PAWTDAWKNA 14:13 - PATHIEN LEKHABU THIENGTHO (BSI)

¹³ Ziephet chun Mosi’n mipite kawm achun, “Lau kiu in, um hiet hiet mai un, Lalpa hukdamna tuni a a hun hih sak ding hih en mai un, tuni a Aigupta mi na muh teu hih kumkhuo’n mu kit ta puo’n lau.

PAWTDAWKNA 14:13 ပူးပေါင်းရင်းမြစ်များ

2 KHANGTHUBU 20:17

Zie kido na hi na do uh ngai puo’n a: pan mun khawh unla, ngak mai un, nang u lam a pang Lalpa hukdam na chu en zing mai u, Juda mite leh Jerusalem mite: lau kiu inla, lung le lungthuoi diek kiu in, zing leh do ding inkuon dawk un, Lalpa chu nang haw lam ah a pang ngâl a,” a ti a.

2 KHANGTHUBU 20:15

Jahaziel, in, “Nang haw Juda gama mi chengcheng leh Jerusalem a um chengcheng te leh nang lengpa Jehoshaphat, a na ngaithau in; Lalpa’n na kawm u ah hiti hin a tii, Lau kiu inla, zie mipi nasatak te ziek chun lungthuoi diek kiu in; kido na chu nang haw kido na a hi puoh a, Pathien kido na a hi zaw ngâl a.

PAWTDAWKNA 14:30

Khutibang chun Lalpa’n Israel chate chuh zie ni chun Aigupta mite khut apat chun a hukdawk hi; chun, Israel te chun Aigupta mithi haw chuh tuipi pang achun a muu a.

2 LENGTE 6:16

Chun, amah chun, “Lau dah ta, amau haw lama pang sangin, ei lama pang a tamzawu a puo!” a ti a.

ISAI 35:4

Lunggil a lauthawng te kawma chun, “Hattak in um inla, lau kiu in! Ngaiun, na Pathien chuh phuba la dingin hung intin, hun hukdawk ding ahi!” tiu in.

SUNNA LA 3:26

Zieziekchun, eihaw a dingin thuok hattak a Lalpa ngak a, I hukdamna dingu a ngak chu aphai.

HOSEA 13:4

Kei hi Lalpa na Pathien uh, Aigupta gama pata hun puidawkpa chuh ka hi. Kei tihloh chuh Pathien dang na nei puou ui. Kei chauh hi a hun hukdampa chuh ka hi.

HABAKKUK 3:13

Na mite hukdam dingin na pawtdawk a, na thau nuh lengte hukdawk dingin. Minunsiete luchang chuh na sunel a, a nungzuite pum in na sumangthai vek ta a. Selah

ISAI 43:11

“Kei, Kei mai hi Lalpa chuh ka hi a, Kei tih loh Hukdampa dang a um puoi.

DAN NIHNA 20:3

‘Aw, Israel te haw, ngaiun, tuni hin na melmateu do ding na hi tau a, lungkie kiu inla, lau kiu in; tiza kiu inla, a masang u ah taisie kiu in,

KISIMNA 14:9

Lalpa chung ah kiphin kiu unla, zie gam mi haw chuh le kih cha diek kiu, I an ding chauh uh ahi ngâl u a; a kivenbit nau chuh lâkdawk ahi ta a, Lalpa chuh I kawm u ah a um a, amau chuh lau hiel kiu in” a tiu a.

THILSIEMBUL 49:18

“Aw Lalpa, na hukdamna chuh ka ngak zing hi.

JEREMIA 3:23

Tang haw apat a hukdamna kinep chuh a thâwn ahi a, tâng chunga thawm gi hum hum te haw chuh. A diktakin Israel hukdamna chuh Lalpa I Pathien u a um ahi.

NEHEMIA 9:9

“Aigupta gama ka pileputeu gimtheih zie chuh na mu zing a, Tuipi San panga a kiko thawm chuh na za a.

THILSIEMBUL 15:1

Zie thil haw nung chun, Lalpa thu chuh Abram kawmah vaulam in a hung tung a, “Abram, lau kih, kei hi na phaw ka hi a, na kipahman chuh lopi tak hiding ahi” ti’n

SAM LEHKHABU THE PSALMS 3:8

Hukdamna hi Lalpa a ahi: Na vangsakna chuh na mite chungah um hen. Selah

ISAI 26:3

Lalpa, na chunga lungthim ngate chuh, nangmah a hun ginchak ziekin, lungmuong taka um dingin veng in la.

MATTHAI 28:5

Chun, vânsâwlchâk chun numeite chuh a hopih a, a kawm u ah, “Nangun chuh lau kiu in! Isu a khetdên u kha hawl na hiu hi tih ka hêi!

ISAI 30:15

Lalpa Pathien, Israel Mi thiengtho chun, “Vaikit un la, muong takin ei gingcha mai leu chun; hukdam in um in na tin un; thipkêi in ei gingcha mai leu chin hung hât un na tin, bit un lau,” a ti a. Himahlele, na nuom ngâl puou a.

1 KHANGTHUBU 11:14

Chun, amah leh a mite chu lo a chun a ding u a, Philistia mite chu a do u a. Tichun, Lalpa’n hukdawk in, zawhna lopitak a pie ta a.

HABAKKUK 3:8

Aw Lalpa, luipite chunga hi lungna a, tuipite chung ahih lungkim lo na him? Ahihloh leh tuisuohgiet chunga lung-awi lo na him? Ziehaw zieka chuh na sakawlte chunga hung chu a, na gâl zawhna kangtalai chunga hung chu sek na him?

HOSEA 13:9

“Aw Israel, nang haw hun sumangthai ding ka hi. kuo a hun panpih ta ding?

THILSIEMBUL 46:3

Chun, Amah chun, “Kei Pathien, na pa Pathien chuh ka hi; Aigupta gama va chieh chuh lau ki’n; zie achun chi lopitak a hun siem ding ka hi.

PAWTDAWKNA 20:20

Chun, Mosi’n mipite kawm achun, “Lau kiu in, Pathien in a hun patep na hiu hi, a hun suklauh hi na gitloh lohna dinguh ahi,” a ti a.

1 SAMUEL 11:13

Chun, Saul chun, “Tuni khelkhel hin vang kuomah suklup ding ahi puoh ie; tuni hin Lalpa chun Israel te lak ah hukdamna a hun siem dawk ta ngâla,” a ti a.

1 SAMUEL 12:16

Zieziekchun tuhin ding unla, Lalpa’n thil lopi tak na mit muh u a a hih ding hi a na en un.

ISAI 7:4

Kigingpha ding leh, thipkêi a um a, lau lo leh buoi lo hiela um dingin hilh in. Leng Rezin leh, Suria te leng Pekah lungnat chuh meikhuoh thi vangvang sanga lauh-um lo zaw ahi a,

THILSIEMBUL 26:24

Zie zan chun Lalpa chuh a kawmah a hung kilak a, “Kei hi na pa Abraham Pathien chuh ka hi: lau ki’n, na kawmah ka um hi, vang hun pie’ng ka ting, ka suokpa Abraham ziekin na suonte chuh hun hihpung ding ka hi,” a ti a.

SAM LEHKHABU THE PSALMS 68:21

Himahlele Pathien in amah dote luchang chuh sat phel phawk in a, Gitlohna lampi a chieh zel sambuoh taka chieh te chuh.

SAM LEHKHABU THE PSALMS 78:53

Bit takin amau haw chuh a pui a; khutichun bang mah a lau puou ui; Himahlele Tuisuohgiet chun a melmateu chu a valh zo ta a.

SAM LEHKHABU THE PSALMS 91:8

Na mit mai in en in na tin, Mi nunsie gawtna chuh mu’n la.

HOSEA 1:7

Himahleh, Juda inkawte chuh vang lungsiet ka ting, thalpi ahim chemzâm ahim, kidona ahim, sakawl ahim sakawl chung chuong mi ahim a amau haw hukdawk lo in, kei Lalpa a Pathien u hin hukdawk ing ka,” a ti a.