PAWTDAWKNA 16:7 - PATHIEN LEKHABU THIENGTHO (BSI)

⁷ Tichun, zing leh Lalpa lopina chuh mu’n lau; a chunga na phunchieknau kha a na za tai; kei u hi bang ka hiu a ka chung u a phunchiek na hiu hi?” a tiu a.

PAWTDAWKNA 16:7 ပူးပေါင်းရင်းမြစ်များ

ISAI 40:5

Tichun, Lalpa lopina chuh suklat hi’n tin, mi chengcheng in zie chuh mu chiet un au; Lalpa kam ngêi in zie chuh a gen ta ngâl a,” a ti a.

KISIMNA 16:11

Zieziekchun nang leh na lawi te chengcheng hi Lalpa dodal in na kikhawm khawm uh ahi. Aron hin bang a hih a, a chunga na phunchiek uh ahim?” a ti a.

JOHAN 11:40

Isu’n a kawmah, “Na ginchak chun, Pathien lopi zie mu’n la ka hun ti hilo ahim?” a ti a.

JOHAN 11:4

Isu’n zie chuh a zak in, “Zie natna hi thihna ding ei puoi, Pathien lopina ding a hi zawi; Pathien Chapa chuh zieziek taka chuh a hung lopi na dingin,” a ti a.

ISAI 35:2

Paklun thieithuoi un tin, kipâk taka lasa’n lawp ina; Lebanon tângte banga hawih leh Karmel leh Sharon phai banga lei pha hi ta’n a. Mitin in Lalpa lopi na chuh muu untin, a lopina leh a thilhih theihna chuh mu ta’n au.

PAWTDAWKNA 40:34

Tichun, kikhawp khâwmna puon-In chuh meipi’n a hun tuom mepmup mai ta a, tichun, hobuk chuh Lalpa lopina’n a hung dim ta a.

PAWTDAWKNA 16:10

Israel chate kikhawm khawm chengcheng kawma Aron in thu a gen lai tak chun, thalek lam chuh a vak en a; chun, ngaitie, Lalpa lopina chuh meipi ah a hung kilang ta a.

KISIMNA 16:42

Mosi leh Aron chung thu a mipi a kipunkhawm lai u chun puon-In lam chuh a ngau a; meipi’n ahun khuh a, Lalpa lopina hung kilang chuh a muu a.

KISIMNA 14:10

Himahlele mipite chengcheng chun suong a sehlup zieng ding in a vau u a. Tichun, Israel chate kawm achun Lalpa lopina chuh kihona puon-In chung achun a hung kilang kit ta a.

KISIMNA 14:27

“Zie migilo kikhawmhaw ka chunga phunchiek sek haw hin bang chan ahim ei gensiet dinguh? Israel chate ka chunga a phunchiek na hawu chuh ka za ta ngâla.

PAWTDAWKNA 24:16

Chun, Lalpa lopina chuh Sinai tâng achun a um zing ta a, meipi chun ni gup sung a khuh a: chun a ni sagih ni chun meipi apat chun Mosi chuh a vak sama.

PAWTDAWKNA 24:10

Israel Pathien chuh a va muu a; chun, a kêngpêk nuoi chuh sapphire suongmantam a kisiem hileh kilawm a um a, a thien zie chuh van taksa thien guolin a thieng a.

THIEMPUDANTE 9:6

Mosi chun a kawm u ah, “Ziehi ahi, Lalpa’n hih dinga thu a hun piek chuh ti a chuh a lopina vak chuh na lak uh a a hung kilak theihna dingin,” a ti a.

PAWTDAWKNA 16:12

“Israel chate phunchiekna haw kha ka na za a; a kawm u ah, ‘Nitâk lam leh sa ne’n na tin uh, chun, zingkal lam leh chângthâk vah set in ne ta’n lau,’ a tii hun tih,” a ti a.

PAWTDAWKNA 16:8

Chun, Mosi’n “Nitâk lam a na nek ding un Lalpa’n sa hun pie’n tin, zingkal leh chângthâk vah seta nek ding hun pie kit in a, a chunga na phunchieknau kha a za ngâl a; kei u chuh bang ka hiu a ahi? Kei uh chunga phunchiek na hi puou a, Lalpa chunga phunchiek na hi zawu hi,” a ti a.

KISIMNA 17:5

Tichun, ka mi tel pên pa tiengkhut chuh hung sel intin: tichun Israel chate phunchiekna, nang chunga a phunchieknau hih ka suk hai ding ahi,” ti’n.