PAWTDAWKNA 18:20 - PATHIEN LEKHABU THIENGTHO (BSI)

²⁰ chun, thuguot leh danhaw chuh sinsak inla, a umdan ding u leh a hihdan ding u chuh na kâwkmuh zel ding ahi.

PAWTDAWKNA 18:20 ပူးပေါင်းရင်းမြစ်များ

DAN NIHNA 5:1

Chun, Mosi’n Israel suonte chengcheng chuh a sam khawm a, a kawm u ah, “Aw, Israel mite haw, na zil u a, na zuih u a, na hih ding u a dân haw, thutanna haw na hetnau a tunia ka gen hi chingthei takin ngaithau in.

SAM LEHKHABU THE PSALMS 143:8

Zinglam in na zaidawhna ei zak sak inla; Nang ka hun gingcha ngâla: Ka chieh na ding lampi ei sinsak inla; Ka hinna nang lam ah ka dawmsang ngâla.

DAN NIHNA 1:18

Chun, thil dang na hih ding dân u le zielai chun ka hun sinsak vek ta kha.

SAM LEHKHABU THE PSALMS 32:8

Na chiehna lampi chuh hun hetsak in hun sinsak ing ka ting; Ka mita hun en zing kawm in hun lemguot sak ing ka, Hetthiemna nei gun lo sakawl leh sabiltung haw bangin um kiu in,

DAN NIHNA 4:5

“Ngaitiem u, na valuoh dinguh gama chule na zuih zel dingun Lalpa ka Pathien in thu ei piek bang takin dân haw leh thutanna haw chuh ka hun sinsak a.

DAN NIHNA 4:1

Khaile, aw, Israel mite haw, Lalpa na pileputeu Pathien in a hun piek gam chuh hing leh dama na luoh theihna dingun na pawm ding u a ka hun sinsak dân leh thutanna haw hi ngaithau in.

MIKA 4:2

Tichun, nam tamtak chuh hung un tin, “Hung un la, Lalpa tângah, Jakob Pathien In achun chieh to hitiu; tichun, ama’n a lampi chanchinte chuh ei sinsak in tin, a lampi haw achun chieh hitiu,” ti’n au. Zion apat chun dân hung pawt in tin, chun, Lalpa thu chuh Jerusalem apat hung pawt ding ahi.

PAWTDAWKNA 18:16

Thubuoi bang ahim a neih u chun ka kawm ahin a hung sek u a; tichun ken aban banin a thuu chuh ka na tan sak sek a, chun, Pathien lemguot leh a dante chuh ka na hetsak sek ahi,” a ti a.

1 THESSALONIKA 4:1

Khutichun suohpihte, a chaihna kêi in, Pathien kipahna lama na hindan ding u chuh, keimauhaw apat in na he tau a. Zie chuh, tu a na hindan bang mah uh hi ahi. Zieziekchun, tuhin, Lalpa Isu min in, hih nasa zawsem dingin ka hun ngen un, ka hun tîl uh na hiu hi.

EZEKIEL 3:17

Mihing chapa, Israel insung mite dinga gâlveng a ka hun guot na hi; khutichun, ka kam apat a thu na het cheng leh amau chuh ka thathenga na vaulawk ding ahi.

JEREMIA 42:3

Lalpa na Pathien in ka chieh na dinguh lampi leh ka hih dinguh ei kawk muh theihna dingin,” a tiu a.

JEREMIA 6:16

Lalpa chun hiti hin a tii, “Lampi pang haw achun ding unla en un. Lampi pha umna lamluite chuh dawng un la, zie tak achun chieh unla, na thagau u a dingin chawlhna mu’n lau,” ti’n. Himahleh, amau in vang, “Zie lampi chuh hawh puo’ng kau,” a tiu a.

ISAI 30:21

Chuleh, changlam ahim, veilam ahim a na petmang tieng u leh, na nung lam u a thu kigen na bil in za’n tin, “Zie lam hi lampi dik ahi, zui un” a tihna aw za zel un lau.

1 SAMUEL 12:23

Zie mai chule hilo in kei ding vangin, nang haw dinga paucham haihsan a Lalpa chunga gitlohna hih ding chu thil hithei lo hiel ahi; lampi pha leh dik chu hun kâwkmuh zel zaw’ng ka.

DAN NIHNA 7:11

Zieziekchun, thupiek haw, dân haw leh thutanna haw tunia thu ka hun piek haw hi phachuomngai taka na zuih dinguh ahi.

MARK 13:34

Mihiem Chapa chuh, mi a In nusieh a, a suokte thuneihna pie a, mi tin amau sep ding chiet pie a, kawtkhak ngakte le kigin zing ding thu pie a, gam gamla taka zin tawbang chuh ahi.

MATTHAI 28:20

Chun, thu ka hun piek chengcheng hi pawm dingin hilh un. Chun, ngaitiem u; Kei, kumkhuo’n, khawvel beih tiengin le na kawm u ah um zing ing ka,” a ti a. Amen.

DAN NIHNA 5:27

Nangin va naih inla, Lalpa I Pathien un a gen ding chengcheng chuh nang keihaw kawmah gen inla, khutichun, ngaitha’ng ka ting un, zui ing kau,’ na tiu a.