PAWTDAWKNA 14:26 - PATHIEN LEKHABU THIENGTHO (BSI)

²⁶ Lalpa’n Mosi kawmah, “Aigupta mite, a kangtalai teu, a sakawl chung chuong miteu chuh tui in a hun chup kit theihna dingin tuipi chungah na khut kha vak zak in,” a ti a.

PAWTDAWKNA 14:26 ပူးပေါင်းရင်းမြစ်များ

PAWTDAWKNA 14:16

Himahleh, nangin na tiengkhut kha hun chawi inla, chun, tuipi chungah na tiengkhut dawm inla, tui chuh hung kikhen u hen; tichun, Israel suonte chuh tuipi sunga lei hul ah chieh in au.

PAWTDAWKNA 8:5

Chun, Lalpa’n Mosi a hopih a, “Aron kawmah, ‘Na tiengkhut kha luipi chunghaw leh luicha leh tui lampi chung leh dîl chunghaw ah na khut in lam inla Aigupta gamsung ahin ukeng hun um sak hen,’ ti’n,” a ti a.

JAKOB 2:13

Mi chunga zahngaihna tel lo a hihte chuh, zahngaihna tel lo a vaihawm sak in um ina; himahleh, zahngaihna chuh vaihawmna chung achun a guolzo sek hi.

MATTHAI 8:27

Tichun, mihaw chun mak a sau a, “Zie pa hi bang tawbang mi a hi die! Huih leh dîl nasan inle a thu a ngaih u hi?” a tiu a.

MATTHAI 7:2

Na awihmawh guol mah un hun awimawh ding ahiu a, na tehna mah u a hun teh sakkit ding ahiu hi.

PAWTDAWKNA 7:19

Chun, Lalpa’n Mosi a hopih a, “Aron kawmah hiti hin gen in, Na tiengkhut chawi inla, Aigupta gama tui chunghaw ah, a dîl chunghawu ah, a tuikulhaw chung achun thisan a hung suok vek theih na dingin na tiengkhut kha tungdawk in; tichun Aigupta gamsung cheng chuh thisan in dim in tin, thing leh suong a kisiem kuong haw chule thisan in dim vek ina,” hun tih, a ti a.

PAWTDAWKNA 1:22

Ziephet chun Pharao’n, “Pasal naupang hung pieng taphawt chuh Nile luipi ah paih un la, numei taphawt chuh na hinghawih dinguh ahi,” ti’n a mite chengcheng chuh thu a pie ta a.

THUPHUON 16:6

Amau haw chun mi thiengthote leh thiemgaute thisan kha a na suoh uh a, nangin thisan dâwn dinga na piek thuk hi, dâwn tak him ahiu ie!” a tih uh ka za a.

ISAI 11:16

Tichun, Aigupta gam apat a a chieh toh niu a, Israel te dinga lamlien a na um bang khan, a mite a suokcha sunte ding chun, Asuria gam apat in lamlien hung um ina.

PAWTDAWKNA 15:1

Khutichun, Mosi leh Israel chate chun Lalpa pakcha’n zie la hi a sau a: “Lalpa pakcha’n la sa’ng ka, nasa takin a zo ta ngâl a. Sakawl leh a chungchuong chuh tuipi ah a paih tha ta a.

PAWTDAWKNA 15:4

“Pharaoh kangtalai leh a sepaihte chu tuipi ah a paih tha ta a, chun, a sepaih lawiupa telchuom haw le Tuipi San ah a tummang zo tau hi;