PAWTDAWKNA 15:11 - PATHIEN LEKHABU THIENGTHO (BSI)

¹¹ “Aw Lalpa, pathien haw lak ahin nang bang hi kuo a um? Thienthona lama lopi leh, Pahchak tâk hihna lama zahum leh, thilmakte hih sek, Nang tawbang kuo a um?

PAWTDAWKNA 15:11 ပူးပေါင်းရင်းမြစ်များ

1 LENGTE 8:23

“Aw Lalpa, Israel Pathien, nang tawbanga a ângsung a a lunggil chengchenga tawiviel zing a suokte dinga a thugawlh guitun saka lungsietna nei zing thei, chunglam van a leh nuoi lam lei ahin Pathien dang mawngmawng a um puoi.

1 SAMUEL 2:2

“Lalpa guola thiengtho khatchale a um puoi; Nang tawbang himhim a um puoi, I Pathien u tawbang suongpi himhim a um puoi.

2 SAMUEL 7:22

Zieziekchun Aw Lalpa Pathien, nang chu na lopi a, ka bil u a ka zak dân un nang tawbang himhim a um puou a, Nangmah lo ngâl Pathien dang himhim le a um puou hi.

THUPHUON 4:8

Chun, ganhing lite chuh, tha gup nei chiet, a kimvel cheng leh a sung uh mita dim ahiu hi. Chun, “Lalpa Pathien, Bang cheng hihthei, umsa pa leh, um lai tak leh, hung um kit ding pa chuh, A thiengtho ie, A thiengtho ie, A thiengtho ie!” ti’n sun leh zan in a chawlnga kha puou hi.

ISAI 6:3

Sepaihte Lalpa chuh “A Thiengtho ie, A Thiengtho ie, A Thiengtho ie! Lei chung pumpi hi a lopina’n a dim hi,” ti’n a kidâwng tuoh, a kidâwng tuoh u a.

DAN NIHNA 3:24

“Aw Lalpa Pathien, na suok hi na lopina leh na khut hât chuh na muhsak pan ta a; lei leh van a le, na thilhih haw tawbang leh na thilhih thupi tak tawbang hih thei bang pathien a um?

SAM LEHKHABU THE PSALMS 86:8

Aw Pathien, pathien lak ah nang tawbang a um puou hi; Na hih tawbanga hih le a um diek puou hi.

SAM LEHKHABU THE PSALMS 77:14

Nang chuh thilmak haw hih sek Pathien na hi a; Mi cheng lak achun na hat zie na etsak sek a.

THUPHUON 15:4

Aw Lalpa kuo a na min zah lo a, Pakcha lo ding? Nang mai a Thiengtho na hii; Na thilhih diktatte chuh a kiphuon tâk ziekin, Namtin cheng chuh hung in, Nang hun ho un au,” tih hi a sau a.

ISAI 40:25

Pathien Thiengtho chuh kuo tawh ahim, tehkal theih ding? Amah bang hi kuo a um?

DAN NIHNA 33:26

“Aw Jeshurun Pathien tawbang khat le a um puoi, A hun panpih dinga van a chuonga, A thupi na a meipi chunga chuong chuh!

SAM LEHKHABU THE PSALMS 77:19

Na lampi chu tuisuohgiet ah a um a, Na chieh na lampi chu tuilien tak ah a um a. Hilele, na niek nung chale het ahi puoi.

ISAI 40:18

Aleh, Pathien chuh kuo tawh na tehkal ta dingu? a hihloh leh, bang tawbang lim tawh na tehkal ding u?

SAM LEHKHABU THE PSALMS 35:10

Ka guh chengcheng hin, “Lalpa, nang tawbang kuo a um? Nangin mi gimtheite chuh amau sanga hatzaw apat na humbit a, Ahi, mi gimthei leh mi chagah chuh a susiepa apat na humbit a, Nang tawbang kuo a um?” ti’n a.

PAWTDAWKNA 8:10

Chun, amah chun, “Zing a ding in hi hen,” a ti a. Mosi chun, “Na thu bang chun hi hen; tichun Lalpa ka Pathien uh tawbang himhim hi kuomah a um puoi tih he’n la,

SAM LEHKHABU THE PSALMS 66:5

Hung un la, Pathien thilhih haw hi en tiem u; Mihiem chate chunga a thilhih hi a lauh um ahi.

JEREMIA 49:19

Ngaitiem u, Jordan gammâng apat a sakeibaknei, gancha tat na mun haw ah hung to intin; amau haw chuh a lak u apat in delhmang sak ing ka ting; a chung u a thunei dingin ka nawp taphawt guot ing ka; kei tawbang hi kuo a um: Kuo a hunbi ei guot sak ding? Belam pu ka masanga ding ding chuh kuo ahi?

ISAI 57:15

“Chungnung pên Pathien lopi, chawihsân a um, kumlekhuo a hing zing Amin Thiengtho kiti chun hiti hin a gen hi: ‘Mun sang leh Mun Thiengtho achun ka chênga, kingainiemte leh lunggil kisik vulvul te hihhalh ding leh lungthim thasie te chuh suhalh dingin.’

SAM LEHKHABU THE PSALMS 145:17

Lalpa chuh a lampi chengcheng ah a diktat a, A thilhih na chengah mi lungsiet thei tak ahi.

JEREMIA 10:16

Jakob chanvo vang khutibang chuh ahi puoi. Amah chuh thil chengcheng bulpi ahi ngâla. Israel hi a goluoh nam ahi a, A min chuh Sepaihte Lalpa ahi.

SAM LEHKHABU THE PSALMS 119:120

Ka phehlevo hi nangmah kihcha’n a kilîng a; Na vaihawmna chu ka lau ngâl a.

LUKE 12:5

Amahvang chuh, na lauh ding pên u chuh hun hilhkhawl ing ka: a thah nung ale, gawtmun a paih lut theihna ding thuneihna neipa chuh lau un, ka hilh na hiu hi, amah chuh na lauh dinguh ahi.

SAM LEHKHABU THE PSALMS 90:11

Kuo a na lungnatna thilhih theih zie ngaihtuoh a, Nangmah kihchak ding dân banga na lungnat na chu he thei ding?

THIEMPUDANTE 19:2

“Israel mipi, kikhawmkhawmte chuh hopih inla, a kawm u ah, ‘Na thientho dinguh ahi; Kei Lalpa na Pathien u hi ka thiengtho ngâl a.

ISAI 30:11

Lampi hilo ah chieh un, lam sik ah pet un. Israel Mi thiengtho thu ka ngaitha nuom puou ui,” ti sekte ahi ngâl u a.

SAM LEHKHABU THE PSALMS 89:18

Ka phawu hi Lalpa a ahi ngâla; Ka Lal u hi Israel Mi Thiengtho ahi!

THUPHUON 13:4

Chun, dragon chun sahang kawma a thuneihna a piek ziek chun, dragon chuh mi chengcheng chun Pathien bangin a ho tau a. “Sahang tawbang hi kuo a um? Kuo a do thei ding?” ti’n, sahang chule a ho uh a.

PAWTDAWKNA 3:20

Tichun ka khut zak ing ka ting, Aigupta te chunga thil lauh-um ka hih ding chengcheng chun gawt ing ka, zie tieng chuleh vang hun pawtsak ta’n a.

PAWTDAWKNA 9:14

Tuchung hin vang nang leh na suokte chung leh, na mite chung ahin hi chitin lênsak ding ka hi; tichun, leichung pumpi ahin Kei tawbang kuomah a um puoi tih hun he’n la.

PAWTDAWKNA 18:11

Tuhin chuh Lalpa chuh pathien chengcheng sangin a lopi zawi tih ka he tai; Aigupta te’n simmawh taka a bawlna tâk u ah Amah chuh a chung u a um ahi,” a ti a.

PAWTDAWKNA 20:3

“Kei lo chuh Pathien dang himhim na neih ding uh ahi puoi.

2 KHANGTHUBU 2:5

Ka temple sak guot hi lopi tak ahi a, I Pathien u hi Pathien dang chengcheng sang a lopi zaw ahi.

2 KHANGTHUBU 6:14

“Aw Lalpa, Israel te Pathien, lei leh van ah nangmah bang him Pathien a um puoi, a lunggil chengcheng u a na lampi hawh na suokte chung a chun thuthun guitun sak in, na hehpih sek a;

SAM LEHKHABU THE PSALMS 22:23

Lalpa kih chate haw, a mah chuh pakchau in; Jakob suonte haw, a mah chuh limbawl un; Israel suon chengcheng te haw a masang achun lau kawm in dingun.

SAM LEHKHABU THE PSALMS 113:5

Lalpa ka Pathien uh tawbang kuo a um? Chunglama lalchutphah ah a chu a,

SAM LEHKHABU THE PSALMS 136:4

Amah mai a thilmak lopi tak hih sek pa kawm achun: A zahngaihna chuh kumlekhuo a um ding ahi ngâl a.

MIKA 7:18

Aw Lalpa, nang tawbang Pathien, a goluoh ding a mite, a suokcha sunte gitlohna ngaidam leh a sukkhelhnau subei dang a um puoi. A lungnat na chu kumlekhuo’n a vawp zing puoh a, zahngaihna chuh a kipahpih lam tak ahih ziekin.

PAWTDAWKNA 8:6

Khutichun, Aron chun Aigupta gama lui chunghaw achun a khut a zak a; tichun ukeng haw chuh a hung pawt u a, Aigupta gam a dâp suok tau a.

DAN NIHNA 1:30

Na makai uh Lalpa na Pathien u chun na mitmuh ngêi u a Aigupta gama a hih guol mah khan hun dopih intin,

DAN NIHNA 4:34

Ahihloh leh, Lalpa na Pathien un Aigupta gama na mitmuh ngêi u a a hih guola patepnate, thilmakte manga nam dang lak apat amah dinga nam khat puihdawk guo pathien a um kha mawng mawng em?

1 KHANGTHUBU 16:25

Lalpa chu a lopi a, nasa taka pahchak tâk pên ahi ngâla; pathien chengcheng sanga zah ding ahi.

SAM LEHKHABU THE PSALMS 60:2

Zie gam hi na sulîng a, na khitkek sak ta a; A khitan haw chuh siempha kitin; a kilîng lîng ngâla.

SAM LEHKHABU THE PSALMS 77:11

Lalpa thilhih haw kha hilhchien ing ka ting; Malai pek a na thilmak haw kha ka hetzing ding ziekin.

SAM LEHKHABU THE PSALMS 86:10

Nang chuh na lopi a, thilmak le na hih ngâla; Nang maicha hi Pathien na hi.

ISAI 46:9

Tuma lama thil ana umsa te kha hezing unla, Kei hi Pathien ka hi a, Kei tawbang hi kuomah a um puoi.