PAWTDAWKNA 18:16 - PATHIEN LEKHABU THIENGTHO (BSI)

¹⁶ Thubuoi bang ahim a neih u chun ka kawm ahin a hung sek u a; tichun ken aban banin a thuu chuh ka na tan sak sek a, chun, Pathien lemguot leh a dante chuh ka na hetsak sek ahi,” a ti a.

PAWTDAWKNA 18:16 ပူးပေါင်းရင်းမြစ်များ

PAWTDAWKNA 24:14

Mosi chun upate kawm achun, “Na kawm u a ka hungkit masangsieh zie tak ahin ei na ngak zing un; Aron leh Hur na kawm u ah a um u a, kuo’n le thubuoi bang hitaleh na neih u chun a kawm u ahi na chieh sek ding uh ahi,” a ti a.

1 KORINTH 6:1

Na lak uh a kuo’nle, midang chungah buoina nei leu chin, Pathien mite ma a tun lo in, ginglote ma a tun ngam ding na hiu hi?

2 SAMUEL 15:3

Chun, Absalom chun, “I aw, na thu chu a pha’n a dik a; himahlele a ngaihtuoh ding leng in kuomah a guot puoi,” a na ti sek a.

DAN NIHNA 5:1

Chun, Mosi’n Israel suonte chengcheng chuh a sam khawm a, a kawm u ah, “Aw, Israel mite haw, na zil u a, na zuih u a, na hih ding u a dân haw, thutanna haw na hetnau a tunia ka gen hi chingthei takin ngaithau in.

DAN NIHNA 4:5

“Ngaitiem u, na valuoh dinguh gama chule na zuih zel dingun Lalpa ka Pathien in thu ei piek bang takin dân haw leh thutanna haw chuh ka hun sinsak a.

MATTHAI 28:20

Chun, thu ka hun piek chengcheng hi pawm dingin hilh un. Chun, ngaitiem u; Kei, kumkhuo’n, khawvel beih tiengin le na kawm u ah um zing ing ka,” a ti a. Amen.

JOB LEHKHABU THE BOOK OF JOB 31:13

Ka suoknu ahim, ka suokpa ahim, Ka chunga a lung-awih lohnau a a gen tieng u a ana limsak lo ka hih chun;

1 SAMUEL 12:23

Zie mai chule hilo in kei ding vangin, nang haw dinga paucham haihsan a Lalpa chunga gitlohna hih ding chu thil hithei lo hiel ahi; lampi pha leh dik chu hun kâwkmuh zel zaw’ng ka.

DAN NIHNA 6:1

“Chun, luoh dinga na chiehnau gama chuh na zuih theihna ding u a nang u hun hilh dinga Lalpa na Pathien thu ei piek thupiek haw leh danhaw leh thutanna haw chuh ziehaw hi ahiu:

KISIMNA 15:35

Lalpa’n Mosi kawmah, “Zie mi chuh thah ngêi ngêi ding ahi, daikieng ah mipi chengcheng chun suong a a seh ding uh ahi,” a ti a.

THIEMPUDANTE 24:15

Chun, Israel mipite hopih in la, kuole, Pathien hansie lawh ta chun, a gitloh mawh kipuok intin,

PAWTDAWKNA 23:7

Thu diklo taka mi na hêk ding ahi puoi; chun, mi gitlohna bei leh mi kitûp haw chuh sulum ki’n; mi gilote chuh thiem chansak ding ka hi puoh ngâl a.

PAWTDAWKNA 2:13

Chun, a zing chun a va chieh kit a, Hebrai mi nih a na kisuol u a; chun a thiemlo zawpa kawm achun, “Bangati a na guolpa na zêp ahim?” a ti a.

PAWTDAWKNA 18:17

Ziephet chun Mosi puzawnpa chun a kawmah, “Na thilhih dân chuh a pha puoi.

2 KHANGTHUBU 19:10

Khawitak khuo a mi’n le thubuoi a hun gen u a, thisan suoh thu ah, dân leh thupiek thu ah, thuguot leh vaihawm thu haw a a hung kilân u chun, Lalpa chunga thil a sukkhelh loh na ding un chingthei dingin hilh un, nangmau haw leh na suohpih teu chungah lungnatna hung tung khawm khan a; khutibanga chuh na hih u chun, thiemloh chang puo’n lau.