PAWTDAWKNA 18:9 - PATHIEN LEKHABU THIENGTHO (BSI)

⁹ Lalpa’n Israel te chuh Aigupta te lak apat a hukdawk a, amau haw thil a na hihsak zie leh, a chung u a a phatna haw chengcheng ziek chun Jethro chuh a kipâk mah mah mai a.

PAWTDAWKNA 18:9 ပူးပေါင်းရင်းမြစ်များ

1 KORINTH 12:26

Khutichun, ka khat hin a thawk chun, ka chengcheng hin le a thuok sek ui, ka khat limbawla a um chun, ka dang cheng inle, a kipahpih sek ui.

ROME 12:15

Kipakte chuh kipahpih unla, kapte chuh kahpih un.

ROME 12:10

Suohpihte, kihehpihna lam achun, kihehpih takin kilainat tuoh chiet un; kilimbawlna lam achun, kideihsak tuoh chiet un.

ISAI 66:10

Jerusalem hehpih chengcheng te haw, Jerusalem chuh kipahpih unla! nang haw zie khawpi lungsiet chengcheng te chuh lawp unla! Tuhin, a chunga lungkham cheng chengte chuh kipâk un.

ISAI 44:23

Aw vante haw, kipâk takin la sau in, Lalpa’n zie chuh a hih ta ngâl a, Lei mun niem pente haw hung kiko dawk un, tângte leh gammâng thingte haw, la sa dawk un: Lalpa chun Jakob te a tandawk ta a, Israel te haw achun kisulopi ding ahi ngâl a!

1 SAMUEL 15:6

Chun, Saul chun Ken te kawma chun, “Hung pawt unla, Amalek te lak apat hin kikiengkawih un, dân leh hun that khawm kha kha’ng ka: nangun vang Israel te Aigupta gam apat ahung pawt u khan na na khawtuoh ngâl u a,” a ti a. Khutichun, Ken te chu Amalek te lak apat a pawt tau a.

ISAI 63:7

Lalpa zahngaihna nasep chuh geldawk ing ka ting; Lalpa zaidawhna thute leh pahchakna thute gen ing ka ting; A lungsietna bang zel leh, a zaidawhna nasat zie bang zela Israel inkuon chunga a phatna nasatak a vuk thu khale gen ing ka.

ISAI 44:22

Na bawhsietna teu chuh meipi sah lieiluoi bangin ka mût mang ta a; ka kawmah hungkit un, nang haw hun Tandawkpa ka hi ngâl a,” ti’n.