PAWTDAWKNA 18:12 - PATHIEN LEKHABU THIENGTHO (BSI)

¹² Chun, Mosi puzawn Jethro chun hâlmang thilpiek leh Pathien dinga kithawihna ding a va la a; Aron leh Israel upate chengcheng chuh Mosi puzawnpa kawm achun Pathien hona chângthâk thiengtho ne dingin a chieh u a.

PAWTDAWKNA 18:12 ပူးပေါင်းရင်းမြစ်များ

DAN NIHNA 12:7

Zie achun Lalpa na Pathien mau ah ne’n na tin un, na khut nasepteu Lalpa na Pathien un a hun vangsakna zieka chuh na inkuonteu tawh kipâk taka na um dinguh ahi.

THILSIEMBUL 31:54

Chun, Jakob chun tâng achun kithawihna a siem a, a mite chuh chângthâk ne dingin a sama: tichun chângthâk a neu a, tâng achun a giek tau a.

PAWTDAWKNA 24:11

Chun, Pathien in Israel chate haw laka milien haw chung achun a khut a tha puoi; tichun Pathien chuh a muu a, a neu in, a dâwn khawm tau hi.

PAWTDAWKNA 24:5

Zie chun, Israel chate laka tangval haw chuh a sawl a, ziehaw chun Lalpa dingin hâlmang thilpiek haw a pieu a, chamna thillat dingin bâwngchal haw chun a kithawi u a.

1 KORINTH 10:31

Khutichun, na nek un le, na dâwn un le, na thilhih chengcheng u chuh, Pathien lopina ding ngenin hih un.

1 KORINTH 10:21

Lalpa khawn leh thitha khawn dâwn kawp thei puo’n lau; Lalpa dawhkhâng leh, thithate dawhkhâng achun le ne kawp thei diek puo’n lau.

1 KORINTH 10:18

Israel mite hi ngaihtuoh tiem u; kithawihna sa nete chun, maichâm ah, Pathien kawma nasepna achun chan a nei tho uh ahi.

LUKE 14:15

Chun, dawhkan a ankuong a ûmpihteu laka khatin zie chuh a zak in, Isu kawmah, “Pathien gama guolvakna a tel dingte chuh a hamphau hi,” a ti a.

LUKE 14:1

Chun, Chawlhni’n Pharisaite laka lawiupa khat ina an ne dingin a chieh a: mipite chun Isu chuh a en thim zing u a.

DANIEL 10:3

An lim mawngmawng ka ne puoh a, sa ahim, uain ahim le ka kam ah a lut diek puoi, hapta thum pumlum a tin macheng chun sathau le ka kinuh puoi.

JOB LEHKHABU THE BOOK OF JOB 42:11

Tichun, a suohpih numei leh pasal chengcheng leh tuma a a melhette chengcheng chuh a kawmah a hung u a, a In achun an a neu a. Lalpa’n a chunga thil phalo a tun sak chengcheng thu a chun a thuokpih u a, a lungmuon u a. Mi chengin a kawm achun dangka leh sana zungbuhte a pie chiet u a.

JOB LEHKHABU THE BOOK OF JOB 42:8

Khutichun, tuhin bâwngchal sagih leh belamchal sagih keng in ka suok Job kawm achun chieh unla, nang u a dingin hâlmang kithawihna va siem unla. Khutichun ka suok Job chun hun paucham sak intin, zie chuh a na pawm ing ka ting, na ngawl dân tak u chun hun thuk puo’ng ka. Ka suok Job guolin ka chungchâng thu dik takin na gen puoh ngâl u a,” a ti a.

JOB LEHKHABU THE BOOK OF JOB 1:5

Khutia a guolvaknau a zawh tieng u chuleh, Job chuh zingkal matak in a tho a, a bawn u a thien sakna dingin a min kim u a dingin maichâm a siem a. Ka chapate hin thil a na hihkhiel in, Pathien ana gensie kha’n au a tih ziekin Job chun hitibang chun a hih zing sek hi.

2 KHANGTHUBU 30:22

Hezekia chun Levi te chu Lalpa hona ma a puihthiem ziek u chun a pakcha a. Chun, amau chun Kut ni sagih sung chun, kithawihna te lân in, a pileputeu Lalpa Pathien kawma suol thuphachawihna nei in ante a neu hi.

2 SAMUEL 9:7

Chun, David chun a kawmah, “Lau ki’n: na pa Jonathan ziekin na chungah lungsiet sulang ngêi ngêi ing ka ting, na pu Saul gam chengcheng hun neih sak kit ing ka ting, ka dawhkhâng ah an ne zing ta’n la,” a ti a.

DAN NIHNA 27:7

Kichamna thilpiek haw’n kithawi in na tin un, zie chun ne’n na tin un, Lalpa na Pathien mau a chuh kipâk taka na um dinguh ahi.

PAWTDAWKNA 2:20

Ziephet chun, a chanute kawm achun, “Amah chuh khawi ah a um hi? Bang dinga na hun taihsan mai uh ahi? An ne dingin va sam u,” a ti a.

THILSIEMBUL 43:25

A kipahman chawih u chuh Joseph an ne a a hung ma’n a na siemtup masau a: zie achun an ne ding ahiu hi tih a he ngâl u a.

THILSIEMBUL 26:25

Tichun, zie tak achun maichâm a siem a, Lalpa min chuh a lo a, zie tak achun puon-In le a zak a: a suokte’n zie tak achun tuisutdawk a lai kit ui.

THILSIEMBUL 12:7

Lalpa chuh Abram kawmah a kilak a, “Zie gam hi na suon te kawmah pie’ng ka,” a ti a: tichun zie tak achun a kawma kilak Lalpa a ding chun maichâm a siem tai.

THILSIEMBUL 8:20

Noah chun Lalpa dingin maichâm a siem a; sa thieng lak apat leh vacha thieng lak apat chuh a la a, maichâm achun hâlmang thilpiek in a pie ta a.

THILSIEMBUL 4:4

Chun, Abel in le a belam hawn laka pieng masapente leh athau hawih diek haw chuh a hun kai a, a that a, a kithawi ta a. Tichun, Lalpa chuh Abel leh a thilpiek achun a kipâk a.

PAWTDAWKNA 2:16

Zielai chun Midian gama thiempu Jethro chun chanu sagih a nei a, amau chuh tuikhai dingin a hung u a, a pau belam hawnte dâwn dingin a gankuong hawu achun tui a sungdim u a.

PAWTDAWKNA 3:1

Chun, Mosi chun a puzawnpa Jethro, Midian gama thiempupa belam hawn a ching a; belam hawnhaw chuh thalek thanglam pang achun a pui a, tichun, Pathien tâng, Horeb chuh a va tunga.

PAWTDAWKNA 18:13

Chun, a zing chun Mosi chuh mipite vaihawm dingin a chu a: chun mipi haw chuh zingkal a kipat nitâk chanin Mosi kawm vel achun a ding zing u a.

PAWTDAWKNA 20:24

Kei dingin lei a kisiem maichâm na siem ding ahi, achung achun hâlmang thilpiek na belamte leh bâwngchalte chuh hâlmang thilpiek leh chamna thillat dinga na piek sek ding ahi: muntin ah kei nei hona dinga ka kawihchuom ahi a, zie tak achun hung sek ing ka ting, vang hun pie sek ing ka.

PAWTDAWKNA 33:7

Chun, Mosi’n puon-In chuh a sawm zel a, giehmun pawlam gamla deuh achun a zak sek a. Zie chuh Lalpa umna puon-In a vawh a, kuole Lalpa thu dawng nuom taphawt chuh giehmun pawlama puon-In achun a va chieh sek u a.

KISIMNA 10:29

Mosi’n, a puzawnpa Midian mi, Reuel chapa Hobab kawm achun, “Lalpa’n, hun pie ding ka hi ti a ei tiem na gam achun chieh ding ka hiu ui. Israel chate chuh khawsathei taka siem dingin thu a tiem a, hung inla zie hauhsakna chuh hun kikawppih ung kau” a ti a.

THILSIEMBUL 26:30

Isak in amau dingin guolvakna a siem a, a neu in, a dâwn tau hi.