PAWTDAWKNA 15:25 - PATHIEN LEKHABU THIENGTHO (BSI)

²⁵ Mosi chuh Lalpa kawmah a paucham a; chun, Lalpa chun thing khat hi a vak kâwkmuh a, zie chuh tui achun a vak khawh lut a, tichun tui chuh a hung lim ta a. Zie tak achun dân leh thupiek a siem sak a; zie tak achun amau haw chuh a patep a.

PAWTDAWKNA 15:25 ပူးပေါင်းရင်းမြစ်များ

DAN NIHNA 8:2

Chun, a thupiek haw chuh zui ding na hiu em na hi puou em, na lungthim uh hetna dinga hun patep ding leh hun sugimthei dinga gamthip a kum sawmli a hun puihna lampi chengcheng kha hezing un.

SAM LEHKHABU THE PSALMS 66:10

Aw Pathien, nangin nei en chien a; Tangkaguo etchet bangin nei en chien a.

VAIHAWMTE 3:1

Chun, Israel chate Kanaan gama galdo a chieh kha lote patep na dinga Lalpa’n a um sakte chuh ziehaw hih ahiu hi.

VAIHAWMTE 3:4

Lalpa’n Mosi manga amau suonte kawma thu a na piek khah a zawp u leh zawp loh uh hetna dinga Israel chate patepna dinga um ahiu hi.

VAIHAWMTE 2:22

A pilepu teu bang khan Lalpa thupiek a zawp u leh zawp loh Israel chate patep na’n amau haw chuh mang ing ka,” a ti a.

DAN NIHNA 8:16

Na pileputeu het khâk loh manna’n a hun vaka, atawpa na hun phat lawh theihna dingu a hun sugimthei a hun patep, Lalpa na Pathien u chuh hun hengilh kha’n lau.

PAWTDAWKNA 16:4

Khutichun Lalpa’n Mosi kawmah, “Ngaitie, nang u dingin van apat in chângthâk hun kiek sak ing ka, tichun mipite’n ni chengin ni khat a ding a a chanvo ding mai u chuh luok zel u hen, ka dân a zawp u leh zawp loh uh ka patep theihna dingin.

2 LENGTE 2:21

Tichun, tuikhuk ah a va chieh a, chi chu a vak theh lut a, “Lalpa’n hiti hin a tii: ‘Zie tui hi ka hih thieng tai, tu a kipat hin, thihna leh nausietna um ta puo’n a,’ a tii” ti’n.

1 KORINTH 1:18

Kross thu chuh mangthaite dingin ngawlhuoi ahi a, himahleh, ei uh hukdam a um laite dingin Pathien thilhih theihna ahi.

JEREMIA 9:7

Zieziekchun Sepaihte Lalpa chun hiti hin a tii, “Ngaitie, amau chuh sutui ing ka ting, patep ding ka hi. Ka mi, ka chanu ziek chun bang danga ka hih naklai ding le?

THUCHINGTE 17:3

Hâltuina bel chuh dangkaguo a ding ahi a; hâltuina mei chuh sana a ding ahi, himahleh Lalpa chun lungthim a enchien sek hi.

SAM LEHKHABU THE PSALMS 91:15

Amah chun ei sam intin, tichun dâwng ing ka; A lungkham pet in kei a kawmah um ing ka ting; Amah chauh humbit ing ka ting, tichun limbawl ing ka.

SAM LEHKHABU THE PSALMS 50:15

Chun, lungkham ni leh ei sam inla; Hun humbit ing ka, khutichun nangin nei limbawl ding hi chin a,” a ti a.

2 LENGTE 4:41

Ziephet chun, Elisha chun, changbuong neukhat a vak ngên a, bel achun a sep lut a, “Mipite nek dingin thûkdawk un,” a ti a. Ziephet chun, bel sung achun thihna a um ta puoh a.

PAWTDAWKNA 14:10

Chun, Pharao’n a va naih phet chun, Israel chate chuh a vak dâk dawk u a, chun, ngaitie, Aigupta mite chun amau lam chuh ahun zuon phei tau a; tichun ana lau mah mah zieng tau a, chun, Israel chate chun Lalpa chuh a sam tau a.

SAM LEHKHABU THE PSALMS 99:6

A thiempute lak achun Mosi leh Aron a tel u a, Amin samte lak achun Samuel a tel a; Amah chun Lalpa chuh a sama, a mah chun a dâwng ta a.

SAM LEHKHABU THE PSALMS 81:7

Lungkham in nei sama; ka hun humbit a, Van gi kisêlna mun akhan ka hun dawng a, Meribah tui haw akhan ka hun patep na hi. Selah

DAN NIHNA 13:3

Zie thiemgau ahim mang leh thei ahim thu chuh na pawm dinguh ahi puoi; Lalpa na Pathien u chun na lungthim chengcheng u leh na hinna chengcheng un Lalpa na Pathien u chuh na hehpih u leh na hehpih loh uh hetna dinga a hun patep na hiu hi.

PAWTDAWKNA 17:4

Chun, Mosi’n “Zie mipi haw hi bang ka lawh die? Suong a sehlup ei guo hiel tau hi,” ti’n Lalpa kawmah a paucham a.

JEREMIA 15:1

Chun, Lalpa chun ka kawmah hiti hin a gena, “Mosi leh Samuel ka masang ah hung ding mahleu le; ka lunggil in zie mite lam hi nga diek puo’n a. Ka muh phakloh in nawhdawk inla, chieh mang u hen!

PAWTDAWKNA 20:20

Chun, Mosi’n mipite kawm achun, “Lau kiu in, Pathien in a hun patep na hiu hi, a hun suklauh hi na gitloh lohna dinguh ahi,” a ti a.

2 LENGTE 6:6

Ziephet chun Pathien mi chun, “Khawitaka a kiek na?” a ti a. Amah chun a kiekna mun a etsak a. Tichun, thingtuoi a vak sat a, tak achun a khawh lut a, tichun, heicha chu a hung kilap dawk ta a.

EZEKIEL 47:7

Chun, ka vak tun kit phet chun ngaitie, lui pang tuok gel a chun thing atam a tam hi ka mu a.

EZEKIEL 47:8

Amah chun ka kawmah, “Zie tui suohlam gam lama luong hi Arabah gama luong lut ding ahi. Tuipi Thi ah luong lut intin, tichun, Tuipi tui-al chuh, tui thieng suok sak ina.