PAWTDAWKNA 15:6 - PATHIEN LEKHABU THIENGTHO (BSI)

⁶ “Na khut changlam chuh, aw Lalpa, thilhih theihna’n a lopi a, Na khut changlam chun, aw Lalpa, melma chuh a sunel vek ta a.

PAWTDAWKNA 15:6 ပူးပေါင်းရင်းမြစ်များ

ISAI 51:9

Aw Lalpa tho in, tho in! Na khut in ei panpih in; malai nite bang khan na thilhih theihna mang in keihaw ei hukdam in! Nang chuh Rahab satnelpa Dragon sunpa kha hilo na him?

THUPHUON 2:27

Chun, namte chunga thik tienga vaihawm ding leh, lei bel banga sunel dimdem dingin thuneihna pie’ng ka.

SAM LEHKHABU THE PSALMS 60:5

Na deihtak haw hi humbita a um theih na dingin, Na khut changlam in hukdam inla, ei dâwng in.

SAM LEHKHABU THE PSALMS 2:9

Amau haw chuh thik tiengkhut in suphel ing ka ting, Beldengte’n bel a paih gawp tawbang in paih gawp inla,” a ti a.

MATTHAI 6:13

Thepna ah ei puilut ki’n la, Gitloh apat in ei hukdam zaw’n; Gam leh, thilhih theihna leh, lopina chuh, Kumsawt in nanga ahi ngâl a. Amen.’

ISAI 52:10

Lalpa’n namte mitmuh in a khut thiengtho chuh a hun zak dawk ta a, tichun kâwlmawng tawpa cheng te’n le a hukdamna chuh mu ta’n au.

JEREMIA 13:14

Amau haw chuh kisuktuoh sak ing ka ting, pate leh chapate nasan le tih hi Lalpa kamsuok ahi. Amau haw sukmangthai lohna ding khawp in lungsietna ahim khawtuohna ahim nei puo’ng ka ting, susie zaw bawn ing ka.

SAM LEHKHABU THE PSALMS 98:1

Aw Lalpa chawiân in la thak sau in; Thilmak tak tak a hih ta ngâla: A khut changlam leh a bân thiengtho chun hukdamna a siem sak ta a.

SAM LEHKHABU THE PSALMS 77:10

Chun, zie chu ka lungkham ziek ahi, ka ti a; Himahleh, Chungnung pên pa khut changlam suklamdang a a um hi ahi,

SAM LEHKHABU THE PSALMS 74:11

Banga tih leh na khut, na khut changlam ngêi kha na nung zûk a? Na angsung apat luoi dawk inla, amau chuh hih mangthai in.

SAM LEHKHABU THE PSALMS 44:3

Gam hi amauhawn chemzâma a zawh uh ahi puoh a, Amau haw khuta guolzo ahi diek puou: himahleh, a chung u a na kipâk ziekin na khut changlam leh, na bân leh, na melvak in ahi zawi.

SAM LEHKHABU THE PSALMS 17:7

Aw, nangmah a ginna nga taphawt amau dote laka na khut changlama hukdam sek pa, Na nunnemna maktak chuh hun etsak in.

PAWTDAWKNA 15:11

“Aw Lalpa, pathien haw lak ahin nang bang hi kuo a um? Thienthona lama lopi leh, Pahchak tâk hihna lama zahum leh, thilmakte hih sek, Nang tawbang kuo a um?

ISAI 30:14

Tichun, bêldêngpa bel bangin, sit umlo hiela gawp in, a hal lak ah, thuk a mei lâkna ding ahim, tuikhuk a tui thalna ding natieng umlo khawp in sukêk ing ka,” ti’n.

PAWTDAWKNA 3:20

Tichun ka khut zak ing ka ting, Aigupta te chunga thil lauh-um ka hih ding chengcheng chun gawt ing ka, zie tieng chuleh vang hun pawtsak ta’n a.

PAWTDAWKNA 6:1

Chun, Lalpa chun Mosi kawmah, “Tu’n vang lengpa chunga ka hih ding chuh mu ta ding na hi, khut hattak ziekin ka mite chuh pawtsak intin, chun, khut hât tak ziek chun amau haw chuh a gam apat chun nawhdawk ina,” a ti a.

PAWTDAWKNA 15:12

Nangin na khut changlam na vak zak a, Lei in amau haw chuh a valh zo ta a.

PAWTDAWKNA 15:16

Tizatna leh lauhna’n a buokkhum a, Na khut hatna’n suong bangin a suthip kêi a; Aw Lalpa, na mite a galkaih masieh u chun.

PAWTDAWKNA 18:8

Lalpa’n Israel te hukdawkna ding a Pharaoh leh Aigupta te chunga a hih zie chengcheng leh, lamkal a gimtheih a thawk zieu chengcheng leh, Lalpa’n amau haw a hûkbit zie haw chuh Mosi’n a puzawnpa a hilh a.

1 SAMUEL 2:10

Lalpa dote chu phieh dimdem in au, Vana pata vanpi git in do intin: Lalpa chun kâwlmawng tiengin vaihawm in tin; A leng chu hatna pien tin, a thaunuh ki chu dawmsang ina,” a ti a.

SAM LEHKHABU THE PSALMS 24:8

Lopi na LAL chuh kuo ahi? Lalpa hattak leh thilhih thei tak, Lalpa, kido na a thilhih thei tak chuh ahi.

SAM LEHKHABU THE PSALMS 44:4

Nang chuh ka LAL leh ka Pathien na hi: Jakob chuh guolzo dingin thu na pie a.

SAM LEHKHABU THE PSALMS 89:14

Diktatna leh vaihawmna chu na lalchutphah kingakna ahii: Zahngaihna leh thutak chu na masangah a chieh sek hi.

ISAI 63:12

Mosi manga thilhih theihna a thil lopitak hih sek Lalpa kha khawia um a hi ta’m? Kumlekhuo a a min sulopi dinga tuipi zêp khen a, a mite tui thuk tak a pui galkai pa kha khawitaka um a hi ta’m?”