PAWTDAWKNA 16:12 - PATHIEN LEKHABU THIENGTHO (BSI)

¹² “Israel chate phunchiekna haw kha ka na za a; a kawm u ah, ‘Nitâk lam leh sa ne’n na tin uh, chun, zingkal lam leh chângthâk vah set in ne ta’n lau,’ a tii hun tih,” a ti a.

PAWTDAWKNA 16:12 ပူးပေါင်းရင်းမြစ်များ

JOEL 3:17

Khutichun, Lalpa na Pathien uh, tâng thiengtho Zion a cheng ka hi tih hun he ta’n lau: Jerusalem chuh khawpi thiengtho hi’n tin; malzin kuoma’n a sung tawh ngei ta puo’n au.

EZEKIEL 39:22

Zie ni akipat chuh Israel inkawte chun Kei hi Lalpa a Pathien uh ka hi tih he tau in tin,

PAWTDAWKNA 6:7

Chun, ka mi dingin nanguh hun nei ing ka ting, nang uh dingin na Pathien uh hi’ng ka. Tichun kei hih Jehovah na Pathien uh, Aigupta suok a pata hun puidawkpa ka hi tih he’n lau.

ZEKARIA 13:9

Tichun, amun thumna te chuh mei ah patep ing ka ting; dangkaguo sukthientho bangin amau hih thiengtho ing ka ting. Sana patep a um bangin amau chuh enchien ing ka. Zie tieng chuleh kei kawmah paucham untin, amau haw ngaitha’ng ka. Chun, amau chuh ka mite ahiu, ti’ng ka ting, amau haw chun, Lalpa chuh ka Pathien uh ahi, ti’n au,” tih hi Lalpa kamsuok ahi.

EZEKIEL 34:30

Khutichun, kei Lalpa a Pathien uh hi a kawm u ah ka um hi tih he’n, Israel insung mite chuh ka mite ahiu hi tih he tan au, Lalpa Pathien in a tii.

JEREMIA 31:24

Zie chun Judate leh a khawpi a mite chuh cheng khawm untin, lo bawl mite leh gan vulh mite vakviel tawh.

PAWTDAWKNA 7:17

Zieziekchun Lalpa’n “Zie ahin kei Lalpa chuh ka hi tih he’n la; en in, zie ka tiengkhut hin lui a tui, Nile lui tui hi khên ing ka ting, tichun thisan hungsuok in a.

PAWTDAWKNA 4:5

Zie chuh Lalpa, “A pileputeu Pathien, Abraham Pathien, Isak Pathien, Jakob Pathien chuh na kawmah ahung kilak ngêi hi tih a ginchak theihna dinguh ahi,” a ti a.

PAWTDAWKNA 12:6

Zie tha ni sawmleli tienga chuh na kawih ding ahi a; chun Israel mipi kikhawm khawm chengcheng chun mielzul a a thah ding uh ahi.

PAWTDAWKNA 16:11

Chun, Lalpa’n Mosi a hopih a,

THIEMPUDANTE 11:44

Kei hi, Lalpa na Pathien uh ka hi a, zieziekchun, kihihthiengtho un, kei ka thiengtho ngâl a. Lei chunga chêng a bawka vak thawh chi himhim chun kisubuok kiu in.

KISIMNA 14:27

“Zie migilo kikhawmhaw ka chunga phunchiek sek haw hin bang chan ahim ei gensiet dinguh? Israel chate ka chunga a phunchiek na hawu chuh ka za ta ngâla.

1 LENGTE 20:28

Chun, Pathien mi khat a hung a, Israel leng kawm achun, “Lalpa’n hiti hin a tii: ‘Suria te hin Lalpa chu tâng pathien ahi a, phaicham pathien ahi puoi a tiu hi; zieziekchun zie mipi tamtak haw hih na khut ah hun pie ding ka hi, tichun kei hi Lalpa chu ka hi tih he’n lau,’ a tii” ti’n.

SAM LEHKHABU THE PSALMS 105:40

A ngên u a, tichun vamim a hun pie a, Van apat in kiting takin chângthâk a pie a.

KISIMNA 11:4

Israel chate zin na achun, gamdang mi a kitawnpih uh a um a, ziete haw chun sa utchakna nasatak in a nei tau a; Israel te nasan chule a hung phunchiek tau a; “Sa nek ding kuo’n ei pie ta die aw!

EZEKIEL 35:13

Khutichun ka chungah na kisulien in na ki-uong a, ka chungah na thutuitam a, ka he suok kêi ahi.”