PAWTDAWKNA 17:1 - PATHIEN LEKHABU THIENGTHO (BSI)

¹ Chun, Israel chate kikhawm khawm haw chengcheng chuh Lalpa thupiek bangin Sin thalek apat chun a pawt kit u a, aban bana kichawn zelin, Rephidim achun giehmun a siem u a: chun, zie tak achun mipite tui dâwn ding a um ta puoh a.

PAWTDAWKNA 17:1 ပူးပေါင်းရင်းမြစ်များ

PAWTDAWKNA 19:2

Rephidim mun apat a pawt u a, Sinai thalek a va tung u a, thalek achun a giek u a; zie tak achun Israel te chuh tâng bul achun a giek u a.

PAWTDAWKNA 16:1

Chun, Elim mun apat chun a pawtdawk u a, chun, Israel chate chengcheng Aigupta gam apat a pawt uh apat tha nihna, ni sawmlenga ni’n Elim leh Sinai tâng kikala Sin thalek a va tung u a.

PAWTDAWKNA 17:8

Chun, Rephidim mun achun Amalek te a hung u a, Israel te chuh a hun do tau a.

KISIMNA 20:2

Tichun, a giehmun u achun tui a um ta puoh a, khutichun, Mosi leh Aron kilanpih dingin a kipunkhawm tau a.

PAWTDAWKNA 15:22

Tichun Mosi’n, Israel te chu Tuipi San apat in a puidawk a, Shur thalek lam zuonin a chieh tau a; chun, thalek achun ni thum zet a chieh u a, tui a mu zo ta puou a.

KISIMNA 9:17

Kihona puon-In chuh meipi’n a kithiel dawk san cheng leh, Israel chate chuh chieh dingin a kisa sek u a; chun, meipi a dinna mun cheng achun Israel chate chun giehmun a guonggalh sek uh a.

KISIMNA 9:23

Khutichun, Lalpa thupiek guolin giehbuk chuh a guonggalh sek u a, Lalpa thupiek in a chieh sek u a: chun, Mosi manga Lalpa thupiek chuh a zawp sek ui.