PAWTDAWKNA 14:22 - PATHIEN LEKHABU THIENGTHO (BSI)

²² Chun, Israel chate chuh tuipi sung lei hul achun a chieh tau a; tui haw chuh a changlam pang u leh a veilam pang u achun a mau dingin bâng ahi ta mai a.

PAWTDAWKNA 14:22 ပူးပေါင်းရင်းမြစ်များ

HEBRAI 11:29

Taksanna ziekin, tuol nam a chieh bangin, Tuisuohgiet San akhan a chieh kai uh a; Aigupta te’n le zie chuh hih a guou a, himahleh, tui chun amau haw chuh a chup mang suok ta a.

SAM LEHKHABU THE PSALMS 66:6

Amah chun tuisuohgiet kha lei gaw a suok sak a: Luipi kha keng in a chieh kai u a, Zie tak a chun amah ah I kipâk u a.

SAM LEHKHABU THE PSALMS 78:13

Tuisuohgiet chuh a hih khen phawk a, amau haw a galkaih sak a, Tui haw chuh bangkhat kawihkhâwm bangin a din sak met mût a.

PAWTDAWKNA 15:19

Pharaoh sakawlte leh a kangtalai teu chuh a chunga chuong mite chu tawh tuipi a lut lai u chun Lalpa’n a chung u ah tuipi tui haw chuh a luon mat sak kit ta a; Israel chate chu vang tuipi sung a lei hul achun a chieh kai vek u a.

PAWTDAWKNA 14:29

Israel chate vang chuh tuipi sung lei hul achun a chieh vek tau a; chun, tui haw chuh a changlam pang u leh, a veilam pang u a chun amau dingin bâng ahi ta a.

1 KORINTH 10:1

Suohpihte, ziehi na hetzing uh ka nuom hi: Mosi puihna nuoia, ei uh ei suonte chunga thiltung chengcheng khah. A bawn un, meipi puihna nuoi ah a um u a, chun, a bawnu a, Tuipi San bit taka a kaih suok kêi na thuu khah.

ISAI 63:13

“A kisuih loh na ding u a tui thuk taka, thalek a sakawl puih banga amau haw puipa kha khawi tak a um?

NEHEMIA 9:11

Chun, a masang u ah Tuipi San na zêp khen a; tichun, tuisuohgiet sung achun leichak na hawh saka na puikai a. Tichun, amau delhzuite chuh tui thuk tak a suong paih lut bangin na paih lut a.

PAWTDAWKNA 15:8

Na naka hu’n tui haw chuh a hung kiting a, Tui haw chuh bangkhat kawih kawm bang mai in a ding viehvuoh a. Tuipi sunglam tak a tui haw chuh a hung khal zo ta a.

KISIMNA 33:8

Pi-hahiroth apat a pawt kit u a, Tuipi San a hawhpai u a, Shur thalek ah a lut u a: ni thum lam ah a chieh u a, Marah ah a giek u a.

ZEKARIA 2:5

Tichun, Kei hi a kimvel ah mei kulh hi’ng ka ting, a sung achun lopi taka cheng ding ka hi ngâl a,” Lalpa’n a tii.

JOSHUA 3:17

Chun, Israel te chengcheng chun lei hul chung a hawh u a, mipite chengcheng chuh Jordan lui a kaih suok macheng u chun, Lalpa thugawlh bawm zawn thiempute chuh Jordan lui lailung tak a chun a ding zing tau a.

JOSHUA 4:22

‘Israel te chun Jordan lui hi leichak ah a chieh kai uh ahi,’ ti a na suonteu chuh na hun hetsak dinguh ahi.

1 SAMUEL 25:16

belam chinga a kawm u a ka um sung cheng u khan sun leh zan in kei u dingin kulh ahi mai ui.

2 LENGTE 2:8

Chun, Elija chun a puon chu a laa, a tu lawm a, tui chu a vak khên a, tichun, lehlam lehlam ah a kikhen ta a, tichun, Elisha chu tawh leichak ah a chieh kai tau a.

SAM LEHKHABU THE PSALMS 74:15

Nangin tuinak leh tuilien te nak ding na sukvan saka: Nangin lui lienpi te chu na hihkang a.

SAM LEHKHABU THE PSALMS 136:14

A lai taka Israel haw kaih sakpa kawm achun: A zahngaihna chuh kumlekhuo a um ding ahi ngâl a.

ISAI 43:16

Tuipi ah lamlien a siem a, tui hat lak a lampite gawlh pa chun hiti hin a tii,

ISAI 63:12

Mosi manga thilhih theihna a thil lopitak hih sek Lalpa kha khawia um a hi ta’m? Kumlekhuo a a min sulopi dinga tuipi zêp khen a, a mite tui thuk tak a pui galkai pa kha khawitaka um a hi ta’m?”

JOSHUA 3:16

saklam apat a tui hung luong suk lai chuh a châwl ta a, gamla taka Zarethan panga Adam khawpi achun a kiting khawm viehvuoh zieng a; chun, Arabah Tuipi, Tuipi Al lama luong suk lai chuh a châwl ta a.

2 LENGTE 2:14

Chun, Elija puon hung ketha a lâk chun tui chu a vak zêp a, “Lalpa, Elija Pathien chu khawitak ah a um hi?” a ti a. Tui chu a vak zêp kit leh, tui chu aleh lam gel achun a hung kikhen ta a, Elisha chu a chieh gâlkai ta a.

SAM LEHKHABU THE PSALMS 106:9

Tuipi San chuh a hilhgaih a, tichun a hung kang ta a: Khutichun amau haw chu thaleka a puih kaih tawbang in tui thuk tak a chun a puikai ta a.

SAM LEHKHABU THE PSALMS 136:13

Tuipi San hih khen phawk pa kawm achun: A zahngaihna chuh kumlekhuo a um ding ahi ngâl a.

ISAI 11:15

Tichun, Lalpa chun Aigupta Tuisuohgiet ningkawite chuh hihsie vek intin; Euphrates luipi chule a huih lum peppup chun hih kang ina. Luicha sagih suoh theih khawp in zêp intin, mite chuh kêngpêk le chek lo in chieh kaih sak ina.

ISAI 11:16

Tichun, Aigupta gam apat a a chieh toh niu a, Israel te dinga lamlien a na um bang khan, a mite a suokcha sunte ding chun, Asuria gam apat in lamlien hung um ina.

ISAI 51:10

Tuisuohgiet thuk tak leh lien takte hih kang a, Hukdam sate chieh galkaihna dinga, tui laka lampi siempa kha nang hilo na hi?