PAWTDAWKNA 15:15 - PATHIEN LEKHABU THIENGTHO (BSI)

¹⁵ Tichun Edom gama lawiupa haw chun mak a sa mah mah u a, Moab mihat haw chuh lînglauhna’n a hun man ta a; Kanaan gama um chengcheng chuh a tui zo tau a.

PAWTDAWKNA 15:15 ပူးပေါင်းရင်းမြစ်များ

JOSHUA 5:1

Chun, hiti hi ahi a, Jordan lui gal tumlam a um Amor lengte chengcheng leh tuipi panga um Kanaan te lengte chengcheng chun a kaih macheng u chun Lalpa’n Jordan tui haw chuh Israel chate masang achun a hihkang hi tih a na het un, Israel chate ziek chun a lunggilteu a tui zo ta a, lungkie lo himhim a um ta puou hi.

JOSHUA 2:11

Zie thu haw chuh ka na zak phet un ka lunggilteu chuh lauhna’n a dim zo ta a, nang haw ziek hin taisie lo mawngmawng a um puou; Lalpa na Pathien u chuh chunglam van leh nuoi lam lei a Pathien ahi ngâl a.

JOSHUA 2:9

Amau kawm achun, “Zie gam hi Lalpa’n a hun piek uh ahi ta a, na lauh-um nau hin ei delh khum ta a, zie gama chengcheng te hi na masang u ah a tui zo tau hi tih ka hêi.

DAN NIHNA 2:4

Mipite chuh, ‘Seir tânga um, Esau suonte, na suohpihteu, gam chuh hawhpai ding na hiu a; amau chun hun na lau intin un; zieziekchun, na chittheih ten dinguh ahi;

THILSIEMBUL 36:40

Ziehaw hi a Inkuon bang zel leh a chênna mun uh bang zel leh, amin uh bang zel in Esau suona lawiupate min chuh ahi; Timna, Alvah, Jetheth,

HABAKKUK 3:7

Kushan gama mite chuh gimtheih thuokin ka mu a, Midian gama mite chuh a kithing u a.

NAHUM 2:10

Ninevi chuh suksiet leh nutsieh ahi a, a hawmngawn ahi ta ngâl a. Lauhna’n lungthim a tuitha zo ta a; khûpte kithing in, kâwng a tha hatna a bei zo ta a; a mai uh a dângtha zo tai.

EZEKIEL 21:7

‘Bang zieka khuti mau na hi?’ a hun tih tieng u leh, ‘Chanchin ziekin; zie chuh a hung tun tieng leh lunggil chengcheng chuh lauhna’n dim ta’n tin, khut chengcheng chuh zawitha ta’n tin, ngaihtuohna chengcheng chuh chauzo ta’n tin, khûp chengcheng chuh tui bang mai in zawi zo ta’n a; ngaitie, a hung hi, hung tung ding ahi, Lalpa Pathien chun a tii’, ti’n,” a ti a.

ISAI 19:1

Aigupta gam puokgik chuh! Ngaitiem u, Lalpa chuh meipi hattak chunga chuong in, Aigupta gam a hungtung tai; Aigupta te milim pathien chuh a masang achun kithing lun lun untin, Aigupta mite lunggil chuh a sung u ah tuimang zo ina.

ISAI 13:7

Zieziekchun, khut chengcheng hung zawi tha’n tin, mihing lunggil cheng le hung tui ina.

SAM LEHKHABU THE PSALMS 68:2

Meikhu hi tawhmang a a um bangin, amau haw chu tawkmang in: Khuoilu mei lum a a tuithak guol in, Minunsiete chu Pathien masangah tui mang u hen.

2 SAMUEL 17:10

Tichun mi hangsan, sakeibaknei lung bang pu hiel le hung chautha mai untin; Israel mi chengcheng chun la na pa chu sepaih hâng tak ahih leh a kawma umte chu kido thiem tak tak ahih u chu a he suok kêi ngâl u a.

1 SAMUEL 14:16

Chun, Benjamin gama Gibeah a Saul sepaih gâlvengte chun a vak gâl et u leh, ngaitie, mipite chu kibawhpai lem lum khawp in lehlam lehlam ah a taizak gui gui mai tau a.

JOSHUA 14:8

Himahleh, ka suohpih ka kitawnpihte khan mipite lunggil a su lauthawng u a; kei chun chuh Lalpa ka Pathien chuh ka lunggil pumpi’n ka zui a.

JOSHUA 2:24

Chun, Joshua kawm achun, “Lalpa’n a gam pumpi chuh I khut u ah a pie kêi nai; zie mai chuh ahi puoh a, zie gam a chêngte chengcheng chun ei lau in I masang u ah a tuitha zo tau hi,” a tiu a.

DAN NIHNA 20:8

“Lawiupate chun mipite kawm achun, ‘A lau leh a lungkie na um u? A In lam ah chieh kit hen a unaute le a lungkiek lohna dingun,’ tih beh nalai u hen.

THILSIEMBUL 36:15

Ziehaw hi Esau chapate laka lawiupate chuh ahiu hi. Esau chapa upapen Eliphaz chun zie chite hi a hun suon hi: Teman, Omar, Zephi, Kenaz,

SAM LEHKHABU THE PSALMS 48:5

A muh phet u chun, mak a sau a; A lungkham u a, a leng mang pai tau a.

JEREMIA 49:23

Damaska thu: Hamath chuh a zakcha tai, Arpad tawh, thu phalo a za ta ngâl u a, a tuimang zo tau a, tuipi kinawk um hiet hiet theilo guol in a kichâwk ui.

THILSIEMBUL 36:16

Korah, Gatam leh Amalek te ahiu a, ziehaw hih Esau zi Adah suonte chuh ahiu hi.

HABAKKUK 3:6

Amah chuh a ding a, lei pumpi chuh a teh tuok a, Chun, a en viel a, namte chuh a nawhzak a; tichun, kumlekhuo a tâng ana umte chuh a thehdalh a, kumsawt apat ana um zing muol leh tângte chuh a tum suk u a; A lampite chuh kumsawt apat ahi.