PAWTDAWKNA 14:19 - PATHIEN LEKHABU THIENGTHO (BSI)

¹⁹ Khutichun, Pathien vânsâwlchâk, Israel mipite pui sek kha a nung lam u ah a kichawn ta a; meikuong kha a masang lam u apat a kichawn ta a, a nung lam u ah a ding ta a.

PAWTDAWKNA 14:19 ပူးပေါင်းရင်းမြစ်များ

ISAI 63:9

A lungkhamna chengcheng u achun amah chule a lungzîng seka, a masanga um Vânsâwlchâk chun amau chuh a hukdawk seka; a hehpihna leh a zahngaihna chun a tandawk ta a, a masang hun lai cheng khan amau chuh a puoh a, a pawm sek hi.

PAWTDAWKNA 32:34

Himahlele, tuhin chieh inla, chiehna ding ka hun hilhna mun akhan mipite hi va pui phawt in. Ngaitie, ka vânsâwlchâk in na ma pui zel in a, tih hezing in; amahvang chuh, ka hun vehthak ni chuleh a gitlohnau ngêi achun gawt ding ka hi,” a ti a.

KISIMNA 20:16

Tichun Lalpa ka sam u a, ka kiko aw teu chuh a na za a, a van sawlchak a hun sawl a, Aigupta gam apat in ei puidawk a, Tuhin na gam tawppen a Kadesh a hin ka um tau hi,

PAWTDAWKNA 14:24

Khuo a hung vak ding kuon chun, Lalpa’n Aigupta mite chuh meikuong ding leh mei ding achun a vak en a, tichun, Aigupta mite chuh a sulungzing ta a.

PAWTDAWKNA 14:20

Tichun, Aigupta mite leh Israel mite kikal achun a hung um ta a, tichun, meipi chuh a hung um a, a hung thim a, himahleh Israel chate umna chuh a salhvak a; tichun, zankhuo’n kuomah zawk chuh a kizuon tuoh thei puou hi.

SAM LEHKHABU THE PSALMS 77:20

Na mite chuh belam hawn bangin, Mosi leh Aron khut in na pui sek a.

SAM LEHKHABU THE PSALMS 78:53

Bit takin amau haw chuh a pui a; khutichun bang mah a lau puou ui; Himahlele Tuisuohgiet chun a melmateu chu a valh zo ta a.

ISAI 52:12

Kinawh taka chiehdawk ding na hi puou a; taisie a pawt ding le na hi diek puou hi; Lalpa chun na mau pui ding ahi a, chun, Israel Pathien chuh na nung dal uh a pang ding ahi.

ISAI 58:8

“Zie tieng chuleh, na vak chuh zing nino suok bangin hung vak dawk intin, chun, na sukdam na chuh kin takin hung kilang intin. Nang hun hukdam dingin hun umpih zing ka ting, Lalpa lopina chun na masang ah hun veng zing ina.

HOSEA 12:13

Thiemgau mang in Israel chuh Aigupta gam apat in Lalpa’n a puidawk a, thiemgau mah mang in Lalpa’n a hukbit hi.

ZEKARIA 12:8

Zie ni chuleh Lalpa chun, Jerusalem luohte chuh humbit intin; zie ni chuleh, a lak u a hatlo pên chule, David tawbang a hât hung hi’n tin, Tichun, David insung chuh Pathien tawbang hung hiu un tin, amau haw masang achun Lalpa vânsâwlchâk tawbang in ma pui un au.

MIKA 2:13

A kawt hawng pa chun amau haw dingin lampi hawn sak intin, zie chun lut hut hut un au. Khawpi kawt chuh hihsieu in tin, nuom takin lut un au! A lengpau chuh a masang u ah a chieh a, Lalpa’n a mau pui ding ahi a, amah chuh a kingaknau hiding ahi.