PAWTDAWKNA 15:20 - PATHIEN LEKHABU THIENGTHO (BSI)

²⁰ Thiemgau Miriam, Aron suohpihnu chun khuongneu a chawi a; chun numei chengcheng inle khuongneu chawi a, lâm in a zui dawk u a.

PAWTDAWKNA 15:20 ပူးပေါင်းရင်းမြစ်များ

SAM LEHKHABU THE PSALMS 150:4

Khuongcha leh lam in amah chuh pakchau unla: Kingkang chichuom chuom leh châmngai in amah chuh pakchau un.

1 SAMUEL 18:6

Chun, hiti hi ahi a, Philistia pa that a David a hungkit nunga In zuona a hung phetin Israel khuo chengah numei haw chu la sa leh lam kawmin khuongneu leh thil githei haw keng in leng Saul muok dingin ahung pawt u a.

SAM LEHKHABU THE PSALMS 68:25

Lasa pawlte chun ma a pui u a, a nung achun gihawih tumte’n a zui u a, a kikal achun nungak khuongbengte chu a um u a;

VAIHAWMTE 11:34

Chun, Jeptha chuh Mizpah khuo a a In chuh a hung tung ta a, chun, ngaitie, a chanu chun khuongcha tawh kithuoh a lam kawm in a na muok a, a chanu neihsun ahi a, amah tihloh chuh chapa leh chanu dang a nei puoi.

KISIMNA 26:59

Amram zi min chuh Jokebed Levi chanu Aigupta gama Levi hin a hi a, chun, amah chun Amram ah Aron leh Mosi leh a suohpihnu Miriam a hinga.

MIKA 6:4

Aigupta gam apat chun ka hun puidawk a, suok apat in ka hun tandawk a; na mau ah Mosi te, Aron te leh Miriam te, a hun pui dingin ka sawl kha!

SAM LEHKHABU THE PSALMS 149:3

Amin chuh lam in pakchau hen la: Khuongcha leh kingkang tawh a mah pakcha’n lasau hen.

VAIHAWMTE 4:4

Chun, zie lai chun Lapidoth zi Deborah thiemgaunu chuh Israel te chunga vaihawm ahi.

LUKE 2:36

Chun, mi khat amin Anna kiti, thiemgau Phanuel chanu, Aser nam a mi a um a; amah chuh têk tak ahi ta a, a nungak thatin apat a pasal kawmah kum sagih a um a, tuhin kum sawmgiet leh kum li a meithai a.

SAM LEHKHABU THE PSALMS 81:2

Pahchakna la sau unla, khuongneu haw, Kingkang ngaihnawp-um takte, pêkgit haw tawh lasau in.

2 LENGTE 22:14

Khutichun, Hilkiah, Ahikam, Akbor, Shaphan leh Asai te chu thiemgau numei, Hulda kiti dawng ding chun a chieh tau a, amahnu chu Jerusalem a Misne a chêng ahi. (A pasal chu Harhas chapa, Tikvah cha Shallum ahi a, Ho-In a thiempute silhlechen enkawla pang ahi.)

PAWTDAWKNA 2:4

Tichun, a chung ah bang thil ahung tung taphet dem tih het guo’n a suohpihnu chuh gamla deuh ahin a ding a.

NASEPTE 21:9

Amah chun chanu li a nei a, nungak thiengtho ahiu a, Pathien thu a gen sek u a.

SAM LEHKHABU THE PSALMS 68:11

Lalpa’n thu chuh a pie seka Chanchin suoh haw chu pawl lien tak ahiu hi.

SAM LEHKHABU THE PSALMS 30:11

Ka lusûnna chuh kei dingin lâmna na suok sak a; Ka saidippuon chuh nei hâwk sak a, kipahna puon nei silh sak ta a:

2 SAMUEL 6:14

Chun, David chu Lalpa masangah a theihtawp in a lam a, David chun patngatpuon thiempu puonâk a âk a.

1 SAMUEL 10:5

Zie zawh chuleh Philistia sepaihte panmun Pathien tâng chu va tungin na tin; chun hiti hi hi’n tin, zie a khuo chu na va tun tieng thiemgau haw pekgit, khuong leh kingkang tumte leh châmngai mûtte’n amau pui in mun sang apat hung kizawt suk kituokpih in na tin: chun, amau chun thu genlawk sausau in au:

VAIHAWMTE 21:21

Khutichun, a na en unla, chun, ngaitiem u, Shiloh khuo a nungak haw chuh lam dinga a hung tieng u leh, grep huon apat chun hung pawt unla, Shiloh nungak haw chuh na zi dingun man unla, Benjamin gam achun kipuih un.

KISIMNA 20:1

Chun, Israel chate, kikhawmkhawmte chengcheng chuh, tha khat na achun Zin thalek a tung u a; chun mipite chun Kadesh ah giehmun a guonggalh u a; zie tak achun Miriam chuh a thi a, a vui tau hi.

1 KORINTH 11:5

Himahlele, numei, lukhuk khu lo a paucham ahim, thugen ahim chun, a luchang chuh a hih muolpho ahi; met muih tawh kibang ahi ngâl a.

2 SAMUEL 6:16

Chun, hiti hi ahi a, Thuthun bawm David khuo a a lut lai chun Saul chanu Mikal chun tukvan apat in a na en a, Lalpa masanga David chawm leh lam chu a vak mu a, a lunggil in a na musit ta a.

2 SAMUEL 6:5

Chun, David leh Israel mi chengcheng chun Lalpa masang achun thil gi thei chichuom chuom, châk thinga siemte leh kingkangte, pekgitte, khuongneu te, pengkun bi neite, dakkhutbet te tumin a lam u a la a sau a.

1 KORINTH 14:34

Sapchuom haw kikhawpna achun, numei chuh thipkêi in um u hen; Judate Dan lehkhabu’n a gen guol khan, a thugen dinguh phal ahi puoi; thu zawp in um zawu hen.

KISIMNA 12:1

Aron leh Miriam chun, Mosi’n Kush numei, zi a a neih ziekin a gensieu a.

THILSIEMBUL 31:27

Bang zieka gûk a taimang a, nei kilep san ahi? Kipahna tawh, la haw tawh, khuong haw tawh, kingkang haw tawh ka hun thak theihna dinga bang a ti a nei hilh loh hiel ahi?

2 SAMUEL 1:20

Gath achun gen kiu inla, Ashkelon kawtthêlhaw achun puong kiu in; Khutilochun Philistia chanute kipâk untin, zektan loh chanute nuomsa’n kiko kha’n au.

1 KHANGTHUBU 6:3

Amram chapate chuh: Aron leh Mosi ahiu a; chanu Miriam tawh a nei hi. Aron in chapa li a nei a: Nadab, Abihu, Eleazar leh Ithamar ahiu.

1 KHANGTHUBU 15:16

Tichun, David in, Levi te lawiupa haw chu, Levi te laka lasa thiemte, thil gihawih tumte, kingkang te, dâk khutbette tawh, ngeihtak a lasa dingte guot dingin thu a pie a.

THUGENPA 3:4

Kah hun a um a, nuih hun a um, lusûn hun a um a, lam hun a um hi,

JEREMIA 31:4

Hun tung ding thak kit ing ka ting, tichun, tundin a um ding na hi. Aw Israel, nungak thiengtho khuong neu haw chun kivan kit in na tin lawp a lâmna mun haw achun tel inla!

KISIMNA 12:2

Amau chun, “Mosi kawm mai ahin ahim Lalpa’n thu a gen chuom? eihaw kawm ahin le a gen tho hilo ahim,” a tiu a. Zie chuh Lalpa’n a na he ta a.

NEHEMIA 6:14

“Aw ka Pathien, Tobia leh Sanballat hi a thilhih bang zel u hin vaihawm sak in, thiemgau numei Noadiah leh thiemgau dang ei suklauhthawng guo chengcheng te tawh,” tin ka paucham a.

SAM LEHKHABU THE PSALMS 68:26

Mipi kikhawm haw lak achun Pathien pakchau inla, Israel tuinak a pawtte haw, Lalpa ngêi chu pakchau in.