PAWTDAWKNA 19:13 - PATHIEN LEKHABU THIENGTHO (BSI)

¹³ Kuoma’n khut ale a sukkhak loh ding ahi, kuo hileh a sukha ta chuh suong a sehlup ngêi ngêi ding ahi; sa hi’n mihiem hitaleh hing puo’n a; pengkun chuh sawtpi a git chuoi chuoi tieng chuleh tâng a chuh a kal toh ding uh ahi, a tii,’ ti’n mipite dingin gi zam sak in,” a ti a.

PAWTDAWKNA 19:13 ပူးပေါင်းရင်းမြစ်များ

HEBRAI 12:20

“Ganhingte nasan in tâng chuh a sukkhak uh chun, suong a sehlup a um ding ahiu ui,” tih thupiek khah a thuok thei ta puoh ngâl u a.

PAWTDAWKNA 19:19

Tichun pengkun gi chuh a ngeih deuh deuh a, Mosi chun thu a vak gen a, Pathien chun van gi’n a hun dâwng ta a.

PAWTDAWKNA 19:16

Chun, a ni thum ni zingkal chun hiti hi a hung hi a, van ahung gi a, kâwl ahung phe a, tâng chung achun meipi a hung zing mepmup a, pengkun ngeih tak in a hung gi a; tichun, mipi giehmun a um chengcheng chuh lau in kilîng tau hi.

1 THESSALONIKA 4:16

Lalpa mawng chuh kiko thawm tawh, vânsâwlchâk chungnung pên aw tawh. Pathien pengkun gi tawh, van a kipata hung kum ding ahi ngâl a. Tichun, Krista gingcha a na thisate chuh hinna ah tho masa’n tin uh;

1 KORINTH 15:52

mitphetkal lo in, sukdanglam in um vek tai tiu. Pêngkun a hung git tieng chuleh, mithite chuh, muot theilo a kaihthawh in um un tin uh; ei uh le sukdanglam in um vek tai tiu.

PAWTDAWKNA 19:14

Khutichun tâng apat chun Mosi chuh mipite kawm achun a hung suk a, mipite chuh a suthiengtho a; a puonhawu a sawpngim u a.

PAWTDAWKNA 19:17

Tichun, Mosi’n mipi haw chuh Pathien tuok dingin giehmun apat chun a puidawk a; tângbul achun a ding u a.

PAWTDAWKNA 34:3

Na kawmah kuomah hung to kiu henla, tâng mawngmawng achun kuomah hung kilang kiu hen; belam hawn haw leh bâwng hawnhaw le tâng pang achun ta hiel kiu hen,” a ti a.

VAIHAWMTE 20:37

Chun, a gûk a châng pang haw chun Gibeah khuo chuh thakhat in a hun do u a; tichun a gûk a châng pang haw chuh a kikhenzak u a, Gibeah khawpi a mi chengcheng chuh chemzâm in a satlum vek tau hi.