PAWTDAWKNA 15:26 - PATHIEN LEKHABU THIENGTHO (BSI)

²⁶ “Lalpa na Pathien u aw hi guntaka na ngaihthak u a, a mitmuha pha a sak dante na hih u a, a thupiekte na ngaihsan u a, a thuguot chengcheng na zawp u chun, Aigupta mite chunga hipi ka len sak haw bang khah nang haw chung ahin lênsak hiel puo’ng ka: kei Jehovah Rafa ka hi ngâla,” a ti a.

PAWTDAWKNA 15:26 ပူးပေါင်းရင်းမြစ်များ

SAM LEHKHABU THE PSALMS 103:3

Amah chun na thulimlohna chengcheng a ngaidam sek a: Na natna chengcheng a hih dam sek hi;

DAN NIHNA 7:15

Chun, Lalpa’n hilegau chengcheng hun sukkieng sak intin, na hetsau Aigupta gam hilegau haw chuh na chungu ah lênsak puo’n tin, nanguh hun hawte chungah lênsak zaw’n a.

PAWTDAWKNA 23:25

Chun, Lalpa na Pathien u hi nei ho u chun, na chângthâk u leh na tuiteu chuh vangsak ing ka ting; chun, na lak u apat in natna lamang kêi ing ka.

SAM LEHKHABU THE PSALMS 147:3

Lungthim thasie te chuh a hih dama, A liemna teu chuh a tuom sak sek hi.

JEREMIA 33:6

Ngaitie, damna leh hiselna hun tun ing ka ting, amau chuh sudam ing ka ting; muonna leh bitna diktak muh sak ing ka.

HOSEA 6:1

“Hung tiem u, Lalpa lam ah vaikit hitiu: ama’n ei bawttel ta mahleh ei sudam kit ding ahi ngâla. Ei na suliem ta mah leh ei tuom kit ding ahi ngâl a.

THIEMPUDANTE 26:13

Kei hi Lalpa na Pathien uh, a suok uh na hih loh na ding u a, Aigupta gam apat a hun puidawkpa chuh ka hi; na namkawlteu chuh ka subawng a, chang taka dingin ka hun chieh sak hi” ti’n.

JOB LEHKHABU THE BOOK OF JOB 5:18

Amah chun a suliem a, a tuom kit a, A zêp a, khut in a sudam kit hi.

DAN NIHNA 28:60

Na lauh mah mah uh Aigupta gama hipi haw kha na chungu ah lênsak kit intin, zie natna haw chuh nang u ah bek zing ina.

DAN NIHNA 12:28

Thu ka hun piek chengcheng hi khawk takin ngaiun, khutichun, Lalpa na Pathien u mitmuha thilpha leh thil dik hih hi’n na tin un, nang u leh na nung u a na chateu dingin kumkhuo’n pha ding ahi.

1 LENGTE 11:33

Amau haw chun ei taihsan u a, Zidon mite pathiennu Asteroth te, Moab mite pathien Kemosh te, Amon te pathien Milkom te a ho ziekun, ka mitmuha thilpha hih ding leh ka thuguot te leh ka vaihawm te hi a zawp dinga a pa David banga ka lampite a hawh loh ziekun.

ISAI 57:18

“A lampi teu chuh ka mu a, amau haw chuh sudam ing ka ting; pui ing ka ting, thamuonna piekit ing ka ting, a lusûnteu kamsuok chuh thamuonna suoh sak ing ka.

DAN NIHNA 13:18

Lalpa na Pathien uh mitmuh a thilpha hih ding thupiek chengcheng, tu a ka hun piek hi na zawp phawt u chun hun hih pung ding ahi, na pileputeu kawma a kihâksiel bang khan.

2 LENGTE 20:5

“Vaikit in la ka mite lawiupa Hezekia kawmah zie thu hi gen in; Lalpa na pu David Pathien chun hiti hin a tii, Na pauchamna kha ka za a, na mittui kie le ka mûi. Ngaitie, hun sudam ing ka ting, ni thum sungin Ho-In ah chieh inla.

DAN NIHNA 28:27

Lalpa chun Aigupta uilutte, meimasiete, vun natnate leh uithak in hun gawt intin; ziehaw apat chun sukdam theih hi puo’n lau.

EZEKIEL 18:5

“Ahihziekin, mi chuh a diktata, dân tawh kituok leh adik chauh a hih a,

JEREMIA 8:22

Gilead achun thingnai damdawi umlo ahim? Zie tak achun hihdampa umlo ahim? Bang zieka ka mi, ka chanu chuh sukdam hilo ahim?

2 LENGTE 22:2

Chun, Josia chun Lalpa mitmuh in thil diktak a hih sek a, a pu David lampi hawh chengcheng chu a hawh sek a, changlam ahim veilam ahim ah a petsan kha himhim puoi.

THIEMPUDANTE 26:3

“Ka dân guola na tawih u a, ka thupiek haw na zawp u chun;

1 LENGTE 11:38

Chun hiti hi hi’n tin, thu ka hun piek taphawt na zawpa, ka lampite na hawh a, ka suok David banga ka thuguot te leh ka thupiekte zawpa ka mitmuh a thilpha na hih chun na kawmah um zel ing ka ting: David ka sukdet bang khan inkuon dettak hun dinsak ing ka ting, Israel te hi hun pie’ng ka.

DAN NIHNA 28:58

“Lalpa NA PATHIEN tih min thupi tak leh lauh-um tak hi na lauh theihna dingu a zie lehkhabu a kizik, zie dân thu chengcheng hi chingthei taka na zuih loh u chun,

PAWTDAWKNA 12:29

Chun, hiti hi ahi a, zankhang lai chun Lalpa chun Aigupta gama cha lutîl chengcheng, lalchutphah a chu Pharaoh cha lutîl apat in suongkul ngakte cha lutîl gei in, gancha suok masapen tiengin a sulum vek ta a.

PAWTDAWKNA 19:5

Zieziekchun, ka thu na ngaihthak takzet u a, ka thugawlh hi na pawm u chun, khawvel a nam chengcheng lak ahin keia dingin go têlchuom hi’n na tin un, keimah mite ngêi hi’n lau. Leisiet pumpi hi keia ahi ngâla.

PAWTDAWKNA 19:6

Tichun, keia dingin thiempu chi, nam thiengtho hi’n lau, ti’n hilh in. Zie thu hi Israel te kawma na gen ding chuh ahi,” a ti a.

PAWTDAWKNA 20:2

“Kei, Lalpa na Pathien uh, Aigupta gama suok apat a hun puidawkpa chuh ka hi.

DAN NIHNA 12:25

Na nek dinguh ahi puoi; khutichun, Lalpa mitmuh in thil dik hih hi’n na tin un, nang u leh na nung u a na chateu a ding in hung pha ding ahi.

DAN NIHNA 32:39

Kei, Keimah ngêi hi, Amah chuh ka hi, he tau in, Kei tihloh pathien dang a um puoi; Ka sulum seka, ka suhing sek; Ka suliem seka, ka sudam sek; Ka thilhih ei dal thei kuomah a um puoi.

2 LENGTE 2:21

Tichun, tuikhuk ah a va chieh a, chi chu a vak theh lut a, “Lalpa’n hiti hin a tii: ‘Zie tui hi ka hih thieng tai, tu a kipat hin, thihna leh nausietna um ta puo’n a,’ a tii” ti’n.

JEREMIA 7:23

Ka aw ngaithau inla, na Pathien uh hing ka ting, nang u le ka mite hin lau. Na Pathien a dingun na umdan dinguh ka hun hilh cheng hi zawp un, khutileh, nanguh a dinga pha ding ahi, ti a thu ka piek zawk ahi.

JEREMIA 11:7

Nanguh hun suonte Aigupta gam apat a ka puihdawk ni apat tuni tieng hin ka pau kamsuok zawp un, ti’n zingpi a tho in amau haw chuh phachuomngai takin ka hilh seka.

JEREMIA 17:24

Chun, Lalpa thu pawt chun hiti hin a tii: Khawksa tak a ka thu na ngaihthak u a, chawlhni a zie khawpi kawtkhaka chu thil gik na puoklut loh u a, na himhim sem lo a chawlhni na nit thiengtho u chun,

JEREMIA 30:17

Hun sudam kit ing ka ting, na liemna apat chuh hun sudam ing ka, Lalpa’n a tii: ‘Na melmateu in nawhdawk a um, kuomah ngaihsak loh Zion ahi,’ hun ti mahleu le.”

KISIMNA 12:13

Tichun Mosi’n, “Aw Pathien, hihdam kit in,” ti’n Lalpa chuh a sama.

DAN NIHNA 5:1

Chun, Mosi’n Israel suonte chengcheng chuh a sam khawm a, a kawm u ah, “Aw, Israel mite haw, na zil u a, na zuih u a, na hih ding u a dân haw, thutanna haw na hetnau a tunia ka gen hi chingthei takin ngaithau in.

SAM LEHKHABU THE PSALMS 81:9

Gamdang pathien mawng mawng chu na lak u a a um ding le ahi puoi; Gamdang pathien mawng mawng chu na ho ding u le ahi diek puoi.

ISAI 55:3

Na bil u dawh unla, ka kawmah hung un, Ka kawmah hung unla, tichun, ngaithau in la, hinna nei un lau! Nang haw tawh kumlekhuo thugawlh siem ing ka ting; David kawma vangsakna ka tiem kha hun pie’ng ka.

HOSEA 11:3

Ephraim chuh ka bân a dawm in chieh ka sinsak a; Himahleh, amau haw enkawl ka hi tih a he puou hi.