PAWTDAWKNA 14:17 - PATHIEN LEKHABU THIENGTHO (BSI)

¹⁷ Chun, ngaitie, ken Aigupta mite lunggil chuh sukkhauh sak ing ka ting, tichun hun delhzui un au; chun, lengpa leh a sepaihte leh, a kangtalaite leh a sakawl chung chuong mite apat chun lopina chang ing ka.

PAWTDAWKNA 14:17 ပူးပေါင်းရင်းမြစ်များ

PAWTDAWKNA 14:8

Chun, Lalpa’n Aigupta lengpa Pharaoh lunggil chuh a sukkhauh sak a, Israel chate chuh a delh ta a: Israel chate chula guolzawhna lopitak tawh pawt ahiu a.

PAWTDAWKNA 14:4

Chun, Pharaoh lunggil chuh sukkhauh sak ing ka ting, tichun hun delh intin; chun, ken Pharaoh leh a sepaih haw chengcheng akipat chuh limbawlna lawh ing ka; tichun Aigupta mite’n kei hi Lalpa chuh ka hi tih he’n au,” ti’n. Tichun, zie tawbang chun ahih ta a.

EZEKIEL 34:20

“Zieziekchun, Lalpa Pathien chun a kawm u ah hiti hin a tii: Ngaiun, kei, keimah ngêi hin belam hât leh belam zawngkhalte kal thu tan ding ka hi.

EZEKIEL 34:11

Lalpa Pathien chun hiti hin a ti ngâla: “Ngaitiem u, kei, keimah ngêi hin ka belamte chuh hawl ing ka ting, hawl dawk ing ka.

DAN NIHNA 32:39

Kei, Keimah ngêi hi, Amah chuh ka hi, he tau in, Kei tihloh pathien dang a um puoi; Ka sulum seka, ka suhing sek; Ka suliem seka, ka sudam sek; Ka thilhih ei dal thei kuomah a um puoi.

EZEKIEL 6:3

Nanguh Israel tângte haw, Lalpa Pathien thu hi ngaithau in: Lalpa Pathien chun muol leh tâng haw leh kawlsie haw leh guom haw kawm a chun” hiti hin a tii: Ngaitiem u, kei, keimah ngêi hin na chung u ah chemzâm hun pan ing ka ting, milim pathien na honau mun sang haw chuh susie vek ding ka hi.

EZEKIEL 5:8

Lalpa Pathien chun hiti hin a tii: Ngaitie, kei hin, keimah ngêi hin, ka hun lân na hi, namte mitmuh ngêi in na laku ah gawtna hun tunsak ding ka hi;

ISAI 51:12

Kei hi nangmau haw hun lungmuonpa chuh ka hi a, mihing thi kit pai zieng ding hampa bang phet hi bang zieka lau na hiu a?

ISAI 48:15

Kei, keimah ngêi hin thu ka gen ta a, ka na sam ta a; amau chuh ka puidawk a, a chiehna lampiu achun lawhtit sak zel ing ka.

HOSEA 5:14

Ephraim a ding chun sakeibaknei tawbang, Juda a ding chun sakeibaknei vanglai tawbang hiding ka hi ngâla; keimah, keimah ngêi in bawtthêk ing ka ting, chieh ing ka ting, chiehmang pih ing ka ting, kuoma’n hukdawk puo’n a.

JEREMIA 23:39

Zieziekchun, ngaitiem u! Hun bawt dawk ngêi ngêi ing ka ting, ka kawm apat in hun paihmang ing ka; zie khawpi nang u leh na pileputeu ka na piek hi tawh.

THIEMPUDANTE 26:28

ka lungnatna hun taksuoh ka ting, na chung u a ka lungnatna chuh a huoisie zawsem in sagih vei behlap ding ka hi.

PAWTDAWKNA 7:3

Chun, Pharaoh lunggil chuh sukhauh ing ka ting, melchikna leh thilmak haw Aigupta gama ka hihsa’n le na thugen chuh ngaitha lo ding ahi.

PAWTDAWKNA 4:23

Tichun, ka chapa chun ka na a sep theihna dingin, thahdawk in, ka ti a, na thahdawk loh chun, ngaitie, na chapa, na cha lutîl chuh hun thah sak ding ka hi; a tii, ti’n hilh in,” a ti a.

THILSIEMBUL 9:9

“Keimah ngêi in na kawm u leh na nung u a na suonteu kawm ale ka thugawlh chuh ka sudet hi;

THILSIEMBUL 6:17

Ngaiin, keimah ngêi in lei ahin tui let sak ing ka ting, phehlevo nei, amau a hinna hu nei taphawt chuh vannuoi apat in sumang ding ka hi; lei a thil um tincheng hi thi vek in au.

ROME 9:18

Khutichun, Pathien in a deih cheng chuh a khuotuoh sek a, a ut leh a sulochal sek hi.

PAWTDAWKNA 14:23

Chun, Aigupta mite chun a delh u a, Pharaoh sakawl chengcheng te leh, a kangtalaite leh, a sakawl chung chuong mite chun tuipi sung achun a delh lut tau a.

THIEMPUDANTE 10:3

Ziephet chun, Mosi’n Aron kawmah, “Ziehi Lalpa’n ana gen kha ahi, ‘Kuole, ei naih taphawt te kawm achun thiengtho in kilang ing ka ting, tichun, mipite masang achun limbawl a um ding ka hi,’” a ti a. Himahleh, Aron chuh thipkêi in a um a.

JOSHUA 11:20

Lalpa’n Mosi thu a piek banga a hihchimit suok a, lungsietna neilo hiela a hih mangthai theihna dingin a lunggil uh a hihkhauh sak a, Israel te do sak sek pa chuh Lalpa ahi ngâl a.

1 SAMUEL 6:6

Aigupta mite leh Pharaoh’n a lunggil uh a suktak guol uh a khah, bang zieka na lunggil uh sutak na hiu em? A lak uh a thilmak tak a hih phet khan mite chuh a chieh sak uh a, a pawt tau hilo ahim?

THILSIEMBUL 50:9

Chun, a kawm u ah kangtalaite leh sakawl chung chuong mite’n le a zui u a; tichun lawiting tak mai ahiu hi.

PAWTDAWKNA 4:21

Chun, Lalpa’n Mosi kawmah, “Aigupta gam na tun tieng leh na khuta thilmak ka hun hihsak chengcheng kha Pharaoh masangah hih ngêi ngêi in; himahlele a lungthim sukkhauh sak ing ka ting, tichun mihaw chuh pawt sak phal puo’n a.

VAIHAWMTE 4:7

Tichun, Kishon lui ah Jabin sepaih hotu Sisera chuh a kangtalaite leh a sepaih haw cheng tawh hun sawl ing ka; amah chuh na khut ah hun pie’ng ka,’ ti’n thu a pie hilo ahim?” a ti a.

EZEKIEL 28:22

Lalpa Pathien chun hiti hin a tii: Ngaiin, ka hun do ahi, Aw Sidon; Limbawl in hung um ing ka, na sung ah; Lalpa chuh ka hih zie hun he’n au, a chunga gawtna ka tunsak a, a sunga thiengtho a ka kitaklat tieng.