuoi tieng chuleh tâng a chuh a kal toh ding uh ahi, a tii,’ ti’n mipite dingin gi zam sak in,” a ti a.

PAWTDAWKNA 19:16

Chun, a ni thum ni zingkal chun hiti hi a hung hi a, van ahung gi a, kâwl ahung phe a, tâng chung achun meipi a hung zing mepmup a, pengkun ngeih tak in a hung gi a; tichun, mipi giehmun a um chengcheng chuh lau in kilîng tau hi.

PAWTDAWKNA 19:18

Chun, Sinai tânga chuh Lalpa chuh mei a a hungsuk ziekin; zie meikhu chuh hâltuina meikhu bang mai in a khu to nguoh nguoh a, tichun tâng pumpi chuh a lîng dup dup a.

THIEMPUDANTE 9:5

Tichun, Mosi’n thu a piek bang chun, kihona puon-In mai achun a hun kai u a; mi chengcheng chun a va naih u a, Lalpa masang achun a va ding u a.

DAN NIHNA 4:11

“Khutichun, na hun naih u a, tâng bul achun na hung ding u a, vanlaizawl sun tâng chuh thimte, meipite, meipi thim sah mepmup te um sak in mei a kuong a.