PAWTDAWKNA 18:11 - PATHIEN LEKHABU THIENGTHO (BSI)

¹¹ Tuhin chuh Lalpa chuh pathien chengcheng sangin a lopi zawi tih ka he tai; Aigupta te’n simmawh taka a bawlna tâk u ah Amah chuh a chung u a um ahi,” a ti a.

PAWTDAWKNA 18:11 ပူးပေါင်းရင်းမြစ်များ

SAM LEHKHABU THE PSALMS 95:3

Lalpa chuh Pathien lopi tak ahi ngâla, pathien chengcheng chunga Lal lopi tak ahi.

PAWTDAWKNA 15:11

“Aw Lalpa, pathien haw lak ahin nang bang hi kuo a um? Thienthona lama lopi leh, Pahchak tâk hihna lama zahum leh, thilmakte hih sek, Nang tawbang kuo a um?

2 KHANGTHUBU 2:5

Ka temple sak guot hi lopi tak ahi a, I Pathien u hi Pathien dang chengcheng sang a lopi zaw ahi.

LUKE 1:51

A bân tha hattak chuh a sulang a. Mi kiletsakte thiltup chuh a hihzak sak ta a.

SAM LEHKHABU THE PSALMS 135:5

Lalpa chuh lopi tak ahi tih leh, Lalpa chuh Pathien chengcheng sang in a chungnung zawi tih ka he ngâl a.

DANIEL 4:37

“Tichun, kei Nebuknezar hin van Lengpa chuh ka pakcha ta a, ka chawisâng a, ka limbawl a; a thilhih chengte chuh a dik in a lampite chuh a kitûp ngâl a: kuole chapo taka thilhihte chuh a suniem thei ahi,” ka ti a!

SAM LEHKHABU THE PSALMS 97:9

Lalpa, nang chuh leichung chengcheng ahin Chungnung pên na hi ngâl a: Nang chuh pathien chengcheng chung pek ah chawih-at in na um ta a.

1 KHANGTHUBU 16:25

Lalpa chu a lopi a, nasa taka pahchak tâk pên ahi ngâla; pathien chengcheng sanga zah ding ahi.

JAKOB 4:6

Himahlele, Pathien in hehpihna ei piek chuh a hât zawsem ngâl a. Pathien Lehkhabu’n, “Pathien in mi husiete a do a, mi kingainiemte vang chuh vang a pie sek hi,” a tih guolin.

SAM LEHKHABU THE PSALMS 119:21

Mi kiletsak sapsieta umte chu na hilhgaih a, Na thupiekte vakmangsan sek haw chuh.

NEHEMIA 9:10

Tichun, Pharaoh leh a suokte leh a gama mi chengcheng te chungah melchikna leh thilmak haw na latsak a. Chapo taka a chung u a thil a hih teu chuh na he a, tichun, tuni tieng hin min in na nei ta a.

2 LENGTE 5:15

Tichun, amah leh a lawite cheng chu Pathien mi umna lam achun a vaikit tau a, a masangah a va ding u a, a kawmah, “Tuhin, Israel Pathien tih loh hi, lei chung chengcheng achun pathien dang a um puoi, tih ka he tau hi; zieziekchun, lungsiet takin hepu, kipahman hi la tie!” a tiu a.

1 PETER 5:5

Khutibang mah in, nanguh tanglak deuhte haw; upate kawmah kitulut un. A hii, na bawn uh a kizen tuoh chiet dingin, nuoilutchuhna’n kivan un; Pathien in mi husiete a do a, kingainiemte vang chuh lungsietna a pie sek hi.

SAM LEHKHABU THE PSALMS 31:23

Aw, a mi thiengtho chengcheng te, Lalpa chuh hehpih un; Lalpa chun a mi ginum chuh a humbit a, himahleh, kisathei taka hihhaw chuh nasatak in a din sek hi.

NEHEMIA 9:29

Chun, na dân lama na puihkit theih na ding in na hilhgaih seka; himahleh, chapo takin thil a bawl u a, na thupiek chuh a zui puou a, na vaihawmna kalh in thil gilo ahih u a (mi’n a hih leh a chîn den ding chuh) a chapo u a, a kisuluhlul u a, a ngaitha nuom puou hi.

NEHEMIA 9:16

Himahleh, amau leh ka pileputeu chun chapo takin thil bawl in a kisuluhlul u a, na thupiek chuh a zawp ta puou hi.

1 LENGTE 17:24

Chun, numei chun Elijah kawmah, “Tuzet hin chuh Pathien mi na hi takzet hi, na kam a thu hih thutak ahi tih ka he tai,” a ti a.

1 SAMUEL 2:3

Khuti lâwm lâwm a chapo in thu gen takiu inla; Na kawm u a pat in hâmdâwkna himhim pawt kihen; Lalpa chu chitna Pathien ahi ngâla, Ama’n thilhih haw a bûk tuok sek hi.

PAWTDAWKNA 14:18

Tichun, lengpa leh a kangtalaite leh a sakawl chung chuong mite apat limbawlna ka lawh tieng chuleh Aigupta mite’n kei hi Lalpa chuh ka hi tih he’n au,” a ti a.

PAWTDAWKNA 14:8

Chun, Lalpa’n Aigupta lengpa Pharaoh lunggil chuh a sukkhauh sak a, Israel chate chuh a delh ta a: Israel chate chula guolzawhna lopitak tawh pawt ahiu a.

PAWTDAWKNA 12:12

“Zie zan chuleh Aigupta gamsung chuh hun hawhpai ding ka hi ngâl a, Aigupta gam a cha lutîl chengcheng, mihing leh sa chuh that ing ka ting; Aigupta gama pathien chengcheng te chung achun le vaihawmna chuh hun tunsak ing ka ting: kei Lalpa chuh ka hi hi,

PAWTDAWKNA 10:3

Khutichun, Mosi leh Aron chuh Pharaoh kawm achun a valut u a, a kawmah, “Lalpa, Hebraite Pathien in, ‘Ka masang ah bang chan ahim kingainiem nuom lo a um na guot? Ka mite hin kei ei ho theihna dingun pawtsak in.

PAWTDAWKNA 5:7

“Tu a kipatin tuma guol khan mihaw hi cheklei siemna ding buhpawl na piek tâk loh ding uh ahi, amau ngêi in buhpawl chuh a kichawm khawm dinguh ahi.

PAWTDAWKNA 5:2

Pharaoh chun, “Lalpa chuh kuo ahi a, a thu ka zawpa Israel suonte ka vak pawtsak mai ding ahim? Lalpa chuh ka he puoh a, chun Israel chate le pawtsak puo’ng ka,” a ti a.

PAWTDAWKNA 1:22

Ziephet chun Pharao’n, “Pasal naupang hung pieng taphawt chuh Nile luipi ah paih un la, numei taphawt chuh na hinghawih dinguh ahi,” ti’n a mite chengcheng chuh thu a pie ta a.

PAWTDAWKNA 1:16

Tichun, a kawm u ah, “Hebrai numeite nau na dawp tieng u leh, nau neihna dawhkan a chun en unla, pasal a hih leh that zel unla; numei a hih le chuh na hinghawih dinguh ahi,” a ti a.

PAWTDAWKNA 1:10

Hung tiem u, a pun beh tâk lohna dingun chingthei takin hih hitiu; khutilochun hung pung zel un tin, dân leh kidona hung um kha leh I gâlteu lam ah pang untin, ei do un tin, zie gam apat hin ei taihdawk san kha’n au” a tiu a.

KISIMNA 33:4

Aigupta te chun a cha lutîl chengcheng uh Lalpa’n a thah sak a vuih lai ngêi u chun; a pathienteu chung haw ale Pathien in vawihawmna a tun saka