PAWTDAWKNA 16:34 - PATHIEN LEKHABU THIENGTHO (BSI)

³⁴ Lalpa’n Mosi thu a piek bang chun, Aron chun vawp zing dingin Thuthun Bawm achun a kawih ta a.

PAWTDAWKNA 16:34 ပူးပေါင်းရင်းမြစ်များ

PAWTDAWKNA 27:21

Aron leh a chapate chun, ka umna puon-In sung a thugawlh umna bawm kawihna puonzak pawlam achun a det sek ding uh ahi. Zie taka ka umna chuh nitâk apat in zingkal chanin a det sek dinguh ahi. Zie thupiek hi Israel chate leh a suonteu in kumkhuo a dettaka a zuih dinguh ahi.

PAWTDAWKNA 25:21

Tichun, bawm chung achun zahngaihna chutphah kawih inla, chun, bawm sung achun thu hetsakna ka hun piek ding chuh na kawih ding ahi.

PAWTDAWKNA 25:16

Chun, bawm sung achun thu hetsakna suongpek nih ka hun piek ding chuh na kawih ding ahi.

KISIMNA 17:10

Chun, Lalpa’n Mosi kawmah, “Aron tiengkhut chuh Thuthun kawihna bawm masang achun kawih kit ah; Israel chate kei chunga a phunchiek nau na suktawp theih na ding in, a khutih loh chun, thi ding ahiu hi” a ti a.

PAWTDAWKNA 40:20

Chun, suongpek nih chuh a la a, Pathien bawm sung ah a kawih a. A zawnna mawlh chuh a bil ah a thun a, a chung achun zahngaihna chutphah a kawih a.

PAWTDAWKNA 31:18

Tichun Sinai tânga Mosi a hopih zawh chun thuthunna Suongpek nih, Pathien khutzung a zik suongpekte chuh Mosi a pie ta a.

PAWTDAWKNA 30:36

A khenkhat chuh gawi nêl dimdem inla, ka hun hopih sekna ding kihona puon-In sung a thugawlh umna thingkuong masang a na kawih ding ahi; zie chuh nanga dingin thil thiengtho taka hi’n a.

PAWTDAWKNA 30:6

Chun, zie chuh thugawlh kawihna chunga ka hun hopih sek na ding, zahngaihna chutphah ma ah, thu hetsakna kienga puonzak pawlam achu na kawih ding ahi.

1 LENGTE 8:9

Aigupta gam apat a a hung pawt u a Lalpa’n Israel chate kawma thu a gawlh lai a Mosi’n Horeb tânga suongpek nih a kawih tihloh kha chuh, zie bawm sung achun bangmah dang a um puoi.

DAN NIHNA 10:5

Ziephet chun, tâng apat chun ka hung suka, Lalpa thu ei piek guolin suongpek haw chuh bawm ka siem achun ka kawih a; zie chun a um zing ta a.”

KISIMNA 1:53

Levi te vang chun, Israel chate chunga lungnatna a um lohna dingin, puon-In kimvela a zak dinguh ahi a, puon-In chuh a venbit dinguh ahi” ti’n ana gen ta ngâla.

KISIMNA 1:50

Levi haw chuh ka umna puon-In a na sem ding leh, a matchâk chengcheng leh, zie a thil um chengcheng chuh enkawl dinga na guot zawk ding ahi; puon-In leh a matchâk chengcheng chuh zawn sek un tin, na sem untin, puon-In kimvel ah cheng un au.

PAWTDAWKNA 38:21

Ziehaw hi Hobuk a suongpek nih a chunga Thu Sawm Piek kizik kawihna ding a thil matchâk kimangte chuh ahi. Zie chuh Mosi’n thu a piek guol a Levi chite’n thiempu Aron chapa Ithamar puihhuoina nuoia a bawlteu chuh ahi.