PAWTDAWKNA 15:2 - PATHIEN LEKHABU THIENGTHO (BSI)

² Lalpa chuh ka hatna leh la ahi, Amah chuh ka hukdamna le a hung hii; Ka Pathien ahi a, amah chuh pakcha’ng ka. Amah chuh chawisâng ing ka.

PAWTDAWKNA 15:2 ပူးပေါင်းရင်းမြစ်များ

ISAI 12:2

Ngaitie, Pathien chuh ka hukdamna ahi a, Amah taksang ing ka ting, lau puo’ng ka. Jehovah chuh ka hatna leh ka thilhih theihna ahi a, amah chuh ka hukdamna ahung hi tai, ti’n ahi.

SAM LEHKHABU THE PSALMS 118:14

Lalpa chuh ka hatna leh ka la ahi; Amah chuh ka hukdamna a hung hii.

SAM LEHKHABU THE PSALMS 18:46

Lalpa chuh a hing zing hi; ka suongpi chuh pahchak in um hen. Ka hukdamna Pathien chuh chawihsân in um hen:

SAM LEHKHABU THE PSALMS 59:17

Aw ka hatna, na kawmah pahchakna la sa’ng ka: Pathien chuh ka kulh insang, ka chunga zaidawh Pathien na hi ngâl a.

ISAI 25:1

Aw Lalpa, nang chuh ka Pathien na hi a; Hun limbawl ing ka ting, na min pakcha’ng ka. Thilmak tak, malai pek a na guonggalhte chuh ginum takin na hih ta ngâla.

SAM LEHKHABU THE PSALMS 140:7

Aw Pathien, ka Lalpa, ka Hukdampa hât, Nang chun kido ni achun ka luchang nei khuh sek a.

SAM LEHKHABU THE PSALMS 99:9

Lalpa I Pathien u chuh pakchau unla, A tâng thiengtho a chun ho un: Lalpa I Pathien u chuh a thiengtho ngâla.

THUPHUON 15:3

Pathien sawntawlawi Mosi la leh Belamno la: “Aw Lalpa Pathien, Bangkim hihthei, Na thilhihte chuh a lopi in, a mak a; Nang, namtin Lalpen, Na lampi chuh a diktat in, a dik ngâl a!

PHILIPPI 2:11

tichun, Pa Pathien lopina dingin, Isu Krista chuh Lal ahi, ti’n lei tin chengin phuong chiet un au.

SAM LEHKHABU THE PSALMS 118:28

Nang chuh ka Pathien na hi a, kipahthu hun hilh ing ka ting: Ka Pathien na hi a, hun limbawl ing ka.

SAM LEHKHABU THE PSALMS 99:5

Lalpa ka Pathien u chuh chawiân unla, A keng bula chun chibai bûk un: Amah chuh thiengtho ahi.

SAM LEHKHABU THE PSALMS 34:3

Aw, Lalpa chuh ei pahchak pih unla, A min chuh pakcha chiet hitiu.

DAN NIHNA 10:21

Amah chuh na pahchak dinguh ahi a, na mit ngêi u a na muh uh thil thupi tak leh lauh-um tak haw nang u dinga hih na Pathien uh ahi.

PAWTDAWKNA 3:6

“Chun, kei hi na pa Pathien, Abraham Pathien, Isak Pathien, Jakob Pathien chuh ka hi hi,” a ti kit a. Tichun Mosi chun a mai a khuh ta a; Pathien a en ngam puoh ngâla.

2 KORINTH 5:19

Khati a, Pathien in, Krista-ah chun mihing chengcheng hi amah tawh kicham in a siem a, a sukkhelhna hawu chuh, sukkhelhna a san sak lo in, kichamna thu ei piek zawk uh ahi.

NASEPTE 4:12

Mi dang kuomah kawmah hukdamna a um puoi; van khupsin nuoi ah, mihiem sak lak ah, ei hukdam ding min dang himhim a um puoi,” a ti a.

SAM LEHKHABU THE PSALMS 145:1

Aw Lalpen, ka Pathien, hun chawiân ing ka; Na min hi kumlekhuo’n pakcha’ng ka.

2 SAMUEL 22:47

Lalpa chu a hing zing hi; ka suongpi chu pahchak in um hen, Ka hukdamna suongpi, Pathien chu chawih-at in um hen:

PAWTDAWKNA 14:13

Ziephet chun Mosi’n mipite kawm achun, “Lau kiu in, um hiet hiet mai un, Lalpa hukdamna tuni a a hun hih sak ding hih en mai un, tuni a Aigupta mi na muh teu hih kumkhuo’n mu kit ta puo’n lau.

PAWTDAWKNA 4:22

Tichun nangin Pharaoh kawmah, ‘Lalpa chun, Israel hi ka chapa, ka cha lutîl ahi’ a tii, ti a na gen ding ahi.

EPHESI 2:22

Nang haw le, amah tawh kipumkhatna zalin, Thagau a Pathien chênna dinga, mi dangte tawh sak khawm na hi tau hi.

ISAI 49:6

Lalpa’n ka kawmah, “Jakob namte tundin na ding leh Israel chate laka bitna a um kitna dinga suok a ka hun siem hi thil neucha ahi; Jentel te salhvak dingin le hun guot ing ka ting; khutia chuh ka hukdamna hih kâwlmawng tieng ale atun theih na dingin” a ti a.

SAM LEHKHABU THE PSALMS 109:1

Aw ka pahchak Pathien, thipkêi ki’n la;

SAM LEHKHABU THE PSALMS 27:1

Lalpa chuh ka vak leh ka hukdamna ahi; kuo ahi ka kihchak ding? Lalpa chuh ka hinna insang ahi; kuo ahi ka lauh ding?

PAWTDAWKNA 40:34

Tichun, kikhawp khâwmna puon-In chuh meipi’n a hun tuom mepmup mai ta a, tichun, hobuk chuh Lalpa lopina’n a hung dim ta a.

THUPHUON 19:1

Ziehaw cheng zawh chun, van ah mipi nasa tak aw tawbang ngêi ngêi hin, “Halleluia, hukdamna le, lopina le, thilhih theihna le I Pathien uh a ahi!

PHILIPPI 4:13

Ei suhatpenpa achun thil bang cheng ka hih thei ahi.

JOHAN 5:23

Tia chuh mi cheng chengin Pa a zah guol u a, Chapa le a zahna dingun. Kuole, Chapa zahlo chuh. Pa, a sawlpa chule zahlo ahi.

JOHAN 4:22

Nang un na het loh uh na chibai sek ui, kei hawn vang ka het u chuh ka chibai sek ui; hukdamna chuh Judate kawm apat hung tung ding a hi ngâl a.

LUKE 2:30

Na hukdamna, mitin muh a na siem khah,

LUKE 1:77

I Pathien uh lunggil a lungsietna vangin, A gitloh nau ngaihdamna’n;

ZEKARIA 13:9

Tichun, amun thumna te chuh mei ah patep ing ka ting; dangkaguo sukthientho bangin amau hih thiengtho ing ka ting. Sana patep a um bangin amau chuh enchien ing ka. Zie tieng chuleh kei kawmah paucham untin, amau haw ngaitha’ng ka. Chun, amau chuh ka mite ahiu, ti’ng ka ting, amau haw chun, Lalpa chuh ka Pathien uh ahi, ti’n au,” tih hi Lalpa kamsuok ahi.

JEREMIA 32:38

Chun, ka mite hiu untin, kei a Pathien uh hing ka ting,

JEREMIA 31:33

Chun, ziehaw zawh nunga Israel inkawte tawh thugawlh thak ka siem ding chuh ziehi ahi, Lalpa’n a tii: A lunggil u ah ka thupiek kawih ing ka ting, a lunggil uh a le zik ing ka. Kei hi a Pathien uh hi’ng ka ting, amau haw chuh ka mite hita’n au.

JEREMIA 3:23

Tang haw apat a hukdamna kinep chuh a thâwn ahi a, tâng chunga thawm gi hum hum te haw chuh. A diktakin Israel hukdamna chuh Lalpa I Pathien u a um ahi.

ISAI 66:1

Lalpa chun, “Van ka chutphah ahi a, lei ka keng ngakna ahi: In bang tawbang a nei sak sak dinguh? Ka chawlhna mun ding chuh khawitak ahi?

ISAI 45:17

Himahleh, Israel chuh Lalpa’n a hukdam a, a zawhna chuh kumlekhuo’n um in tin; a mite chuh muolpho in um ngei puo’n au,” ti’n.

SAM LEHKHABU THE PSALMS 132:5

Lalpa mun ding ka hawldawk masang sieh chuh, Jakob Pathien hât In ding chuh,” ti’n.

SAM LEHKHABU THE PSALMS 68:20

Pathien chuh ei u dingin Tandawkpa Pathien ahi a; Thihna apat a suohchak na chuh Lalpa, JEHOVAH ahi.

SAM LEHKHABU THE PSALMS 30:1

Aw Lalpa, hun chawiân ka, nang nei kaidawk a, Ei do te chuh nei diliem sak loh ziekin.

SAM LEHKHABU THE PSALMS 28:8

Lalpa chuh a mite hatna ahi a, Sathau nuh a umpa ding chun hukdamna kulhsang ahi.

SAM LEHKHABU THE PSALMS 22:10

Sûl apat mawng inle nangmah chunga ngak ka na hi a: Ka nu sunga pat mawng inle nang chuh ka Pathien na hi.

SAM LEHKHABU THE PSALMS 22:3

Himahlele, aw nang Israel te pahchakna a cheng sek, Nang vang na thiengtho hi.

1 LENGTE 8:27

“Himahlele, Pathien chu lei ahin a cheng taktak thei ding a ahim? Ngaitie, van leh vante van inle nang a hun dawl puoh a; zie ka In sak hi bangti tiengin a neu ta dem!

1 LENGTE 8:13

Na chênna dingin In khat ka hun sak sak ta a, kumkhuo a na umna ding leh na chênna ding mun ngêi chuh,” a ti a.

2 SAMUEL 22:51

Amah chu lengpa a dingin hukdamna In sang ahi a: A thau nuh chungah, David leh a suonte chung ngêi achun, kumlekhuo’n a lungsietna hihlang ina, a ti a.

2 SAMUEL 7:5

“Ka suok David chu va hilh in, Lalpa chun hiti hin a tii, ‘Ka umna ding nangin nei sak sak dinga ahim?

THILSIEMBUL 17:7

“Chun, kei leh nang leh na nunga na suonte leh a suonteu chanin le ka thugawlh hi, nang ding leh na nunga na suonte dingin, a Pathien uh hi dingin kumkhuo a thugawlh dingin sudet ing ka.

KOLOSSA 2:9

Pathien hihna bukim chuh Krista mihinna achun a um ngâl a.

THILSIEMBUL 49:18

“Aw Lalpa, na hukdamna chuh ka ngak zing hi.

VAIHAWMTE 5:21

Kishon lui luong zel chun; Aw ka hinna, hattak in chieh zelin,

SAM LEHKHABU THE PSALMS 48:14

Zie hi Pathien ahi a, kumlekhuo a I Pathien uh ahi ngâla: Thih tieng nasana ei puipa hi’n a, tih na hilh theih na dingun.

HABAKKUK 3:13

Na mite hukdam dingin na pawtdawk a, na thau nuh lengte hukdawk dingin. Minunsiete luchang chuh na sunel a, a nungzuite pum in na sumangthai vek ta a. Selah

PAWTDAWKNA 6:7

Chun, ka mi dingin nanguh hun nei ing ka ting, nang uh dingin na Pathien uh hi’ng ka. Tichun kei hih Jehovah na Pathien uh, Aigupta suok a pata hun puidawkpa ka hi tih he’n lau.

2 SAMUEL 7:24

Khutichun na mi Israel te chu kumlekhuo a na mi a hung hihtheihna dingun nanga dingin na hihdet ta a; chun, Lalpa, nang chu a Pathien uh na hung hita a.

2 SAMUEL 22:3

Ka suongpi Pathien, amah chu gingcha’ng ka; ka phaw leh ka hukdamna ki, ka insang leh ka kihumbitna ahi; ka hukdampa, nangin kipawngnawhna lak apat nei hukdawk sek a.

1 KHANGTHUBU 16:14

Amah chu Lalpa I Pathien uh ahi a; A thupiek chu leichung cheng chenga ding ahi.

SAM LEHKHABU THE PSALMS 118:21

A kawmah kipahthu gen ing ka, Nang in nei dâwn ziekin, Nang chuh ka hukdampa na na hi a.